பிரித்தானியாவில் நெட்வொர்க் பிரச்சினையால் பாதிக்கப்பட்டுள்ள விமான சேவை: ஆயிரக்கணக்கான விமானங்கள் பாதிப்பு
பிரித்தானிய வான் போக்குவரத்துக் கட்டுப்பாட்டு சேவைகள் செயலிழந்ததால், ஆயிரக்கணக்கான விமானங்கள் தாமதமாகும் நிலை உருவாகியுள்ளது.
நெட்வொர்க் பிரச்சினை
பிரித்தானியா முழுவதும் வான் போக்குவரத்துக் கட்டுப்பாட்டு மையங்கள் தொழில் நுட்பக் கோளாறு ஒன்றால் பாதிக்கப்பட்டுள்ளன.
இதனால், பிரித்தானியாவுக்கு வெளியில் இருந்து பிரித்தானியாவுக்கு வரும் பயணிகளின் விமானங்கள் தாமதமாகும் என அறிவிக்கப்பட்டுள்ளது.
பிரித்தானியாவிலிருந்து புறப்படும் பயணிகள், விமான நிலையம் புறப்படும் முன் தங்கள் விமானம் புறப்படுவது தொடர்பான தகவல்களை இணையதளத்தில் பார்த்து உறுதிசெய்துகொண்டு பின் புறப்படுமாறு கேட்டுக்கொள்ளப்பட்டுள்ளார்கள்.
Airline Services Hit Network Problems In Uk
பிரச்சினை குறித்து வான் போக்குவரத்துக் கட்டுப்பாட்டு அமைப்பு கூறுவதென்ன?
தேசிய வான் போக்குவரத்துக் கட்டுப்பாட்டு அமைப்பான NATS வெளியிட்டுள்ள அறிக்கை ஒன்றில், தொழில்நுட்பக் கோளாறு காரணமாக, பாதுகாப்பு கருதி, நாங்கள் விமான போக்குவரத்துக்கு கட்டுப்பாடுகள் விதித்துள்ளோம்.
பொறியாளர்கள் அந்த கோளாறைக் கண்டுபிடித்து சரி செய்யும் முயற்சியில் ஈடுபட்டுவருகிறார்கள். இதனால் ஏற்பட இருக்கும் அசௌகரியத்துக்கு வருந்துகிறோம் என கூறப்பட்டுள்ளது.
ஆனால், இந்த பிரச்சினையை சரி செய்ய எவ்வளவு நேரமாகும், எதனால் பிரச்சினை ஏற்பட்டது என்பது குறித்து அந்த அறிக்கையில் எதுவும் கூறப்படவில்லை.
0 comments:
Post a Comment