முன்னாள் விடுதலைப்புலி உறுப்பினர் கொழும்பில் துப்பாக்கியுடன் கைது!!

முன்னாள் விடுதலைப்புலி உறுப்பினர் கொழும்பில் துப்பாக்கியுடன் கைது!!

புனர்வாழ்வு பெற்ற விடுதலைப் புலி உறுப்பினர் கொழும்பில் துப்பாக்கியுடன் கைது

விடுதலைப் புலிகள் இயக்கத்தில் இருந்து பின்னர் ராணுவத்தினரால் புனர்வாழ்வளிக்கப்பட்ட ரமேஷ் என்பவர் சற்று முன்னர் கொழும்பில் துப்பாக்கியுடன் கைது செய்யப்பட்டுள்ளார்.

கிரிபத்கொடை புதிய வீதியில் வைத்து பேலியாகொடை பொலிசார் சந்தேகத்தின் பேரில் அவரைக் கைது செய்துள்ளனர்.

அவரிடம் இருந்து டி- 56 ரக துப்பாக்கியொன்றும் கைப்பற்றப்பட்டுள்ளது.

குற்றச் செயல் ஒன்றை மேற்கொள்ளும் நோக்குடன் குறித்த நபர் துப்பாக்கியொன்றைத் தம் வசம் வைத்திருந்ததாக பொலிசார் தெரிவித்துள்ளனர்

சிவப்பு நிறக் கார் ஒன்றில் வந்தவர்கள் அவரிடம் துப்பாக்கியைக் கையளித்து தங்களிடம் இருந்து தகவல் வரும் வரை ஹோட்டல் அறையில் ரமேஷைத் தங்கியிருக்குமாறு கூறிச் சென்றுள்ளனர்.

இதற்கிடையே பொலிசாருக்கு கிடைத்த இரகசியத் தகவலை அடுத்து அவர் கைது செய்யப்பட்டுள்ளார்.

Read More

யாழில் பனையில் 25 அடி உயரத்தில் தூக்கில் தொங்கிய நிலையில் அசோகபதியின் சடலம் மீட்பு!

யாழில் பனையில் 25 அடி உயரத்தில் தூக்கில் தொங்கிய நிலையில் அசோகபதியின் சடலம் மீட்பு!

பனைமரத்தின் 25 அடி உயரத்தில் கழுத்தில் சுருக்கிட்ட நிலையில் 7 பிள்ளைகளின் தந்தை சடலமாக மீட்கப்பட்டார்.

சம்பவத்தில் கொற்றாவத்தை பொலிகண்டி வல்வெட்டித்துறை பகுதியைச் சேர்ந்த 7 பிள்ளைகளின் தந்தையான கந்தசாமி அசோகபதி (வயது 54) என்பவரே சடலமாக மீட்கப்பட்டுள்ளார்.

பனை சீவல் தொழிலாழியான இவர் நேற்று சனிக்கிழமை இரவு 9.30 மணியளவில் பனை மரத்தில் சுமார் 25 அடி உயரத்தில் கழுத்தில் சுருக்கிட்ட நிலையில் நிலையில் சடலமாக மீட்கப்பட்டுள்ளார். சம்பவம் தொடர்பாக மரண விசாரணை அதிகாரி வேலுப்பிள்ளை பாஸ்கரன் அவர்கள் சடலத்தை பார்வையிட்டு பிரேதப் பரிசோதனைக்காக யாழ் போதனா வைத்தியசாலைக்கு அனுப்பி வைத்துள்ளார்.

Read More

பாடசாலை நேரத்தை 30 நிமிடங்கள் அதிகரிப்பதற்கான காரணம் இதுதான்: பிரதமர் விளக்கம்

பாடசாலை நேரத்தை 30 நிமிடங்கள் அதிகரிப்பதற்கான காரணம் இதுதான்: பிரதமர் விளக்கம்

புதிய கல்வி சீர்திருத்தங்களின் கீழ் பாடசாலை நேரம் முப்பது நிமிடங்கள் நீட்டிக்கப்பட்டுள்ளதாக கல்வி அமைச்சர் பிரதமர் ஹரிணி அமரசூரிய தெரிவித்துள்ளார்.

தொலைக்காட்சி நேர்காணலின் போது பேசிய பிரதமர் அமரசூரிய, ஒரு பாடத்தின் நேரம் 45 நிமிடங்களாக நீட்டிக்கப்பட்டுள்ளதாக கூறினார்.

“பாடம் அல்லது தொகுதி அவசரமின்றி கற்பிக்கப்படுவதை உறுதி செய்வதற்காக இது செய்யப்படுகிறது. குழு ஆராய்ச்சி மற்றும் விளக்கக்காட்சிகள் போன்ற பல நடைமுறை செயல்பாடுகளை நாங்கள் சேர்த்துள்ளோம். மாணவர்களுக்கு கற்பிக்க ஆசிரியருக்கு போதுமான நேரம் இருக்க வேண்டும், அதே நேரத்தில் மாணவர்கள் அவசரமின்றி இந்த நடவடிக்கைகளில் பங்கேற்க நேரம் தேவை,” என்று அவர் விளக்கினார்.

பாடசாலைகளை காலை 08.00 மணி முதல் மாலை 04.00 மணி வரை இயக்குவதற்கு ஆரம்பத்தில் முன்மொழியப்பட்டதாக வெளிப்படுத்திய பிரதமர் அமரசூரிய, இருப்பினும், பாடசாலை நேரத்தை அரை மணி நேரம் மட்டுமே நீட்டிக்க முடிவு செய்யப்பட்டதாக கூறினார்.

போக்குவரத்து போன்ற பிற தளவாட சிக்கல்களைக் கருத்தில் கொண்ட பிறகு இந்த முடிவு எடுக்கப்பட்டதாக அவர் கூறினார்.

Read More

யாழில் கள்ளக்காதல் சந்தேகம்!! நிறை வெறியில் மனைவியை உயிருடன் எரித்துக் கொன்ற கணவன் கைது!!

யாழில் கள்ளக்காதல் சந்தேகம்!! நிறை வெறியில் மனைவியை உயிருடன் எரித்துக் கொன்ற கணவன் கைது!!

யாழ்ப்பாணம், வடமராட்சியில் கணவனால் தீமூட்டி எரிக்கப்பட்ட குடும்பப் பெண் சிகிச்சை பலனின்றி உயிரிழந்துள்ளார்.வடமராட்சி துன்னாலை பகுதியில் இந்த சம்பவம் நடந்தது.

கடந்த 17ஆம் திகதி 38 வயதான குடும்பப் பெண்ணொருவர் தீயில் எரிந்த நிலையில், பருத்தித்துறை ஆதார வைத்தியசாலையில் அனுமதிக்கப்பட்டார். அவர் ஆபத்தான நிலையில் இருந்ததால் உடனடியாக யாழ்ப்பாணம் போதனா வைத்தியசாலைக்கு மாற்றப்பட்டார்.

அவர் பொலிசாரிடம் வழங்கிய வாக்குமூலத்தில், தனது கணவர் தன்னை எரித்ததாக தெரிவித்திருந்தார்.கசிப்பு குடித்து விட்டு வந்த கணவன், வேறொரு ஆணுடன் அந்த பெண்ணுக்கு தொடர்பிருப்பதாக குறிப்பிட்டு, தகராறில் ஈடுபட்ட பின்னர், அந்த பெண்ணை தீமூட்டி எரித்துள்ளார். யாழ் போதனா வைத்தியசாலையில் சிகிச்சை பெற்று வந்த பெண் சிகிச்சை பலனின்னி இன்று உயிரிழந்தார்.அவரது கணவர் நெல்லியடி பொலிசாரால் கைது செய்யப்பட்டார்.

Read More

சம்பூர் மனிதப் புதைகுழி கண்டுபிடிப்பு: 35 வருடக் கோரமான வரலாற்றின் வடுக்கள் மீண்டும் வெளிச்சத்திற்கு

 திருகோணமலை, சம்பூர் கடற்கரை ஓரமாக நிலக்கீழ் கண்ணிவெடி அகழும் பணியில் ஈடுபட்டுக் கொண்டிருந்தபோது மனித எச்சங்கள் வெளிவந்தததையடுத்து, குறித்த கண்ணிவெடி அகழும் பணி இடைநிறுத்தப்பட்டுள்ளதாகத் தெரியவருகிறது. இக்கண்டுபிடிப்பு, இலங்கையின் உள்நாட்டுப் போரின் கொடூரமான காலப்பகுதியையும், குறிப்பாகச் சம்பூரில் நிகழ்ந்த படுகொலைகளின் நினைவுகளையும் மீண்டும் மக்கள் மனதில் எழுப்பியுள்ளது.

கடந்த வியாழக்கிழமை (ஜூலை 17) மூதூர் - சம்பூர் கடற்கரையோரப் பகுதியில் நிலக்கீழ் கண்ணிவெடி அகழும் பணி ஆரம்பிக்கப்பட்டிருந்தது. சம்பூர் சிறுவர் பூங்காவை அண்மித்துள்ள கடற்கரையோரப் பகுதியில், கடந்த ஒரு வாரகாலமாக எம்.ஏ.ஜி (MAG) எனப்படும் கண்ணிவெடி அகழும் நிறுவனம், தங்களுக்குரிய தளபாடங்கள் மற்றும் பொருட்களுடன் முகாமிட்டு, கடந்த வியாழக்கிழமை முதல் கண்ணிவெடி அகழும் பணியைத் தொடர்ந்தது.

இந்நிலையில், இன்று (ஜூலை 20) குறித்த பகுதியில் மனித எலும்புக்கூடுகள் கண்டுபிடிக்கப்பட்டதையடுத்து, அகழ்வுப் பணி உடனடியாக நிறுத்தப்பட்டுள்ளது. இது தொடர்பில் நீதிமன்றக் கட்டளையைப் பெறுவதற்கான நடவடிக்கைகள் முன்னெடுக்கப்பட்டு வருவதாகத் தெரிவிக்கப்படுகிறது. சம்பூர் படுகொலையின் நினைவாக அமைக்கப்பட்ட தூபியை அண்மித்த பகுதியிலேயே இந்த மனித எலும்புப் பாகங்கள் கண்டுபிடிக்கப்பட்டுள்ளமை குறிப்பிடத்தக்கதாகும்.

சம்பூர் படுகொலை: 35 வருட வரலாறு:

திருகோணமலை சம்பூர் பகுதி, இலங்கையின் உள்நாட்டுப் போரின்போது பல மனித உரிமை மீறல்களுக்கும், பொதுமக்கள் படுகொலைகளுக்கும் சாட்சியாக இருந்துள்ளது. குறிப்பாக, சுமார் 35 ஆண்டுகளுக்கு முன்னர், அதாவது 1990 ஜுலை 7 ஆம் திகதி, இப்பகுதியில் நடந்த ஒரு கோரமான சம்பவத்தில், அப்பாவிப் பொதுமக்கள் பெருமளவில் இராணுவம் எனக் கருதப்படும் சீருடை அணிந்தவர்களால் படுகொலை செய்யப்பட்டனர். சம்பூர் கிராமத்தில் வெட்டியும் சுட்டும் 57 பேர்  க்கொல்லப்பட்டதாகப் பதிவாகியுள்ளது.

இந்தச் சம்பவங்களின் விளைவாக, அப்பகுதி மக்கள் இடம்பெயர்ந்து, பெரும் துன்பங்களை அனுபவித்தனர். உயிரிழந்த பலரின் உடல்கள் மீட்கப்படாமலோ, முறையாக அடையாளம் காணப்படாமலோ புதைக்கப்பட்டிருக்கலாம் என்ற அச்சம் நீண்டகாலமாக நிலவி வருகிறது. இந்தப் படுகொலைகளின் நினைவாகவே சம்பூர் கடற்கரையோரத்தில் தூபியொன்று அமைக்கப்பட்டு, நீதிக்கான குரல் தொடர்ந்து ஓங்கி ஒலிக்கிறது. தற்போது கண்டுபிடிக்கப்பட்டுள்ள மனித எச்சங்கள், அந்தப் பழைய காயங்களை மீண்டும் கீறி, நீதி மற்றும் உண்மைக்கான தேடலுக்கு மேலும் உந்துதல் அளித்துள்ளன.

Read More

சுவிஸ்லாந்தில் புலம்பெயர் தமிழ் வர்த்தகர்களை அவர்களின் கடைகளை வி்ட்டு வெளியேற உத்தரவு!!

சுவிஸ்லாந்தில் புலம்பெயர் தமிழ் வர்த்தகர்களை அவர்களின் கடைகளை வி்ட்டு வெளியேற உத்தரவு!!

சுவிட்சர்லாந்தின் மிகப்பெரிய நகரமான சூரிச்சில் லிட்டில் ஸ்ரீலங்கா எனப்படும் தமிழ் கடைகள் அமைந்துள்ள கட்டிடங்களில் 40 குத்தகைதாரர்களையும் வெளியேறுமாறு அறிவுறுத்தல் வழங்கப்பட்டுள்ளது.

புதுபித்தல் பணிகள் இடம்பெறுவதன் காரணமாக அவர்களை வெளியுமாறு அறிவிக்கப்பட்டிருக்கிறது.

சூரிச் மாவட்டம் ஐது பகுதியிலுள்ள குடியிருப்பு தொகுதி மற்றும் வணிக கட்டிடம் ஒன்றில் விரிவாக்கப்பணிகள் இடம்பெறவுள்ளதால் இந்நிலை ஏற்பட்டிருக்கிறது. இதனால் குத்தகைதாரர்கள் பெரும் சிரமத்தை எதிர்கொள்ள நேரிட்டிருக்கிறது.

பிரபலமான பேக்கரி கடை உள்ளிட்ட 40 குத்தகைதாரர்கள் 2026 இல் வெளியேற வேண்டும் என ஏற்கனவே அறிவிக்கப்பட்டுள்ளது.

பல புதிய தொழிநுட்பங்களுடன் குறித்த கட்டிடத்தொகுதி மேம்படுத்தப்படவுள்ளது.

1980 ஆம் ஆண்டுகளில் குறித்த கட்டிடம் பல விற்பனை நிலையங்களுடன் சேர்ந்து லிட்டில் சிறிலங்கா என்ற விற்பனை மையமாக மாறியது.

விரிவாக்கப்பணிகளின் பின்னர் தற்போதய குத்தகைதாரர்கள் மீண்டும் இணைய முடியுமா என்பதில் சந்தேகம் எழுந்துள்ளதாக தெரிவிக்கப்படுகின்றது.

Read More

பெண்களை கர்ப்பமாக்க 15 லட்சம் சம்பளம்!

திருமணம் ஆன பெண்களை கர்ப்பமாக்க 15 லட்சம் சம்பளம்! எங்கே? எப்படி? ஒரு விசித்திரமான மோசடியின் கதை இந்தியாவின் பீகார் மாநிலத்தில், குறிப்பாக நவாதா மாவட்டத்தில், 'ஆல் இந்தியா ப்ரெக்னன்ட் ஜாப் சர்வீஸ்' (All India Pregnant Job Service) என்ற பெயரில் நடைபெற்ற ஒரு விசித்திரமான சைபர் மோசடி சமீபத்தில் காவல்துறையால் கண்டறியப்பட்டு, பலரையும் அதிர்ச்சிக்கு உள்ளாக்கியுள்ளது.

இந்த மோசடி, இளைஞர்களை குறிவைத்து, குழந்தையில்லாத பெண்களை கர்ப்பமாக்குவதற்கு பணம் வழங்கப்படும் என்று பொய்யான வாக்குறுதிகளை அளித்து, அவர்களை ஏமாற்றியது.

இந்தக் கட்டுரையில், இந்த ஊழலின் விவரங்கள், அதன் செயல்பாடு, மற்றும் சமூகத்திற்கு இது ஏற்படுத்திய தாக்கம் பற்றி விவாதிக்கப்படுகிறது.

ஊழலின் பின்னணி,

நவாதா மாவட்டம், பீகாரில் மோசடிகளுக்கும், ஏமாற்று வேலைகளுக்கும் பெயர் பெற்ற ஒரு பகுதியாகும். 2,000 களின் ஆரம்பத்தில், புற்றுநோயைக் குணப்படுத்தும் மருந்துகள் மற்றும் ஆற்றல் அதிகரிக்கும் மாத்திரைகள் என்ற பெயரில் மாவு நிரப்பப்பட்ட மோசடி பொருட்கள் விற்பனை செய்யப்பட்டன.

இப்போது, டிஜிட்டல் யுகத்தில், மோசடிகள் மேலும் தீவிரமடைந்து, சமூக ஊடக தளங்களான டெலிகிராம், பேஸ்புக், மற்றும் வாட்ஸ்அப் மூலம் பரவி வருகின்றன. இந்த கர்ப்ப ஊழல், இத்தகைய டிஜிட்டல் மோசடிகளின் ஒரு உதாரணமாகும்.

மோசடியின் செயல்பாடு,

இந்த மோசடி, 'ஆல் இந்தியா ப்ரெக்னன்ட் ஜாப் சர்வீஸ்' என்ற பெயரில் ஒரு இணையதளத்தை உருவாக்கி, இளைஞர்களை குறிவைத்து செயல்பட்டது.

மோசடி கும்பல், குழந்தையற்ற பெண்களை கர்ப்பமாக்குவதற்கு உதவினால், 10 முதல் 15 லட்சம் ரூபாய் வரை பணம் வழங்கப்படும் என்று வாக்குறுதி அளித்தது.

மேலும், கர்ப்பமாக்க முடியாவிட்டாலும், 50,000 ரூபாய் ஆறுதல் தொகையாக வழங்கப்படும் என்று தெரிவிக்கப்படுகிறது.

மோசடியின் செயல்முறை பின்வருமாறு இருந்தது,

விளம்பரங்கள் மற்றும் தொடர்பு,

பேஸ்புக்கில் 'Call me' என்ற வாசகத்துடன் ஒரு பெண்ணின் படத்தைப் பயன்படுத்தி விளம்பரங்கள் பரப்பப்பட்டன. ஆர்வம் காட்டியவர்களை வாட்ஸ்அப் அல்லது டெலிகிராம் மூலம் தொடர்பு கொண்டனர்.

பதிவு கட்டணம், ஆரம்பத்தில், 799 ரூபாய் பதிவு கட்டணமாகவும், பின்னர் 5,000 முதல் 20,000 ரூபாய் வரை பாதுகாப்பு வைப்புத் தொகையாகவும் வசூலிக்கப்பட்டது. ஆதார் மற்றும் பான் கார்டு விவரங்களும் சேகரிக்கப்பட்டன.

பொய்யான வாக்குறுதிகள், பணம் செலுத்தியவர்களுக்கு, ஒரு பெண்ணை சந்திக்க ஏற்பாடு செய்யப்படும் என்று கூறப்பட்டது. ஆனால், எந்த சந்திப்பும் நடைபெறவில்லை, மாறாக மேலும் பணம் கோரப்பட்டது.

உதாரணமாக, வைசாலியைச் சேர்ந்த 27 வயது தொழிலாளி முகேஷ் குமார், 15 லட்சம் ரூபாய் பரிசு வாக்குறுதியால் ஈர்க்கப்பட்டு, இந்த மோசடியில் சிக்கினார்.

பதிவு கட்டணம் மற்றும் ஹோட்டல் முன்பதிவு கட்டணம் என்ற பெயரில் பணம் செலுத்திய அவர், இறுதியில் ஏமாற்றப்பட்டார்.

பொலிஸாரின் நடவடிக்கை,

2023 டிசம்பர் இறுதியில், நவாதா மாவட்ட பொலிஸார் இந்த மோசடியை அம்பலப்படுத்தியது. கஹுவாரா கிராமத்தில் இயங்கிய இந்த கும்பலில் இருந்து முதலில் 08 பேர் கைது செய்யப்பட்டனர்.

2024 இல் மேலும் மூவர் கைது செய்யப்பட்டனர். கைது செய்யப்பட்டவர்களிடமிருந்து அழைப்பு பதிவுகள், வாட்ஸ்அப் புகைப்படங்கள், ஆடியோ பதிவுகள் மற்றும் பண பரிவர்த்தனை விவரங்கள் உள்ளிட்ட ஆதாரங்கள் கைப்பற்றப்பட்டன.

காவல்துறையின் புலனாய்வு, இந்த மோசடி ஒரு பெரிய நெட்வொர்க்கின் ஒரு பகுதியாக இருக்கலாம் என்று குறிப்பிடுகிறது. இருப்பினும், 'நூறு பேரை கைது செய்தாலும், 101 ஆவது நபர் இதே மோசடியை தொடரலாம்' என்று பொலிஸ் அதிகாரி ஒருவர் கவலை தெரிவித்தார், இது மோசடியின் ஆழத்தை உணர்த்துகிறது.

சமூக தாக்கம்,

இந்த ஊழல் பீகார் மாநிலத்தில் பலருக்கு பொருளாதார இழப்பை ஏற்படுத்தியது மட்டுமல்லாமல், சமூக அளவில் பல கேள்விகளையும் எழுப்பியுள்ளது.

இளைஞர்களின் வேலையின்மை மற்றும் பொருளாதார நெருக்கடியை பயன்படுத்தி, மோசடி கும்பல்கள் எவ்வாறு அவர்களை எளிதாக இலக்காக்குகின்றன என்பதை இது வெளிப்படுத்துகிறது.

மேலும், டிஜிட்டல் தளங்களின் தவறான பயன்பாடு, சைபர் குற்றங்களின் புதிய பரிமாணத்தை உருவாக்கியுள்ளது.பொது மக்களிடையே விழிப்புணர்வு இல்லாததும், எளிதில் பணம் சம்பாதிக்கும் ஆசையும் இத்தகைய மோசடிகளுக்கு வழிவகுக்கின்றன.

இந்த ஊழல், குறிப்பாக ஆண்களை இலக்காக்கி, பா லி ய ல் மற்றும் கர்ப்பம் தொடர்பான உணர்வுகளை தவறாக பயன்படுத்தியது, இது சமூகத்தில் ஒரு புதிய விவாதத்தை தூண்டியுள்ளது.

Read More

யாழ்ப்பாண யுவதி கட்டுநாயக்க விமான நிலையத்தில் கைது: போலி ஆவணங்களுடன் இத்தாலி செல்ல முயற்சி!

யாழ்ப்பாண யுவதி கட்டுநாயக்க விமான நிலையத்தில் கைது: போலி ஆவணங்களுடன் இத்தாலி செல்ல முயற்சி!

கட்டுநாயக்க, பண்டாரநாயக்க சர்வதேச விமான நிலையத்தில் யாழ்ப்பாணத்தைச் சேர்ந்த 26 வயது யுவதி ஒருவர் கைது செய்யப்பட்டுள்ளார்.

விமான நிலையத்தின் குற்றப் புலனாய்வுப் பிரிவினரால் நேற்று (ஜூலை 18) இந்த கைது நடவடிக்கை மேற்கொள்ளப்பட்டதாக அதிகாரிகள் உறுதிப்படுத்தியுள்ளனர்.

அதிகாரிகளின் கூற்றுப்படி, சந்தேகநபர் போலி கடவுச்சீட்டு, போலி விமான அனுமதி அட்டை (boarding pass) மற்றும் போலி குடிவரவு முத்திரைகளுடன் பிடிபட்டுள்ளார்.

யாழ்ப்பாணம், குருநகரைச் சேர்ந்தவர் என அடையாளம் காணப்பட்ட இந்த யுவதி, குடிவரவு அதிகாரிகளை ஏமாற்றி, போலி ஆவணங்களைப் பயன்படுத்தி டுபாய் வழியாக இத்தாலி செல்ல திட்டமிட்டிருந்ததாகக் கூறப்படுகிறது.

போலித் தகவல்களை வழங்கியமை, உத்தியோகபூர்வ ஆவணங்களைத் திரிபுபடுத்தியமை, மற்றும் போலியான வீசாவுடன் சட்டவிரோத வெளிநாட்டுப் பயணத்திற்கு முயற்சித்தமை ஆகிய குற்றச்சாட்டுகளின் கீழ் அவர் கைது செய்யப்பட்டுள்ளார்.

இச்சம்பவம் தொடர்பான மேலதிக விசாரணைகள் தற்போது நடைபெற்று வருகின்றன.

Read More

கண்டி விபத்தில் பலியானோர் எண்ணிக்கை 3 ஆக உயர்வு!

கண்டி விபத்தில் பலியானோர் எண்ணிக்கை 3 ஆக உயர்வு! 

 கண்டி, உடுதும்பர-மீமுரே பகுதியில் வான் ஒன்று பள்ளத்தில் வீழ்ந்து விபத்துக்குள்ளானதில் 3 பேர் உயிரிழந்துள்ளனர்.

இந்த சம்பவம் நேற்று(19.07.2025) மாலை ஏற்பட்டுள்ளது.

உயிரிழந்தவர்களில் இரண்டு பெண்களும், ஆண் ஒருவரும் அடங்குவதாக பொலிஸ் தரப்பு தெரிவித்துள்ளது.

விபத்தில் காயமடைந்த மேலும் 3 பேர் தெல்தெனிய மருத்துவமனையில் அனுமதிக்கப்பட்டுள்ளனர்.

Read More

யுத்தம் நடந்த மண்ணில் புதைகுழிகள் இருக்குமாம் – உதய கம்மன்பில தெரிவிப்பு..!

யுத்தம் நடந்த மண்ணில் புதைகுழிகள் இருக்குமாம் – உதய கம்மன்பில தெரிவிப்பு..!

“யுத்தம் நடந்த மண்ணில் எங்கு தோன்றினாலும் மனிதப் புதைகுழிகள் இருக்கத்தான் செய்யும். செம்மணி மனிதப் புதைகுழியில் அகழ்வுப் பணி மேற்கொள்வது தேவையற்றது”என பிவிதுரு ஹெல உறுமயவின் தலைவரும், முன்னாள் அமைச்சருமான உதய கம்மன்பில தெரிவித்துள்ளார்.

செம்மணி மனிதப் புதைகுழி தொடர்பில் கருத்துரைக்கும்போதே அவர் மேற்கண்டவாறு கூறினார்.

அவர் மேலும் தெரிவிக்கையில், “வடக்கு யுத்தம் நடந்த மண். இந்த மண்ணில் எங்கு தோன்றினாலும் மனிதப் புதைகுழிகள் இருக்கத்தான் செய்யும். யுத்தத்தில் உயிரிழந்தவர்கள் பலர் மண்ணுக்குள்தான் புதைக்கப்பட்டார்கள். எனவே, அந்தப் புதைகுழிகள் யுத்தத்தின் பின்னர் வெளிக்கிளம்பும் போது பலரும் வெவ்வேறு விதமாக கருத்து வெளியிட்டு வருகின்றனர்.

செம்மணியில் தற்போது கண்டுபிடிக்கப்பட்ட மனிதப் புதைகுழியை, பெருமளவு நிதிகளை வீண்விரயம் செய்து அரசு அகழ்கின்றது. இது தேவையற்றது.

அந்தப் புதைகுழிக்குள் இருந்து எலும்புக்கூடுகளாக மீட்கப்படுபவர்கள் உண்மையில் எந்த இனத்தைச் சேர்ந்தவர்கள் என்று தெரியாது. ஏனெனில் யுத்தத்தில் மூன்று இனத்தவர்களும் உயிரிழந்தனர். எனவே, செம்மணி மனிதப் புதைகுழியைத் தோண்டுவது மீண்டும் இன வன்முறைக்கே வழிவகுக்கும்” என்றார்.

Read More