யாழில் கணவனுடன் இரவு ஒன்றாகப் பக்கத்தில் படுத்திருந்த 25 வயது நிஸ்ரலா சென்றது எங்கே? கணவன் பொலிசாரிடம் முறைப்பாடு!!

யாழில் கணவனுடன் இரவு ஒன்றாகப் பக்கத்தில் படுத்திருந்த 25 வயது நிஸ்ரலா சென்றது எங்கே? கணவன் பொலிசாரிடம் முறைப்பாடு!!

யாழ். வடமராட்சி கிழக்கு நாகர் கோவில் பகுதியில் நேற்றுமுன்தினத்தில் இருந்து 25 வயதுடைய டினுசன் நிஸ்ரலா எனும் குடும்ப பெண் ஒருவர் காணாமல் போய் உள்ளார்.இந்த பெண்ணை கண்டுபிடிக்க உதவுமாறு பெண்ணின் கணவர் மற்றும் உறவினர்கள் உதவி கோரியுள்ளனர்.

கடந்த 29ம் திகதி இரவு கணவனுடன் இருந்த குடும்ப பெண், இரவு 11 மணியளவில் தூக்கத்தில் இருந்து கணவன் எழுந்து பார்த்தபோது காணாமல் போயுள்ளார்.

அதனையடுத்து கணவன் மனைவியின் தாயிடம் மனைவி வந்துள்ளாரா என கேட்டுள்ளார். அங்கும் குறித்த பெண் போகவில்லை. இதன்பின் பதற்றமடைந்த கணவன் மற்றும் உறவினர்கள் குடும்ப பெண்ணை தேடியுள்ளனர்.

இதனை தொடர்ந்து காணாமல் போன பெண் சம்பந்தமாக மருதங்கேணி பொலிஸ் நிலையத்தில் முறைப்பாடு செய்த நிலையில் மருதங்கேணி பொலிஸாரும் தீவிர தேடுதல் நடவடிக்கையில் ஈடுபட்டு வருகின்றனர்.

இன்றுடன் குறித்த பெண் காணாமல் போய் மூன்று நாட்கள் கடந்து செல்லும் நிலையில் அனைவரின் உதவியினையும் பெண்ணின் கணவர் மற்றும் உறவினர்கள் கேட்டு நிற்கின்றனர்.

Read More

செம்மணியில் புதைக்கப்பட்ட அழகிய இளம் குடும்பப் பெண் சுமதி சொர்க்கத்தில் இருந்து எழுதும் கடிதம்!

பொதுவாகவே உதவி கேட்பவர்கள் தொடர்பாக சமூகவலைத்தளங்களில் வரும் பதிவுகளை நாம் பிரசுரிப்பதில்லை. மிகவும் மோசடியான செயற்பாடுகள் அவற்றில் நிறைந்துள்ள காரணத்தால் நாம் அவற்றை பிரசுரிப்பதை தவிர்த்து வருகின்றோம். ஆனால் jaffnahero என்ற சமூகவலைத்தளத்தில் வந்த இந்தப்பதிவு எம்மை கொஞ்சம் சிந்திக்க வைத்துள்ளது. நீங்களும் வாசித்து, பாா்த்து அறிந்து கொள்ளுங்கள்.

1996ம் ஆண்டு செம்மணியில் வைத்து கணவனின் முன்  படையினரால் கொடூரமாகக் கற்பழிக்கப்பட்டு பின்னர் கணவனையும் மனைவியையும் ஒரே நேரத்தில் மண்வெட்டியால் அடித்துக் கொன்று ஒரே புதை குழியில் புதைக்கப்பட்ட 2 குழந்தைகளின் சொந்தக்காரர்களான சுரேஸ்வரன், மனைவி சுமதி ஆகியோரின் பிள்ளைகளின் தற்போதைய நிலையை கொல்லப்பட்ட சுமதி சொர்க்கத்தில் எழுதும் கடிதம் என்ற தலைப்பில் வெளியாகிய பதிவினை அப்படியே நாம் தந்துள்ளோம்….

செம்மணி புதைகுழிகளை தோண்டி எடுத்து எலும்புக்குவியலுக்குள் நின்று உலகத்தின் கவனத்தை ஈர்ப்பவர்களே!! ஜனநாயகத்தின் 4 வது துாணாகிய ஊடகவியலாளர்களே!! சமூகவலைத்தளப் பதிவாளர்களே!! எனது குழந்தைகளையும் உலகின் கவனத்தின் முன் கொண்டு வாருங்கள்…கும்பிட்டுக் கேட்கின்றோம். அவர்களுக்கு ஏதாவது வழி வகை செய்யுங்கள்.

நான் அழகானவள் என்ற காரணத்தால் கொல்லப்பட்டேனா? எனது கூந்தல் நீளமானது என எனது கணவன் அடிக்கடி வர்ணிப்பாரே! அதனால் கொல்லப்பட்டேனா? இலங்கையைப் பெண் ஒருவர் அரசாண்டுகொண்டிருந்த காலத்தில் பயங்கரவாதத்திலிருந்து எம்மை மீட்கவே போர் செய்கின்றோம் என கூறிக் கூறி மீட்க வந்த படையினரே அரியாலையில் கணவன் சுரேஸ்வரனுடன் சந்தோசமாக வாழ்ந்து வந்த என்னை, என் பெண்மையை என் கணவன் முன்னாடியே குதுகலித்துச் சூறையாடி என்னையும் எனது கணவனையும் கொன்று புதைகுழியில் தள்ளிவிட்டார்கள். 23 வயதில் எனது குடும்பக் கனவை சிதைத்து, எனது முத்தான இரு பிள்ளைகளையும் அநாதைகளாக்கி எமது வாழ்க்கையையே சிதைத்துவிட்டார்கள். பறவாயில்லை… நானும் கணவனும் சொர்க்கத்தில் இருக்கின்றோம். ஆனால் எனது 2 பிள்ளைகளும் என்ன நிலையில் உள்ளார்கள் தெரியுமா?

மூத்த மகள் 1991ல் பிறந்த போது உன்னைப் போல் வெள்ளையாக இல்லையென்றாலும் என்னைப் போல் முத்தாய் ஜொலிக்கின்றாள் என கணவன்அடிக்கடி கூறுவான். தற்போது அவனும் மகளின் துன்பத்தைப் பார்த்து சொர்க்கத்தில் அழுகின்றான்.

கணவனும் நானும் அரச படைகளால் கொல்லப்பட்டதற்காக எந்தவித நட்ட ஈடும் என் பிள்ளைகளுக்கு கொடுக்கவில்லை. எனது மகனைப் பற்றி நான் கவலைப்படவில்லை. அவன் ஆண்பிள்ளை. எப்படியோ பிழைத்துக் கொள்வான். ஆனால் எனது மகள்? எனது உறவுகளும் பணக்காரர்களாக இல்லை. நினைத்துப் பாருங்கள் நாங்கள் புதைக்கப்பட்ட பின்பு இரு பாலகர்களும் என்னவெல்லாம் துன்பப்பட்டிருப்பார்கள். எனது மகள் எத்தனை சிக்கல்களை எதிர்நோக்கியிருப்பாள். எவ்வாளவு சங்கடங்களை சகித்துக் கொண்டிருந்திருப்பாள். தற்போது திருமணமாகியும் அவள் துன்பத்திலேயே இருக்கிறாள் என நினைக்கும் போது எப்படி என்னால் நிம்மதியாக இருக்க முடியும்.

கணவன் பிரிந்த பின்னரும் தற்போதும் கூலி வேலைக்குப் போய் யாரையும் எதிர்பார்க்கது வைராக்கியத்துடன் தனது இரு குழந்தைகளையும் வளர்த்து வரும் அவளைப் பார்க்க எனக்கு நிம்மதியாக இருக்க முடியவில்லை. அவளது கைகளைப் பாருங்கள். அவளது நகங்கள் கிழியக் கிழிய வெங்காயத் தோட்டத்திற்குள் புல் பிடுங்கி உழைத்து வரும் பணத்திலேயே அவள் தன் வாழ்க்கையை ஓட்டுகின்றாள்.

சொந்தமாக காணி உண்டு. வீடு இல்லை. நகைகள் இல்லை. சிமாட் போன் இல்லை. ரீவி இல்லை. மோட்டார்சைக்களில் இல்லை. . ஏழ்மையே உள்ளது. எந்தவித சொகுசும் இல்லாத ஏழ்மையாக வாழ்கின்ற எனது மகளை கவனிக்கமாட்டீர்களா? நாங்கள் கொல்லப்பட்ட பின் 35 வருடங்களாக துன்பத்தில் துவண்டு கொண்டிருக்கும் எனது பிள்ளைகளை உங்கள் பிள்ளைகளாக நினைத்து அவர்களை நிமிர்த்தி விடுவீர்களா?

புலம்பெயர் தமிழர்களே… எதிரிகள் அடிக்க அடிக்க மீண்டும் மீண்டும் எமது இனம் எழுந்து நின்றது உங்களால்தான் என்பது எமக்குத் தெரியும். ஏழ்மையில் விழுந்துகிடக்கும் எனது மகளை எழுந்து நிற்கச் செய்வீர்களா? உங்களில் ஒருவர் நினைத்தால் கூட என் மகளை எழுந்து நிற்கச் செய்யலாம். யாழ்ப்பாணத்தில், கோவில்களில் குடியிருக்கும் கடவுள்களுக்கு கோடிக்கணக்கில் செலவு செய்து குடமுழுக்கு செய்துள்ளீர்கள்… எனது மகளும் ஒரு வீட்டில் குடியிருக்க உங்களால் உதவி புரிய முடியாதா? அவள் சுயமாக உழைத்து வாழ உங்களால் உதவி செய்ய முடியாதா?

எனது மகள் தற்போது கோப்பாய் பிரதேசசெயலர் பிரிவில் அச்செழுப்பகுதியில் வாழ்ந்து வருகின்றாள். எனது மகளின் பெயர் -சுரேஸ்வரன் தஜீவா ( sureshwaran.thageeva) தொலைபேசி இலக்கம் (+94770744148) , வங்கிக் கணக்கிலக்கம் ( இலங்கை வங்கி யாழ்ப்பாணம். 91342873) என்பவற்றை நான் தந்துள்ளேன். ஒரு பெண்ணின் தொலைபேசி இலக்கத்தை கண்டவுடன் அதனை வைத்து கேவலப்படுத்தும் செயற்பாடுகள் எனக்குத் தெரியும். தயவு செய்து அவ்வாறான செயற்பாடுகளை எனது மகளுக்கு செய்யவேண்டாம். தயவு செய்து உதவி செய்யும் மனப்பாங்கு உள்ளவர்கள் மாத்திரம் அவளுடன் தொடர்பு கொள்ளுங்கள். அவளின் தேவைகளை அறிந்து அவளுக்கு உதவுங்கள். உங்களுக்கு நான் கூறுவதில் நம்பிக்கை இல்லாதுவிடின் கோப்பாய் பிரதேசசெயலக அதிகாரிகளிடம் விசாரியுங்கள். எனது மகளின் பிரதேசத்தில் நீண்டகாலம் கடமையாற்றிய கிராமசேவகரான திருமதி.குலலோஜினி கருணஜீவாவிடம் அறிந்து கொள்ளுங்கள். அவரது தொலைபேசி இலக்கத்தையும் தந்துள்ளேன். (+94778512379) அவர் ஊடாகவும் நீங்கள் எனது மகளை அணுகி அவளுக்கு உதவிகள் புரியலாம்.

அன்பான உறவுகளே… 35 வருடங்களாக துன்பத்திலேயே வாழும் எனது மகளையும் 2 பேரக்குழந்தைகளையும் உங்கள் உறவுகளாக நினைத்து உயர்த்திவிடுங்கள்…. எனதும் எனது கணவனினதும் ஆசீர்வாதம் எப்போதும் உங்களுக்கு கிடைத்துக் கொண்டேயிருக்கும்.

Read More

செம்மணியில் குழந்தையின் எலும்புக்கூட்டை அரவணைத்தவாறு எலும்புக்கூடொன்று மீட்பு!!

செம்மணியில் குழந்தையின் எலும்புக்கூட்டை அரவணைத்தவாறு எலும்புக்கூடொன்று மீட்பு!!

செம்மணியில், ஒரு பெரிய எலும்பு கூட்டு தொகுதி ஒன்று, சிறு குழந்தையின் எலும்புக்கூட்டினை அரவணைத்தவாறு அடையாளம் காணப்பட்ட நிலையில் அவ்விரு எலும்புக்கூட்டு தொகுதிகளும் அகழ்ந்து எடுக்கப்பட்டுள்ளது.

யாழ்ப்பாணம் செம்மணி பகுதியில் உள்ள இரண்டு மனித புதைகுழிகளில் இருந்தும் இன்றைய தினம் புதன்கிழமை புதிதாக 04 எலும்பு கூட்டு தொகுதிகள் அடையாளம் காணப்பட்டுள்ள நிலையில் நிலையில் ஏற்கனவே அடையாளம் காணப்பட்ட மனித எலும்புக்கூட்டு தொகுதிகளில் 03 முற்றாக அகழ்ந்து எடுக்கப்பட்டுள்ளது.

யாழ்ப்பாணம் பாரம்பரிய உணவகம்

அதன் அடிப்படையில் கடந்த 10 நாட்களாக முன்னெடுக்கப்பட்டு அகழ்வு பணியில், 37 எலும்புக்கூட்டு தொகுதிகள் முற்றாக அகழ்ந்து எடுக்கப்பட்டுள்ளது

செம்மணி பகுதியில் “தடயவியல் அகழ்வாய்வுத்தளம் இல – 01” மற்றும் “தடயவியல் அகழ்வாய்வுத்தளம் இல – 02” என நீதிமன்றினால் அடையாளப்படுத்தப்பட்ட மனித புதைகுழிகளில் அகழ்வு பணிகள் முன்னெடுக்கப்பட்டு வருகிறது.

இரண்டாம் கட்ட பணிகளுக்காக 45 நாட்கள் நீதிமன்றினால் அனுமதிக்கப்பட்டுள்ள நிலையில், இன்றைய தினம் 25 ஆவது நாளாக முன்னெடுக்கப்பட்டது

இரண்டாம் கட்டத்தின் இரண்டாம் பகுதி கடந்த 10 ஆவது நாட்களாக முன்னெடுக்கப்படும் நிலையில் இன்றைய தினம் புதன்கிழமை வரையில் 37 எலும்பு கூட்டு தொகுதிகள் முற்றாக அகழ்ந்து எடுக்கப்பட்டுள்ளது.

செம்மணி மனித புதைகுழியில் அகழ்வு பணிகள் இதுவரையில் கட்டம் கட்டமாக 34 நாட்கள் முன்னெடுக்கப்பட்டுள்ளன.

அதன் போது, இன்றைய தினம் அகழ்ந்து எடுக்கப்பட்ட 03 எலும்பு கூட்டு தொகுதியுடனுமாக 102 எலும்பு கூட்டு தொகுதிகள் முற்றாக அகழ்ந்து எடுக்கப்பட்டுள்ளதுடன், இதுவரையில் 115 எலும்பு கூட்டு தொகுதிகள் அடையாளம் காணப்பட்டுள்ளமை குறிப்பிடத்தக்கது.

Read More

யாழில் 48 லட்சம் ரூபா நகையை காதலி களவெடுத்து நவீன மோட்டார் சைக்கிள் எடுத்து கொடுத்த மன்மதன் இவர்தானா? காதலி உட்பட 3 பேர் சிறைக்குள்!!

யாழில் 48 லட்சம் ரூபா நகையை காதலி களவெடுத்து நவீன மோட்டார் சைக்கிள் எடுத்து கொடுத்த மன்மதன் இவர்தானா? காதலி உட்பட 3 பேர் சிறைக்குள்!! 

ரிக்ரொக் காதலனுக்கு மோட்டார் சைக்கிள் வாங்க தனது வீட்டு 19 பவுண் நகையை திருடிய காதலி 42 இலட்சம் ரூபாய்க்கு விற்று காதலனுக்கு நவீன ரக மோட்டார் சைக்கிளை வாங்க பணம் கொடுத்ததாகவும் சொல்லப்படுகிறது.

தூள் படத்தில மயில்சாமிக்கு விவேக் சொன்ன மாதிரி “லட்டுக்கு பதிலா ஜிலேபிய கொண்டு வந்திருக்க…”

யாழ் சாவகச்சேரியில் யுவதி ஒருவர் 48 லட்சம் ரூபா பெறுமதியான நகைகளைக் களவெடுத்து தனது காதலனுக்கு கொடுத்து நவீன மோட்டார் சைக்கிள் வாங்க உதவி புரிந்துள்ளார். அந்தக் காதலன் இவன்தான் என சமூகவலைத்தளங்களில் பதிவுகள் வெளியாகியுள்ளன. அந்த வீடியோவை நாம் கீழே தந்துள்ளோம். அதே வேளை குறித்த காதலன், காதலி உட்பட்ட 3பேர் சிறைக்குள் தள்ளப்பட்ட விடயங்கள் கீழே விபரமாக தரப்பட்டுள்ளன.

யாழ்ப்பாணத்தை சேர்ந்த ரிக் ரொக் பிரபலங்களில் ஒருவரான இளைஞன், அந்த இளைஞனுக்கு மோட்டார் சைக்கிள் வாங்கி கொடுக்க, நகைகளை களவாடிய யுவதி, யுவதிக்கு உடந்தையாக செயற்பட்ட யுவதியின் நண்பி ஆகிய மூவரையும் எதிர்வரும் 06ஆம் திகதி வரையில் விளக்கமறியலில் வைக்குமாறு சாவகச்சேரி நீதவான் நீதிமன்று உத்தரவிட்டுள்ளது

யாழ்ப்பாணத்தை சேர்ந்த இளைஞன் ஒருவர் ரிக் ரொக் சமூக வலைத்தளங்களில் தனது காணொளிகளை பதிவேற்றி பிரபலமானவராக தன்னை காட்டிக்கொண்டு வந்துள்ளார்.

குறித்த இளைஞனுடன் ரிக் ரொக் மூலம் அறிமுகமான சாவகச்சேரி பகுதியை சேர்ந்த யுவதி , அவரை காதலித்து வந்துள்ளார்.

அந்நிலையில் தனது காதலனுக்கு , அதிநவீன மோட்டார் சைக்கிள் ஒன்றினை கொள்வனவு செய்வதற்காகவும் , காதலன் சொகுசு வாழ்க்கை வாழ்வதற்காவும் , தனது வீட்டில் இருந்து சுமார் 19 பவுண் நகையை களவெடுத்து , அதனை காதலனிடம் கொடுத்துள்ளார்.

வீட்டில் இருந்த நகைகள் காணாமல் போனமை தொடர்பில், சாவகச்சேரி பொலிஸ் நிலையத்தில் முறைப்பாடு செய்யப்பட்டதை அடுத்து , விசாரணைகளை முன்னெடுத்த பொலிஸார் , யுவதி மீது சந்தேகம் கொண்டு அவரிடம் விசாரணைகளை முன்னெடுத்த போது, வீட்டில் இருந்த நகைகளை தான் களவெடுத்து காதலனுக்கு வழங்கியதை ஒப்புக்கொண்டுள்ளார்.

யுவதியின் வாக்கு மூலத்தின் அடிப்படையில் , காதலனை கைது செய்த பொலிஸார் மேலதிக விசாரணைகளை மேற்கொண்டனர்.

அதன் அடிப்படையில் வீட்டில் நகைகளை களவெடுத்த யுவதி , அவரது காதலன் , யுவதி வீட்டில் நகைகளை

களவெடுப்பதற்கு உடந்தையாக செயற்பட்ட யுவதியின் நண்பி , நகைகளை விற்க உதவியவர்கள் , நகைகளை வாங்கியவர்கள் என ஏழு பேரை பொலிஸார் கைது செய்துள்ளனர்.

கைது செய்யப்பட்ட ஏழு நபர்களையும் பொலிஸ் நிலையத்தில் தடுத்து வைத்து விசாரணைகளை முன்னெடுத்த பின்னர் இன்றைய தினம் செவ்வாய்க்கிழமை சாவகச்சேரி நீதவான் நீதிமன்றில் பொலிஸார் முற்படுத்திய போது, நகைகளை திருடிய யுவதி, அவரது காதலன் மற்றும் திருட்டுக்கு உடந்தையாக செயற்பட்ட யுவதியின் நண்பி ஆகிய மூவரையும் எதிர்வரும் 06ஆம் திகதி வரையில் விளக்கமறியலில் வைக்குமாறு உத்தரவிட்ட நீதவான் ஏனைய நால்வரையும் பிணையில் செல்ல அனுமதித்தார்.

அதேவேளை , திருடப்பட்ட நகைகளில் ஒரு தொகையும் , நகைகளை விற்று வாங்கிய அதிநவீன மோட்டார் சைக்கிள் என்பவற்றை பொலிஸார் மீட்டு , சான்று பொருளாக , சாவகச்சேரி நீதவான் நீதிமன்றில் பாரப்படுத்தியதை அடுத்து , அவை நீதிமன்ற கட்டுக்காவலில் வைக்கப்பட்டுள்ளது.

Read More

ஜப்பானில் 1.9 மில்லியன் மக்களுக்கு வெளியேற அறிவிப்பு: டோக்கியோ அருகே சுனாமி அலைகள்

ஜப்பானில் 1.9 மில்லியன் மக்களுக்கு வெளியேற அறிவிப்பு: டோக்கியோ அருகே சுனாமி அலைகள்

ஜப்பான் முழுவதும் 1.9 மில்லியனுக்கும் அதிகமான மக்கள் பாதுகாப்பான இடங்களுக்கு செல்லுமாறு அறிவுறுத்தப்பட்டுள்ளனர். சுனாமி அலைகள் கடலோரப் பகுதிகளின் பல்வேறு இடங்களைத் தாக்கியுள்ளன, மேலும் நாடு முழுவதும் போக்குவரத்து பாதிக்கப்பட்டுள்ளது. இருப்பினும், அலைகளின் அளவு முன்னர் கணிக்கப்பட்டதை விட மிகச் சிறியதாகவே உள்ளது.

தீயணைப்பு மற்றும் பேரிடர் மேலாண்மை நிறுவனம் 21 மாகாணங்களில் 1,905,596 மக்களைப் பாதிக்கும் உள்ளூர் வெளியேற்ற உத்தரவுகளை பிறப்பித்துள்ளது.

ஜப்பான் வானிலை ஆய்வு மையத்தின் தரவுகளின்படி, சுமார் 30 முதல் 50 சென்டிமீட்டர் உயரமுள்ள சுனாமி அலைகள் கிழக்கு கடற்கரையில் பதிவாகி வருகின்றன, இவை டோக்கியோ பெருநகரப் பகுதியை நெருங்கி வருகின்றன. இது ஆரம்பத்தில் கணிக்கப்பட்ட மூன்று மீட்டர் உயரத்தை விட மிகக் குறைவு என்றாலும், நிலைமை மாறக்கூடும் என்றும், கூடுதல் அலைகள் வரலாம் என்றும் அதிகாரிகள் எச்சரித்துள்ளனர்.

Read More

யாழ்ப்பாணத்தைச் சேர்ந்த இரண்டு பிள்ளைகளின் இளம் தாய் சுகன்ஜா நோர்வேயில் துாக்கில் பலி !

யாழ்ப்பாணத்தைச் சேர்ந்த இரண்டு பிள்ளைகளின் இளம் தாய் சுகன்ஜா நோர்வேயில் துாக்கில் பலி !

வடமராடசி பொலிகண்டி பகுதியைச் சேர்ந்த இளம் பெண் ஒருவர் விபரீத முடிவால் உயிரிழந்த சம்பவம் பெரும் துயரத்தை ஏற்படுத்தியுள்ளது ,

நோர்வே நாட்டில் கணவர் மற்றும் இரண்டு பிள்ளைகளுடன் வாழ்ந்து வந்த குறித்த பெண் சில தினங்களுக்கு முன்னர் தூக்கிட்டு உயிரிழந்துள்ளார். 

இறப்புக்கான காரணம் அறியமுடியவில்லை , யாழ் பொலிகண்டி பகுதியைச் சேர்ந்த சுகன்ஜா ஹரிகரன் வயது 34 என்ற இரண்டு பிள்ளைகளின் தாயை இவ்வாறு உயிரிழந்தவர் ஆவார்

நேற்றைய தினம் நோர்வேயில் குறித்த பெண்ணின் இறுதிக்கிரியைகள் இடம் பெற்றது இச் சம்பவம் அப்பகுதியில் பெரும் துயரத்தை ஏற்படுத்தியுள்ளது.

Read More

அம்பாறையில் காதலியை கொடூரமாக கொலை செய்து உயிரை மாய்த்த காதலன் – பின்னணி குறித்து வெளியான தகவல்

அம்பாறையில் காதலியை கொடூரமாக கொலை செய்து உயிரை மாய்த்த காதலன் – பின்னணி குறித்து வெளியான தகவல்

அம்பாறை, பதியதலாவ காதலியின் கழுத்தை அறுத்து கொல்லப்பட்டமை தொடர்பான தகவல்களை பொலிஸார் வெளியிட்டுள்ளனர்.

மரங்கல பகுதியில் கடந்த 23 ம் திகதி அதிகாலைவேளை வீட்டிற்குள் நுழைந்த இளைஞன் வீட்டில் இருந்த தனது 22 வயது காதலியின் கழுத்தை அறுத்து, அவரது தாயையும் தந்தையையும் பலத்த காயப்படுத்தி, பின்னர் தனது கழுத்தை அறுத்து உயிரை மாய்த்துக் கொண்டார்.

பெண் தனது மூன்று வருட உறவை முறித்துக் கொண்டதால் கோபமடைந்த காதலன் இந்தக் குற்றத்தைச் செய்ததாக பொலிஸ் விசாரணையில் தெரியவந்துள்ளது.

காதல் தோல்வி..

காதலனால் கத்தியால் குத்தப்பட்டவர் 22 வயதுடைய டி.எம். சரோஜா உதயங்கனி என தெரியவந்துள்ளது. மேலும் தாக்குதலுக்குள்ளான 62 வயதுடைய தந்தை மற்றும் 60 வயதுடைய தாயார், மட்டக்களப்பு மருத்துவமனையில் அனுமதிக்கப்பட்டுள்ளனர்.

கொலை செய்யப்பட்ட இளம் பெண்ணான சரோஜா, மொனராகலையை சேர்ந்த இளைஞனுடன் சுமார் மூன்று ஆண்டுகளாக காதல் உறவில் இருந்ததாக பொலிஸ் விசாரணையில் தெரியவந்துள்ளது.

இந்த இளைஞன் சரோஜாவுக்கு பணம் மற்றும் பல்வேறு வழிகளில் உதவி செய்து, அவரை திருமணம் செய்து கொள்ள எதிர்பார்த்திருந்ததாக தெரியவந்துள்ளது.

எனினும் சில காலத்திற்கு முன்பு, சரோஜா அந்த இளைஞனுடன் கொண்டிருந்த காதல் உறவை நிறுத்தியுள்ளார். அவருடைய பெற்றோரும் அந்த இளைஞனை எதிர்த்தனர். இதன் காரணமாக, அந்த இளைஞன் சரோஜா மீதும் அவரது குடும்ப உறுப்பினர்கள் மீதும் கடும் வெறுப்பைக் கொண்டிருந்தார்.

இளைஞனின் மிரட்டல் காரணமாக சரோஜாவுக்கு கொழும்பில் உள்ள ஒரு ஆடைத் தொழிற்சாலையில் வேலைக்குச் சென்றிருந்தார். இந்த நிலையில் சரோஜா வேறொரு இளைஞனுடன் புதிய காதல் உறவைத் ஏற்படுத்தியதாக பொலிஸ் விசாரணையில் தெரியவந்துள்ளது.

சரோஜா கடந்த சில நாட்களுக்கு முன்பு விடுமுறையில் பதியதலாவாவில் உள்ள தனது வீட்டிற்குத் திரும்பியிருந்தார். தனது காதலி வீடு திரும்பியதை அறிந்த இளைஞன், சம்பவ தினத்தன்று அதிகாலை மோட்டார் சைக்கிளில் அவரது வீட்டுக்கு சென்றுள்ளார்.

சரோஜா அதிகாலை 2.30 மணியளவில் கொழும்புக்குச் செல்லத் தயாராகிக் கொண்டிருந்தார். அந்த நேரத்தில், கூர்மையான ஆயுதத்துடன் இளைஞன், முதலில் வீட்டிற்குள் நுழைந்து சரோஜாவின் கழுத்தை அறுத்துள்ளார். பின்னர் வீட்டில் இருந்த அவரது பெற்றோரை கத்தியால் குத்தி காயப்படுத்திவிட்டு வீட்டை விட்டு வெளியேறினார்.

இளைஞனால் கத்தியால் குத்தப்பட்ட இளம் பெண், வீட்டை விட்டு வெளியே ஓடி உறவினர் வீட்டிற்குச் சென்று அங்கு உயிரிழந்துள்ளார். வீட்டை விட்டு தப்பிச் சென்ற இளைஞன், கூர்மையான ஆயுதத்தால் தனது கழுத்தை அறுத்து உயிரை மாய்த்துக் கொண்டார்.

மொனராகலையில் இருந்து தனது காதலியின் வீட்டிற்கு அந்த இளைஞன் வந்த மோட்டார் சைக்கிளையும் பொலிஸார் கண்டுபிடித்துள்ளனர். சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.

Read More

யாழில் பயங்கரம்!! நள்ளிரவில் வீடு புகுந்த 3 பேர் அக்காவைக் கட்டி வைத்து கொடூரம்!! தம்பியும் பலி!!

யாழில் பயங்கரம்!! நள்ளிரவில் வீடு புகுந்த 3 பேர் அக்காவைக் கட்டி வைத்து கொடூரம்!! தம்பியும் பலி!!

யாழில் சகோதரியுடன் வசித்து வந்த சகோதரன் ஒருவர் இரவு படு கொலை செய்யப்பட்டுள்ளதாக யாழ்ப்பாணம் பொலிஸார் தெரிவித்தனர். சம்பவத்தில் முதலாம் குறுக்குத் தெரு, மணியம் தோட்டம் பகுதியைச் சேர்ந்த வைரமுத்து சாந்தலிங்கம் எனும் 54 வயதுடைய ஒருவரே இவ்வாறு உயிரிழந்துள்ளதாக தெரிவிக்கப்படுகிறது. சம்பவம் தொடர்பில் மேலும் தெரியவருகையில்,

யாழ்ப்பாணம் பாரம்பரிய உணவகம்

நடந்தது என்ன?

குறித்த நபரும் 56 வயதுடைய சகோதரியும் சம்பவம் இடம்பெற்ற வீட்டில் வசித்து வந்துள்ளனர். இவ்வாறான சூழ்நிலையில் அவர் கொலை செய்யப்பட்ட நிலையில் இன்று காலை சடலமாக மீட்கப்பட்டுள்ளார்.

உயிரிழந்தவரது சகோதரி வழங்கிய வாக்குமூலத்தில், நான் குறி சொல்லும் வேலை செய்து வருகிறேன். இரவு மூவர் வீட்டுக்கு வந்து தண்ணீர் கேட்டனர்.அவர்களுக்கு தண்ணீர் எடுப்பதற்காக உள்ளே சென்றவேளை அவர்கள் உள்ளே வந்து என்னை கட்டி போட்டுவிட்டு நகைகளை திருடிச் சென்றுள்ளனர்.பின்னர் அதிகாலை 3 மணியளவில் நான் கட்டினை அவிழ்த்துவிட்டு வெளியே வந்து பார்த்தவேளை தம்பி சடலமாக காணப்பட்டார் என கூறியுள்ளதாக தெரிவிக்கப்பட்டுள்ளது.

மேலும் சம்பவம் தொடர்பில் யாழ்ப்பாணம் பொலிஸார் விசாரணைகளை மேற்கொண்டு வருகின்றனர்.

Read More

நாமலை கைது செய்ய பிடியாணை உத்தரவு..!

நாமலை கைது செய்ய பிடியாணை உத்தரவு..!

நாடாளுமன்ற உறுப்பினர் நாமல் ராஜபக்ஷவை கைது செய்து நீதிமன்றில் முன்னிலைப்படுத்துமாறு பிடியாணை பிறப்பிக்கப்பட்டுள்ளது.

வழக்கொன்றில் அவர் நீதிமன்றில் முன்னிலையாகத் தவறியமையினால், அம்பாந்தோட்டை நீதவான் நீதிமன்றத்தினால் இன்றைய தினம் (28) இந்த பிடியாணை பிறப்பிக்கப்பட்டுள்ளது.அவர் தற்போது ஒரு தனியார் நிகழ்விற்காக மாலத்தீவில் உள்ளார் அவர் நாளை நாடு திரும்ப உள்ள நிலையில் விமான நிலையத்தில் வைத்து கைதாகலாம் என தெரிவிக்கப்படுகிறது.

இதேவேளை,

ஜனாதிபதியும் நாமல் ராஜபக்சவும் ஒரே விமானத்தில் மாலைதீவுக்கு பயணம்

ஜனாதிபதி அநுரகுமார திஸாநயாக்கவும்,ஶ்ரீலங்கா பொதுஜன பெரமுன (SLPP) தேசிய அமைப்பாளர் நாமல் ராஜபகசவும், ஒரே விமானத்தில் பயணம் செய்துள்ளனர்.

ஜனாதிபதி திசாநாயக்க, மாலைதீவு ஜனாதிபதியின் அழைப்பின் பேரில் அதிகார விஜயமொன்றை மம்றகொண்டு மாலே நகருக்குச் சென்றுள்ளார். அதே நேரத்தில், நாமல் ராஜபக்ஷா, அங்கு நடைபெறும் திருமண விழாவில் பங்கேற்க மாலைதீவிற்கு சென்றுள்ளார். இவர்கள் இருவரும் கொழும்பு முதல் மாலே வரை பயணித்த ஸ்ரீலங்கன் ஏர்லைன்ஸ் விமானமான UL 101 இன் வணிக (Business Class) பிரிவில் இருந்தனர். இந்த தற்செயலான சந்திப்பு அரசியல் ஆர்வலர்களிடையே ஒரு ஆர்வத்தைக் கிளப்பியுள்ளது.

Read More

யாழில் 17 வயது மாணவி விகாசினியைக் காணவில்லை!! பொலிசார் அசமந்தம் என குற்றச்சாட்டு!! நடந்தது என்ன?

யாழில் 17 வயது மாணவி விகாசினியைக் காணவில்லை!! பொலிசார் அசமந்தம் என குற்றச்சாட்டு!! நடந்தது என்ன?

பாடசாலைக்கு சகோதரனை ஏற்ற சென்ற மாணவி 10 நாட்களாகியும் வீடு திரும்பவில்லை என தாயார் யாழ் பொலிஸ் நிலையத்தில் முறைப்பாடு அளித்துள்ளார்

யாழ்ப்பாணம் செல்லர் வீதியில் வசிக்கும் 17 வயதுடைய மாணவி பிரதீபன் விகாசினி என்பவரை கடந்த 15 ஆம் திகதியிலிருந்து காணவில்லை என அவரது தாயார்  தெரிவித்துள்ளார்.

கடந்த யூலை 15 ஆம் திகதி பாடசாலைக்கு சென்ற  தனது சகோதரனை அழைத்து வருவதற்காக வீட்டிலிருந்து நண்பகல் வேளை வழமை போன்று சென்றுள்ளார்.

ஆனால் அவர் பாடசாலைக்கு சென்று மகனை ஏற்றிவரவில்லை அத்துடன் வீட்டுக்கும் வரவில்லை என தாயார் குறிப்பிட்டுள்ளார்.

இச் சம்பவம் தொடர்பாக உடனடியாக யாழ்ப்பாண பொலிசில் முறைப்பாடு பதிவுசெய்யப்பட்டுள்ளது. ஆனால் இன்றுடன் இரு வாரங்கள் ஆகியும் எந்த தகவலும் கிடைக்கவில்லை.

பொலிசார் நடவடிக்கை எடுக்கவில்லை என தெரிவித்து யாழ் பிராந்திய மனித உரிமைகள் ஆணைக்குழு ஆணையாளரிடம் குறித்த விடயத்தை தெரியப்படுத்தியதாகவும், இதுதொடர்பாக நடவடிக்கை எடுக்கும் அதிகாரம் தமக்கு இல்லை என அவர் தெரிவித்ததாக தாயார் தெரிவித்துள்ளதுடன் தனது மகளை கண்டுபிடித்து தர உதவுமாறு கோரிக்கை விடுத்துள்ளார்.

Read More