60 வயது அஞ்சலாதேவியை எதற்காக அழைக்கின்றது பயங்கரவாத குற்றத்தடுப்பு பிரிவு!! நடப்பது என்ன?

60 வயது அஞ்சலாதேவியை எதற்காக அழைக்கின்றது பயங்கரவாத குற்றத்தடுப்பு பிரிவு!! நடப்பது என்ன?

மூதூர் பகுதியைச் சேர்ந்த பெண் சமூக செயற்பாட்டாளர் அஞ்சலிதேவி TIDயினரால் விசாரணைக்காக நாளை (04) அழைக்கப்பட்டுள்ளார்.

மூதூர் முன்னம்போடிவெட்டை பகுதியைச் சேர்ந்த சமூக செயற்பாட்டாளர் நவரத்தினராசா அஞ்சலிதேவி (வயது 60) என்பவருக்கு திருகோணமலை பயங்கரவாத தடுப்பு மற்றும் விசாரணைப் பிரிவினரால் விசாரணைக்காக அழைப்பு விடுக்கப்பட்டுள்ளது.

நாளை (04) புதன்கிழமை காலை 10.00 மணியளவில் திருகோணமலை பழைய பொலிஸ் நிலைய பகுதியில் அமைந்துள்ள பயங்கரவாத தடுப்பு மற்றும் விசாரணை பிரிவுக்கு வருகை தருமாறு எழுத்து மூலமாக அறிவித்தல் வழங்கப்பட்டுள்ளது.

அத்துடன் குறித்த நபர் கடந்த பெப்ரவரி மாதம் 07ஆம் திகதி திருகோணமலை பயங்கரவாத தடுப்பு மற்றும் விசாரணைப் பிரிவினரால் அழைக்கப்பட்டு விசாரணைக்கு உட்படுத்தப்பட்டிருந்தமையும் குறிப்பிடத்தக்கதாகும்.

Read More

அர்ச்சுனா எம்.பி மீது பாராளுமன்றில் வைத்து அடித்தது யார்? சபையில் கத்திக் குளறினார் அர்ச்சுனா!! வீடியோ இணைப்பு

அர்ச்சுனா எம்.பி மீது பாராளுமன்றில் வைத்து அடித்தது யார்? சபையில் கத்திக் குளறினார் அர்ச்சுனா!! வீடியோ இணைப்பு

‘எதிர்க்கட்சித்தலைவர் அலுவலகத்தில் சுஜித் என்பவர் என்னை தாக்கினார்.நான் அவரை திருப்பித்தாக்க ரொம்ப நேரம் போகாது.ஆனால் அவர் என் தந்தையை போன்றவர்.அதனால் சும்மா விட்டேன்.’

பாராளுமன்ற சபையில் முறையிட்டார் அர்ச்சுனா..

Read More

கனடாவில் தனுசா 2ம் கலியாணம்! கோபத்தில் தாய் தனது 2 வது மகளுக்கு சொத்து எழுதியால் யாழ் வந்து தாய் மீது தனுசா தாக்குதல்!!

கனடாவில் தனுசா  2ம் கலியாணம்! கோபத்தில் தாய் தனது 2 வது மகளுக்கு சொத்து எழுதியால் யாழ் வந்து தாய் மீது தனுசா தாக்குதல்!!

கனடாவில் பிரஜா உரிமையுடன் வசித்து வந்த 43 வயதான தனுசா எனும் குடும்பப் பெண் ஒருவர்  யாழ்ப்பாணம் வந்து தனது 69 வயதான தாயாரை தும்புத்தடி மற்றும் செருப்பால் கடுமையான தாக்குதலை மேற்கொண்டுள்ளதாகத் தெரியவருகின்றது. இச் சம்பவம் தொடர்பாக தனுசாவின் சகோதரி பொலிசாரிம் முறையிடவுள்ளார். 

தனது கணவனையும் 16 வயது மற்றும் 13 வயதான மகன்களையும் கைவிட்டு விட்டு கனடாவில் 35 வயதான இன்னொரு குடும்பஸ்தருடன் தனுசா தற்போது குடித்தனம் நடாத்தி வருகின்றார். இது தொடர்பாக  யாழ்ப்பாணத்தில் தனுசாவின் தாய் கடும் கோபத்துடன் இருந்துள்ளார். கனடாவில் கணவனை கை விட்டு இன்னொருவருடன் வாழ்ந்து வரும் தனது மகளுக்கு பாடம் கற்பிக்க தாயார் முடிவு செய்துள்ளார். 

தனுசாவுக்கு கொடுக்க நினைத்த பலகோடி ரூபா பெறுமதியான சொத்துக்களை யாழ்ப்பாணத்தில் தன்னுடன் வாழும் தனது இரண்டாவது மகளுக்கு எழுதிக் கொடுத்துள்ளார். யாழ் நகரப்பகுதியில் உள்ள கடைத்தொகுதியுடன் கூடிய 3 பரப்பு காணி மற்றும் வலிவடக்குப் பகுதியில் உள்ள 30 பரப்புக் காணி என்பவற்றையே தனது இரண்டாவது மகளான குடும்பப் பெண்ணுக்கு எழுதிக் கொடுத்துள்ளார். யாழ் நகரப்பகுதியில் உள்ள காணியில் கட்டப்பட்ட கடைத் தொகுதி கனடாவிலிருந்து தனுசா அனுப்பிய காசிலேயே கட்டப்பட்டதாக தெரியவருகின்றது.

இதனையடுத்து கொலை வெறியில் கனடாவிலிருந்து வந்த தனுசா, தாய் மற்றும் சகோதரி மீது கடும் தாக்குதலை நடாத்தியுள்ளதாகத் தெரியவருகின்றது. தடுக்க முற்பட்ட சகோதரியின் கணவன் மீதும் தாக்குதல் நடாத்தப்பட்டுள்ளது. அத்தடன் தனுசா தனது தாயாரையும் பலவந்தமாக தன்னுடன் வந்த வாகனத்தில் ஏற்றிக் கடத்த முற்பட்டதாகவும் அயலவர்கள் தடுத்து நிறுத்தியுள்ளதாகவும் தகவல்கள் தெரிவிக்கின்றன. 

இது தொடர்பாக பொலிசாருக்கு அறிவிக்க ஆயத்தமான போது தாயார் அதனைத் தடுத்து நிறுத்தியதுடன் நாளைக்குள் தனுசா கொழும்புக்கு ஓடாவிட்டால் பொலிசாரிடம் பிடித்துக் கொடுப்பதற்கான நடவடிக்கைகளை எடுக்குமாறும் தாயார் தனது உறவுகளுக்கு அறிவுறுத்தியுள்ளதாகத் தெரியவருகின்றது.

Read More

கனடாவிலிருந்து வெளியேறப்போகும் மில்லியன் கணக்கான புலம்பெயர்ந்தோர் : வெளியான அதிர்ச்சி தகவல் | Millions Of Immigrants Might Have To Leave Canada

கனடாவிலிருந்து வெளியேறப்போகும் மில்லியன் கணக்கான புலம்பெயர்ந்தோர் : வெளியான அதிர்ச்சி தகவல்

கனடாவில்(canada) அடுத்த வருடத்தின்(2025) இறுதியில் பாரிய அளவிலான புலம்பெயர்ந்தவர்கள்(diaspora) வெளியேறவேண்டிய நிலை ஏற்படுமென அந்நாட்டு புலம்பெயர்தல் துறை அமைச்சர் மார்க் மில்லர்(mark miller) தெரிவித்துள்ளார்.

இவ்வாறு அவர்கள் வெளியேற வேண்டிய நிலைக்கு அவர்களுக்கு வழங்கப்பட்ட பல மில்லியன் தற்காலிக அனுமதிகள் காலாவதியாக உள்ளமையே எனவும் அவர் குறிப்பிட்டுள்ளார்.

தாமாகவே வெளியேறக்கூடும்

நாடாளுமன்ற புலம்பெயர்தல் குழு முன் விளக்கமளித்த மார்க் மில்லர், தற்காலிக அனுமதிகள் காலாவதியாகும் பெரும்பாலானோர் கனடாவிலிருந்து தாமாகவே வெளியேறக்கூடும் என கூறிய நிலையில், கொன்சர்வேட்டிவ் கட்சி நாடாளுமன்ற உறுப்பினரான ரொம் (Tom Kmiec), சுமார் 4.9 மில்லியன் பேரின் தற்காலிக அனுமதிகள் காலாவதி ஆகும் நிலையில், அவர்கள் நாட்டைவிட்டு வெளியேறுவதை கனடா அரசு எப்படி உறுதி செய்ய உள்ளது என்று கேள்வி எழுப்பினார்.

Millions Of Immigrants Might Have To Leave Canada

அதற்கு பதிலளித்த மில்லர், நமது நாட்டுக்குள் வருவோரில் பெரும்பாலானோர் தற்காலிகமாக வந்துள்ளதால், அவர்களுடைய அனுமதிகள் காலாவதியானபின் இங்கு தங்க அவர்களுக்கு உரிமை இல்லை, ஆகவே அவர்கள் தாமாகவே வெளியேறிவிடுவார்கள் என்றார்.

புலம்பெயர்ந்தவர்களுக்கு பெரும் சிக்கல் 

அப்படி தாமாக வெளியேறாதவர்களை புலம்பெயர்தல் அமைச்சகம் எப்படி கையாளப்போகிறது என ரொம் விடாமல் கேட்க, அவர்களை வெளியேற்ற கனடா எல்லைப் பாதுகாப்பு ஏஜன்சிக்கு உரிமை உள்ளது என்றார் மில்லர்.

இந்த நிலையில் தற்காலிக அனுமதி பெற்று கனடாவில் வசிக்கும் புலம்பெயர்ந்தவர்களுக்கு பெரும் சிக்கல் ஏற்படப்போவதாக தகவல்கள் தெரிவிக்கின்றன.

Read More

யாழில் சோறு கொடுக்க மறுத்து பழி தீர்த்த விதானையார்!! இருவர் கைது!! மக்கள் ஆர்ப்பாட்டம்!!

யாழில் சோறு கொடுக்க மறுத்து பழி தீர்த்த விதானையார்!! இருவர் கைது!! மக்கள் ஆர்ப்பாட்டம்!!

அண்மையில் இடம் பெற்ற வெள்ள அனர்த்த்தின் போது பாதிக்கப்பட்டு நலன்புரி நிலையத்திலிருந்த குடும்பங்கள் சிலவற்றிற்கு கிராம சேவகர் உணவு வழங்காமையால் நேற்று ஞாயிற்றுக்கிழமை கற்கோவளம் கிராம மக்களுக்கும், கற்கோவளம் கிராம அலுவலருக்கும் இடையே இடம் பெற்ற வாய்த் தர்க்கம் காரணமாக தனது கடமைக்கு இடையூறு விளைவித்தார் என்று கற்கோவளம் கிராம சேவகர் பருத்தித்துறை போலீஸ் நிலையத்தில் செய்த முறைப்பாடு காரணமாக நேற்றைய தினம் இருவர் பருத்தித்துறை பொலிஸாரால் கைது செய்யப்பட்டுள்ளனர்.

இந்நிலையில் குறித்த கற்கோவளம் கிராம சேவகரால் பாதிக்கப்பட்டவர்கள் இன்று காலை பத்துமணியளவில் போராட்டம் ஒன்றினை முன்னெடுத்திருந்தனர்.

தமது வீட்டில் மழை வெள்ளம் தேங்கியதால் தாம் நலன்புரி நிலையத்தில் தங்கியிருந்ததாகவும், அங்கு கிராம சேவகர் வேண்டுமென்று தம்மை புறக்கணித்து தமக்கு உணவு வழங்கவில்லை என்றும், இதனை கிராம சேவகரிடம் கேட்டமையாலேயே கிராம சேவகரது கடமைக்கு இடையூறு விளைவித்தார் என்று தெரிவித்து கிராம சேவகர் செய்த முறைப்பாட்டின் அடிப்படையில் பொலிஸாரால் இருவர் கைது செய்யப்பட்டனர் என பாதிக்கப்பட்ட மக்கள் தெரிவிக்கின்றனர்.

இது தொடர்பில் வடமராட்சி வடக்கு பிரதேச செயலரிடம் கேட்டபோது பக்கச்சார்பற்ற விசாரணை குழு ஒன்று அமைக்கப்பட்டு உரிய நடவடிக்கை எடுக்கப்படும் என்று தெரிவித்ததுடன், ஏதாவது முறைகேடுகள் இடம்பெற்றால் உரியர்கள் மீது நடவடிக்கை எடுக்கப்படும் என்றும் தெரிவித்தார்.

இதேவேளை சம்பவ இடத்திற்கு வருகை தந்த பருத்தித்துறை பொலிஸ் நிலைய பொறுப்பதிகாரி, தலைமை பொலிஸ் பரிசோதகர் பிரியந்த அமரசிங்க நிலைமைகளை பேசி தீர்த்து வைத்ததுடன் உரியவர்கள் மீதி பக்கச்சார்பற்ற விசாரணை மேற்கொண்டு நடவடிக்கை எடுக்கப்படும் என்றும் தெரிவித்தார்.

Read More

யாழ்ப்பாண ஆவா குழு காவாலிகளின் தலைவன் சன்னா கனடாவில் பிடிபட்டது எப்படி?

யாழ்ப்பாண ஆவா குழு காவாலிகளின் தலைவன் சன்னா கனடாவில் பிடிபட்டது எப்படி?

இலங்கையிலிருந்து தப்பியோடிய ஆவா ரௌடிக்குழுவின் தலைவன் பிரசன்னா, பிரான்ஸில் நடந்த கொலை வழக்கில் கனடாவில் கைது செய்யப்பட்டுள்ளார். அவரை கனடா பொலிசார் தடுத்து வைத்து, பிரான்ஸூக்கு நாடு கடத்தும் சட்ட நடவடிக்கையை ஆரம்பித்துள்ளனர்.

பாரிஸின் வடக்கு புறநகர்ப் பகுதியில் அமைந்துள்ள லா கோர்னேவ் என்ற கம்யூனின் கட்டுப்பாட்டில் இரு தமிழ் இளைஞர் குழுக்கள் பல ஆண்டுகளாக மோதலில் ஈடுபட்டுள்ளன. இலங்கையில் இயங்கிய ஆவா ரௌடிகள் அங்கு LC Boys என்ற பெயரில் ரௌடிக்குழுவாக இயங்கினர். அவர்களுக்கும் போட்டி ரௌடிக்குழுவுக்குமிடையிலேயே மோதல் நிகழ்ந்தது.

இதன் தொடர்ச்சியாக, செப். 21, 2022 அன்று லா கோர்னியூவில் வாகனத்தில் இருந்த இருவரைத் தாக்கியதாக பிரசன்னா மற்றும் ஐந்து கூட்டாளிகள் மீது குற்றம்சாட்டப்பட்டது. தங்கள் முகங்களை மறைத்துக்கொண்டு, “வாள்கள் மற்றும் கத்திகளுடன்” வந்து தாக்குதலில் ஈடுபட்டதாக குற்றம் சாட்டப்பட்டது. பிரசன்னா தாக்குதலில் ஈடுபட்டது மட்டுமல்லாமல், அதை “திட்டமிட்டு தூண்டிவிடப்பட்டது” ஆகிய குற்றச்சாட்டுக்களையும் எதிர்கொண்டார்.

“இரண்டு பாதிக்கப்பட்டவர்களும் வேதனையில் காணப்பட்டனர்” என்று பிரெஞ்சு நீதிமன்ற ஆவணங்கள் கூறுகிறது. அபிராமன் பாலகிருஷ்ணன் காயங்களால் உயிரிழந்தார். பிரசாந்த் குலசேகரம் மருத்துவமனையில் அனுமதிக்கப்பட்ட பின், உயிர்தப்பினார்.

32 வயதான பிரசன்னா நல்லலிங்கம், இலங்கை-  யாழ்ப்பாணத்தில் இயங்கி வந்த ஆவா ரௌடிக்கும்பலின் தலைவனாக செயற்பட்டவன் என்பதையும் கனடா பொலிசார் அறிந்துள்ளனர்.

யாழ்ப்பாண கறி உணவுகள்

மார்ச் மாதம் யாழ்ப்பாணத்தில் சிவகுமாரன் ஜீவரத்னா என்பவரை கொன்ற வழக்கில் ஆவா ரௌடி பிரசன்னாவை பொலிசார் தேடிய போது, அவன் கடல் மார்க்கமாக இந்தியா தப்பியோடி, அங்கிருந்து பிரான்ஸூக்குள் நுழைந்ததாக நம்பப்படுகிறது. பிரசன்னாவை கைது செய்ய சர்வதேச பொலிசார் ஊடாக சிவப்பு அறிவித்தல் விடுக்கப்பட்டுள்ளது.

பிரான்ஸ் சென்ற பின்னரும், பிரசன்னா திருந்தவில்லை. அங்கும் ரௌடித்தனத்தில் ஈடுபட்டு, பிரான்ஸ் பொலிசாரின் குற்றவாளிகள் பட்டியலில் இடம்பிடித்திருந்தார்.

2019 இல், நீதிமன்ற ஆவணங்கள் அவருக்கு “வன்முறைச் செயல்களுக்காக” ஆறு மாத இடைநிறுத்தப்பட்ட சிறைத்தண்டனை விதிக்கப்பட்டதாகக் காட்டுகின்றன. 2021 இல், ஆவா ரௌடிகள் மீதான தாக்குதல் ஒன்றுக்கு பழிவாங்குவதற்காக பாரிஸில் உள்ள உணவகம் ஒன்றில் நடத்தப்பட்ட தாக்குதலில் ஈடுபட்டதற்காக மூன்று ஆண்டுகள் சிறைத்தண்டனை பெற்றார்.

யாழ்ப்பாண கறி உணவுகள்

எனினும், பிரான்ஸிலிருந்து தப்பியோடிய பிரசன்னா, டிசம்பர் 2022 இல் அமெரிக்காவில் இருந்து கனடாவிற்குள் நுழைந்தார். பதிவுகளின்படி, கியூபெக்கில் உள்ள ரோக்ஸ்ஹாம் சாலையில் உள்ள சோதனைச் சாவடியில் ஒரு மோசடி பெயரைக் கொடுத்து அவர் கனடாவுக்குள் நுழைந்துள்ளார். பிரசன்னா எப்படி அமெரிக்காவுக்குள் நுழைந்தார் என்பது தெரியவில்லை.

கனடாவுக்குள் நுழைந்த பிரசன்னா, கனடாவில் புகலிடக் கோரிக்கையளராக காத்திருந்தார். இந்த சமயத்தில்தான் பிரான்ஸ் பொலிசார், இன்டர்போலுடன் இணைந்து அவரை கைது செய்வதற்கான வாரண்ட் பிறப்பித்தனர்.

“பிரசன்னா ஒரு ஒழுங்கமைக்கப்பட்ட கும்பலால் செய்யப்பட்ட கொலைச் செயல்களில் (மற்றும்) கொலை முயற்சியில் பங்கேற்றதாக பலமாகச் சந்தேகிக்கப்படுவதைக் கருத்தில் கொண்டு- ஆயுள் தண்டனை விதிக்கக்கூடிய செயல்கள் – இவை ஒரு பொது நெடுஞ்சாலையில் செய்யப்படும் குறிப்பாக தீவிர இயல்புடைய செயல்கள். பிரசன்னா நல்லலிங்கம் தற்போது வெளிநாட்டில் தப்பியோடியவராகத் தோன்றுவதாகவும்; அவர் ஏற்கனவே கொலைக்காக இலங்கை அதிகாரிகளால் விசாரிக்கப்படுகிறார் என்றும்; இந்தக் கூறுகளின் பார்வையில், கைது வாரண்ட் பிறப்பிக்க வேண்டியது அவசியமாகவும் பொறுப்பாகவும் தோன்றுகிறது” என்று பிரெஞ்சு வாரண்ட் கூறுகிறது.

இந்த ஆண்டு மே மாதம் வரை, அகதிகள் அனுமதி விசாரணைக்கு ஆஜராகத் தவறியதால், டொராண்டோ பொலிஸ் சேவையின் உதவியுடன், கனடா எல்லைச் சேவை முகவர்களால் பிரசன்னா கைது செய்யப்பட்டார். அவரைக் காவலில் எடுத்ததும், அதிகாரிகள் இன்டர்போலிடம் கோப்பில் வழங்கப்பட்ட கைரேகைகளை பரிசோதித்தனர் – அது ஒரு பொருத்தமாக இருந்தது.

பிரசன்னா நல்லலிங்கத்தின் சட்ட ஆலோசகர் ஆலன் லோபல், நடவடிக்கைகள் குறித்து கனடிய ஊடகங்கள் கேட்டபோது, கருத்து தெரிவிக்க மறுத்துவிட்டார்.

பிரசன்னா தற்போது காவலில் வைக்கப்பட்டு, நாடு கடத்துவது தொடர்பான முடிவுக்காக காத்திருக்கிறார்.

அவரது விசாரணை மே 2025 இல் திட்டமிடப்பட்டுள்ளது.

Read More

யாழ் உடுப்பிட்டியில் புலிக்கொடியைப் பறக்கவிட்டது யார்? பொலிசார் தீவிர விசாரணை!!

யாழ் உடுப்பிட்டியில் புலிக்கொடியைப் பறக்கவிட்டது யார்? பொலிசார் தீவிர விசாரணை!!

 யாழ்ப்பாணத்தில் தமிழீழ விடுதலைப்புலிகளின் சின்னத்துடனான சுவரொட்டிகள் ஒட்டப்பட்டமை மற்றும் , புலிகளின் கொடியினை பறக்க விடப்பட்டமை தொடர்பிலான விசாரணைகளை வல்வெட்டித்துறை பொலிஸார் முன்னெடுத்துள்ளனர்.

உடுப்பிட்டி பகுதியில் கடந்த 26ஆம் திகதி புலிகளின் சின்னத்துடனான சுவரொட்டிகள் ஒட்டப்பட்டு இருந்தன. மறுநாள் 27ஆம் திகதி ஒரு இடத்தில் புலிக்கொடி பறக்க விடப்பட்டுள்ளது.

இவை தொடர்பில் வல்வெட்டித்துறை பொலிஸாருக்கு தகவல் கிடைக்கப்பெற்றதை அடுத்து , பொலிஸார் அவ்விடத்திற்கு சென்று அவற்றை அகற்றியதுடன் , அவற்றை சான்று பொருளாக பொலிஸ் நிலையம் எடுத்து சென்று இருந்தனர்.

இந்நிலையில் குறித்த சம்பவம் தொடர்பில் விசாரணைகளை முன்னெடுத்துள்ள பொலிஸார் சம்பவத்துடன் தொடர்புடைய நபர்களை கைது செய்ய நடவடிக்கை எடுத்துள்ளனர்.

இதே வேளை மகிந்த தரப்பும் யாழ்ப்பாணத்தில் குழப்பங்களை ஏற்படுத்தி தென்பகுதிச் சிங்கள மக்களின் வாக்கு வங்கியைக் கைப்பற்றுவதற்காக இவ்வாறான புலிக்கொடிகளைப் பறக்க விட்டிருக்கலாம் எனவும் சந்தேகிக்கப்படுகின்றது.

Read More

சம்பவத்தை’ அறியாமல் பிரித்தானியாவிலிருந்து வந்த கிளிநொச்சி தமிழர் விமான நிலையத்தில் கைது!

சம்பவத்தை’ அறியாமல் பிரித்தானியாவிலிருந்து வந்த கிளிநொச்சி தமிழர் விமான நிலையத்தில் கைது!

தடை செய்யப்பட்ட விடுதலைப் புலிகள் அமைப்புக்கு நிதி திரட்டியதாக  குற்றஞ்சாட்டப்பட்டு பயணத்தடை விதிக்கப்பட்ட, பிரித்தானிய குடியுரிமை பெற்ற கிளிநொச்சியைச் சேர்ந்த 43 வயதுடைய நபர் ஒருவர் கட்டுநாயக்க விமான நிலையத்தில் வைத்து கைது செய்யப்பட்டுள்ளார்.

சந்தேக நபருக்கு எதிராக கொழும்பு நீதவான் நீதிமன்றினால் வெளிநாட்டு பயணத்தடை விதிக்கப்பட்டுள்ளது.

கிளிநொச்சி, உருத்திரபுரத்தைச் சேர்ந்த சங்கர் விஜயசுந்தரம் என அடையாளம் காணப்பட்ட 43 வயதுடைய நபர், நவம்பர் 30 ஆம் திகதி பாரிஸில் இருந்து வந்திறங்கிய போது கட்டுநாயக்க சர்வதேச விமான நிலையத்தில் குடிவரவு மற்றும் குடியகல்வு திணைக்களத்தினரால் கைது செய்யப்பட்டார். பயங்கரவாதிகளுக்கு நிதி திரட்டியதாக சந்தேகத்தின் பேரில் கைது செய்யப்பட்ட சந்தேகநபர் கட்டுநாயக்க விமான நிலைய பொலிஸாரிடம் ஒப்படைக்கப்பட்டுள்ளார்.

2009ஆம் ஆண்டு இலங்கையிலிருந்து தப்பிச் சென்று பிரித்தானியக் குடியுரிமை பெற்ற விஜயசுந்தரம், இலங்கையில் இயங்கிவரும் பயங்கரவாத அமைப்புக்கு ஐக்கிய இராச்சியத்தில் நிதி திரட்டியதாக குற்றம் சுமத்தப்பட்டிருந்தது. கொழும்பு மற்றும் வன்னி மாவட்டங்களில் உள்ள அமைப்பின் உறுப்பினர்களுக்கு இந்த நிதி விநியோகிக்கப்பட்டுள்ளதாக கூறப்படுகிறது.

கொழும்பு குற்றப்பிரிவு (CCD) இவருடைய செயற்பாடுகள் தொடர்பாக முறைப்பாடுகளைப் பெற்று, 2012 மே 31ஆம் திகதி கொழும்பு நீதவான் நீதிமன்றில் இந்த விடயத்தை அறிக்கை செய்தது. இதனையடுத்து, அவருக்கு எதிராக நீதிமன்றத்தினால் பயணத் தடை விதிக்கப்பட்டது. இந்த பயணத் தடையை அறியாத சந்தேக நபர் இலங்கை திரும்பியதால் விமான நிலையத்தில் கைது செய்யப்பட்டார்.

அவர் தடுத்து வைக்கப்பட்டதைத் தொடர்ந்து, கொழும்பு மாஜிஸ்திரேட் நீதிமன்றத்தில் ஆஜர்படுத்துவதற்காக, கொழும்பு குற்றப்பிரிவினர் விஜயசுந்தரத்தை தங்களுடைய காவலில் எடுத்துக்கொண்டனர்.

Read More

யாழில் ரீச்சருடன் வட்சப் லீலை!! 36 வயது குடும்பஸ்தர் ரீச்சரின் கணவனால் நையப்புடைப்பு!!

யாழில் ரீச்சருடன் வட்சப் லீலை!! 36 வயது குடும்பஸ்தர் ரீச்சரின் கணவனால் நையப்புடைப்பு!!

யாழில் ஆரம்பபாடசாலை ஒன்றில் கற்பிக்கும் இளம் குடும்பப் பெண்ணான ஆசிரியையுடன் வட்சப்பில் திருவிளையாடல்கள் புரிந்து வந்த குடும்பஸ்தர் மீது தாக்குதல் நடாத்தப்பட்டுள்ளது. யாழ் புறநகர் பகுதியில் உள்ள ஆரம்பபாடசாலை ஒன்றில் கற்பிக்கும் திருமணமான ஆசிரியை தனது மாணவர்களுக்காக வட்சப் குறுாப் ஒன்றை செயற்படுத்தி வந்துள்ளார். அக் குறுப்பில் மாணவர்களின் நடவடிக்கைகள் மற்றும் அவர்களுக்கு தேவையான விடயங்களை பதிவிட்டு வந்துள்ளார். 

இந் நிலையில் குறித்த ஆசிரியையின் வட்சப் இலக்கத்திற்கு ‘Remo jude’ என்ற வட்சப் பெயருடன் பல தடவைகள் காதல் கவிதைகள் மற்றும் காதல் பாட்டுகள் அனுப்பப்பட்டு வந்துள்ளது. அதனை ஆசிரியை பொருட்படுத்தாது இருந்துள்ளார். தொடர்ச்சியாக குறித்த இலக்கத்திலிருந்து மெசேஜ் வரவே அந்த வட்சப் இலக்கத்தை தடை செய்துள்ளார். இருப்பினும் நேரடியாக அந்த இலக்கத்திலிருந்து மேசேஜ் வரத் தொடங்கியுள்ளது. பொறுமையிழந்த ஆசிரியை தனது கணவனிடம் இது தொடர்பாக கூறியுள்ளார். 

ஆசிரியை தடை செய்த வட்சப் இலக்கத்தின் தடையை நீக்கிய கணவன் அந்த இலக்கத்திற்கு ஹாய் என மெசேஜ் அனுப்பியுள்ளார். அதனைத் தொடர்ந்து Remo jude காதல் வானில் பறந்து பல பல கவிதைகள் பல்வேறு இடங்களில் தேடிப்பிடித்து அனுப்பியுள்ளார். அதனைத் தொடர்ந்து ஆபாசத்துடன் கூடிய கவிதைகள் மற்றும் பாட்டுக்களும் அதனைத் தொடர்ந்து ஆண்களின் ஆபாச தோற்றங்களுடன் கூடிய புகைப்படங்களும் ஆசிரியைக்கு அனுப்பியுள்ளார். ஆசிரியையைப் போல குறித்த இலக்கத்திற்கு தொடர்ச்சியாக பெண் போல சற் செய்த கணவன் ஒரு கட்டத்தில் தந்திரமாக தனது வீட்டுக்கு வருமாறு குறித்த நபருக்கு மெசேஜ் போட்டுள்ளார்.

அந்தத் தகவலை நம்பிய குடும்பஸ்தர் ஆசிரியையின் வீட்டுக்கு சென்ற போது அங்கு காத்திருந்த ஆசிரியையின் கணவனும் அவரது உறவுகளும் குறித்த குடும்பஸ்தரை நையப்புடைத்துள்ளனர். தாக்குதலுக்குள்ளான குறித்த குடும்பஸ்தரை அவதானித்த ஆசிரியை குறித்த குடும்பஸ்தர் தனது வகுப்பில் கல்வி கற்கும் மாணவி ஒருவரின் தந்தை எனத் தெரியவந்துள்ளது. அதன் பின்னர் குடும்பஸ்தரனின் மனைவியை அங்கு அழைத்து வந்து கணவனை மனைவியிடம் காயங்களுடன் ஒப்படைத்ததாகத் தெரியவருகின்றது.

Read More

வல்வெட்டித்துறையில் தலைவரின் பிறந்த நாள் கொண்டாடியவர்கள் மீதும் பொலிஸ் பாய்ச்சல் : விசாரணைக்கு வருமாறு அழைப்பு !

வல்வெட்டித்துறையில் தலைவரின் பிறந்த நாள் கொண்டாடியவர்கள் மீதும் பொலிஸ் பாய்ச்சல் : விசாரணைக்கு வருமாறு அழைப்பு !

வல்வெட்டித்துறையில் தமிழீழ விடுதலைப் புலிகள் அமைப்பின் தலைவர் வே. பிரபாகரனின் பிறந்த நாள் கொண்டாட்டத்தில் ஈடுபட்டவர்கள் மீது பெலீஸார் விசாரணைகளை ஆரம்பித்துள்ளதாகத் தெரிவிக்கப்படுகிறது.

கடந்த 26 ஆம் திகதி, வல்வெட்டித்துறையில் தமிழீழ விடுதலைப் புலிகள் அமைப்பின் தலைவர் வே. பிரபாகரன் பிறந்த வீட்டில் வைத்து கேக் வெட்டி அவரது பிறந்தநாளை கொண்டாடியவர்களிடம் வாக்குமூலம் பெறுவதற்காக வல்வெட்டித்துறை பொலீஸ் நிலையத்துதுக்கு வருமாறு அழைக்கப்பட்டுள்ளதாகவும், வடக்கு மாகாண சபை முன்னாள் உறுப்பினர் எம். கே. சிவாஜிலிங்கம் சுகயீனம் காரணமாகப் பொலீஸ் நிலையத்துக்கு வர முடியாது என அறிவித்ததை அடுத்து அவரது வீட்டுக்குச் சென்ற பொலீஸார் வாக்கு மூலத்தைப் பதிவு செய்திருப்பதாகவும் தெரிவிக்கப்படுகிறது.

இதேநேரம், பிறந்த நாள் கொண்டாட்டம் தொடர்பான புகைப்படங்கள் மற்றும் காணொலிகளில் காணப்பட்டவர்கள் சிலர் இன்று வல்வெட்டித்துறை பொலீஸ் நிலையத்தில் வாக்குமூலம் வழங்கி உள்ளனர் என்றும் எமது செய்தியாளர் தெரிவிக்கிறார்.

Read More