பிரித்தானியாவில் தலைமறைவான சட்டவிரோத புலம்பெயர்ந்தோர் மீது அதிரடி நடவடிக்கை

பிரித்தானியாவில் தலைமறைவான சட்டவிரோத புலம்பெயர்ந்தோர் மீது அதிரடி நடவடிக்கை

பிரித்தானியாவிலிருந்து (United Kingdom) நாடுகடத்தப்பட்ட இருக்கும் சட்டவிரோத புலம்பெயர்ந்தோரை, அவர்களது வீடுகளுக்கு சென்று பொலிஸ் அதிகாரிகள் கைது செய்வதாக அந்நாட்டு ஊடகங்கள் செய்தி வெளியிட்டுள்ளன.

பிரித்தானிய அரசின் ருவாண்டா திட்டத்தின் கீழ், முதல் சட்டவிரோத புலம்பெயர்ந்தோர் குழுவினர் கடந்த திங்கட்கிழமை (29) மாலை ருவாண்டாவுக்குச் செல்லும் விமானத்தில் ஏற்றி அனுப்பப்பட்டுள்ளனர்.

கைது நடவடிக்கை

அதனைத் தொடர்ந்து, தாங்களும் நாடுகடத்தப்படலாம் என்னும் அச்சத்தில், ஆயிரக்கணக்கான சட்டவிரோத புலம்பெயர்ந்தவர்கள்  தலைமறைவாகியிருக்கலாம் என்னும் செய்திகள் வெளியாகின.

பிரித்தானியாவில் தலைமறைவான சட்டவிரோத புலம்பெயர்ந்தோர் மீது அதிரடி நடவடிக்கை | Illegal Immigrants Arrested In Uk

எனவே, நாடுகடத்தப்படுவதிலிருந்து தப்பிக்க, புலம்பெயர்ந்தோர் தலைமறைவாவதைத் தடுப்பதற்காக, நேற்று (01) முதல்  நாடு முழுவதும் எல்லை பாதுகாப்புப் பொலிஸார் சோதனைகளை ஆரம்பித்துள்ளனர்.

இந்நிலையில், பொலிஸார் வீடு வீடாகச் சென்று சட்டவிரோத புலம்பெயர்ந்தோரை கைது செய்து பொலிஸ் வான்களில் ஏற்றும் காட்சிகளை பிரித்தானிய உள்துறை அலுவலகம் வெளியிட்டுள்ளது.

இதன்போது கைது செய்யப்படும் சட்டவிரோத புலம்பெயர்ந்தோர் எதிர்வரும் ஜூலை மாதம் முதல், ருவாண்டாவுக்கு நாடுகடத்தப்படுவார்கள் என எதிர்பார்க்கப்படுகிறது.

Read More

அமெரிக்காவில் பாடசாலை மாணவன் சுட்டுக்கொலை: வெளியான காரணம் | Police Shot Dead Student Enter School With Gun Us

அமெரிக்காவில் பாடசாலை மாணவன் சுட்டுக்கொலை: வெளியான காரணம்!

United States of America Gun Shooting

அமெரிக்காவில் பாடசாலைக்கு  துப்பாக்கியுடன் வந்த மாணவன் ஒருவரை  காவல்துறையினர் சுட்டுக் கொன்றுள்ளனர்.

இச்சம்பவமானது அமெரிக்காவின் விஸ்கான்சின் மாகாணத்தில் மவுண்ட் ஹாரிப் பகுதியில் உள்ள பாடசாலையில் இடம்பெற்றுள்ளது.

மேலதிக விசாரணை

சம்பவம் தொடர்பில் தெரியவருகையில், பாடசாலைக்கு குறித்த மாணவன் துப்பாக்கியுடன் வந்ததாக காவல்துறையினருக்கு தகவல் கிடைத்துள்ளது.

Police Shot Dead Student Enter School With Gun Us

இதனையடுத்து விரைந்து செயல்பட்ட காவல்துறையினர்  அந்த மாணவன் பாடசாலைக்குள் நுழைவதற்குள் துப்பாக்கி பிரயோகத்தை மேற்கொண்டதில் மாணவன் உயிரிழந்துள்ளார்.

சம்பவத்தில் வேறு யாருக்கும் எந்தவித பாதிப்பும் ஏற்படவில்லை என்றும், விசாரணை தொடர்ந்து நடைபெற்று வருவதாகவும் காவல்துறையினர் தெரிவித்துள்ளனர்.

Read More

கனடாவிலிருந்து வெளியேறும் மக்களின் எண்ணிக்கை அதிகரிப்பு: வெளியான காரணம் | Number Of Immigrants Leaving Canada Is On The Rise

கனடாவிலிருந்து வெளியேறும் மக்களின் எண்ணிக்கை அதிகரிப்பு: வெளியான காரணம்! 

கனடாவிலிருந்து வெளியேறும் புலம்பெயர்தோரின் எண்ணிக்கை அதிகரித்து வருவதாக ஆய்வொன்றின் மூலம் தெரியவந்துள்ளது.

இந்த விடயமானது, மெக்கில் இன்ஸ்டிடியூட் ஃபார் தி ஸ்டடி ஆஃப் கனடா(McGill Institute for the Study of Canada) என்று அமைப்பு நடத்திய ஆய்வின் மூலம் கண்டறியப்பட்டுள்ளது.

குடியேறும் நாடுகள்

அதன்படி, 2017 - 2019 ஆம் வருடங்களுக்கிடயில் கனடாவை விட்டு வெளியேறிய புலம்பெயர்ந்தோரின் எண்ணிக்கை 31 வீதமாக அதிகரித்துள்ளது.

Number Of Immigrants Leaving Canada Is On The Rise

இவ்வாறு வெளியேறியவர்கள் தற்போது, அமெரிக்கா, ஹொங்கொங் மற்றும் பிரித்தானியா ஆகிய நாடுகளில் குடியேறியுள்ளதாக கூறப்படுகிறது.

வெளியேற காரணம்

அத்தோடு, பல்வேறு காரணங்களால் அவர்கள் இவ்வாறு அந்நாட்டை விட்டு வெளியேறியுள்ளதாக தெரிவிக்கப்படுகிறது.

பிரதானமாக, கனடாவில் குடியிருக்க சரியான வீடுகள் கிடைக்காத காரணத்தினால் குடியுரிமை பெற்றவர்கள் கூட நான்கு அல்லது ஏழு வருடங்களுக்குள் இந்நாட்டை விட்டு வெளியேறியுள்ளனர்.

Read More

புங்குடுதீவில் மீட்கப்பட்ட மனித எலும்புக் கூட்டு எச்சங்கள்: இறுதியில் எடுக்கப்பட்ட தீர்மானம் | Human Skeletal Remains Recovered At Punkudutivu

புங்குடுதீவில் மீட்கப்பட்ட மனித எலும்புக் கூட்டு எச்சங்கள்: இறுதியில் எடுக்கப்பட்ட தீர்மானம்

இரண்டாம் இணைப்பு 

யாழ்ப்பாணம் (Jaffna) - புங்குடுதீவு (Punkudutivu) கடற்கரை பகுதியில் மனித எலும்புக் கூட்டு எச்சங்கள் மீட்கப்பட்டமை தொடர்பாக இன்று காலை ஆரம்பிக்கப்பட்ட அகழ்வு பணிகள் மதியத்துடன் நிறைவுக்கு வந்தது.

இன்றைய தினம் முன்னெடுக்கப்பட்ட அகழ்வின் போது பெண்ணொருவரினுடையதாக கருதப்படும் எலும்புக் கூடு முழுமையாக மீட்கப்பட்டது.

எலும்புக் கூடுடன் செப்பு நாணயங்கள், துணி, அரிசி துகள்கள் என்பனவும் மீட்கப்பட்டுள்ளது.

சான்றுப் பொருட்கள்

குறித்த பகுதி முன்னைய காலத்தில் மயானமாக இருந்திருக்கலாம் என்றும் குறித்த பெண்ணின் உடல் இந்து முறைப்படி கிரியை செய்யப்பட்டு புதைக்கப்பட்டிருக்கலாம் எனவும் சந்தேகிக்கப்படுகின்றது.

Human Skeletal Remains Recovered At Punkudutivu

இந்நிலையில் மீட்கப்பட்ட எலும்புக் கூடு மற்றும் ஏனைய சான்றுப் பொருட்களை பார்வையிட்ட நீதவான் இது தொடர்பான பகுப்பாய்வு பரிசோதனையை நடத்தி அறிக்கையை சமர்ப்பிக்குமாறு சட்ட மருத்துவ அதிகாரிக்கு உத்தரவிட்டார்.

இதனையடுத்து அப்பகுதியில் அகழ்வுப் பணிகள் நிறைவுக்கு வந்ததுடன் மீட்கப்பட்டுள்ள எலும்புக் கூடு மற்றும் சான்றுப் பொருட்கள் யாழ்ப்பாணம் போதனா வைத்தியசாலைக்கு அனுப்பி வைக்கப்பட்டுள்ளது.

முதலாம் இணைப்பு 

யாழ்ப்பாணம் - புங்குடுதீவு அரசினர் வைத்தியசாலையை அண்டிய கடற்கரை பகுதியில் மனித எலும்பு கூட்டு எச்சங்கள் மீட்கப்பட்ட பகுதியில் இன்றையதினம் (02) அகழ்வுப் பணிகள் ஆரம்பிக்கப்பட்டுள்ளன.

ஊர்காவற்துறை மாவட்ட நீதீவான் நீதிபதி நளினி சுபாகரன், சட்ட வைத்திய அதிகாரி செ.பிரணவன் உள்ளிட்ட துறைசார் அதிகாரிகள் முன்னிலையில் அகழ்வுப் பணிகள் முன்னெடுக்கப்படுகின்றது.

புங்குடுதீவு 10 ஆம் வட்டாரத்தில் அரசினர் வைத்தியசாலையை அண்மித்த பகுதியிலுள்ள தென்பெருந்துறை சதானந்தசிவன் ஆலயத்தின் புனரமைப்பு பணிகள் முன்னெடுக்கப்பட்டு வருகின்றது.

மனித எலும்புக் கூட்டு எச்சங்கள்

இந்த நிலையில் அண்மையில் ஆலய சூழலில் கிடங்கொன்றினை வெட்டிய போது, மனித எலும்புக் கூட்டு எச்சங்கள் வெளிவந்தன.

அதனைத் தொடர்ந்து கிடங்கு வெட்டும் பணிகளை இடைநிறுத்திவிட்டு அது தொடர்பில் ஊர்காவற்துறை காவல் நிலையத்திற்கு அறிவிக்கப்பட்டது.

இதனை அடுத்து சம்பவ இடத்திற்கு விரைந்த காவல்துறையினர், அவ்விடத்தினை தமது கட்டுப்பாட்டுக்குள் எடுத்த நிலையில் அவ்விடத்தில் அகழ்வுப் பணிகளை முன்னெடுப்பதற்கு ஊர்காவற்துறை நீதவான் நீதிமன்றில் அனுமதி கோரி விண்ணப்பித்தனர்.

அதன் அடிப்படையில் இன்றையதினம் நீதிமன்றத்தின் அனுமதியுடன் அவ்விடத்தில் அகழ்வுப் பணிகள் முன்னெடுக்கப்படுகின்றமை குறிப்பிடத்தக்கது.

Read More

யாழில் கொழும்பு சிங்களவர்களால் தாயார் முன் பல்கலைக்கழக மாணவன் நையப்புடைப்பு!! கள்ளக் காதலா?

நேற்று காலை 5மணியளவில் யாழ் கொக்குவில் பகுதியில் உள்ள வீடு ஒன்றுக்குள் புகுந்த 5 பேர் அடங்கிய குழு ஒன்று கொழும்பு பல்கலைக்கழக மாணவன் ஒருவரை அவனது தாயார் முன் வீட்டுக்குள் இருந்து இழுத்து வந்து கடுமையாகத் தாக்கிச் சென்றுள்ளது. தாயார் குடும்பிடக் குடும்பிட தாக்குதல் நடந்ததாக அயலவர்கள் தெரிவிக்கின்றார்கள். இச் சம்பவம் நடந்து கொண்டிருந்த போது அயலவர்களால் தொலைபேசியில் பொலிஸாருக்கு முறைப்பாடு அளிக்கப்பட்டிருந்தது. ஆனால் பொலிசார் அந்த இடத்திற்கு வருவதற்கு முன் மாணவனைத் தாக்கியவர்கள் அங்கிருந்து சென்று விட்டார்கள்.அந்த இடத்திற்கு பொலிசார் வந்த போது தாக்குதலுக்கு உள்ளான மாணவன் பொலிஸ் முறைப்பாடு அளிக்க மறுத்துவிட்டதாகத் தெரியவருகின்றது. தன்னை தனது நண்பர்கள் தவறுதலாக தாக்கியதாக கூறி பொலிசாரை மாணவன் அனுப்பிவிட்டதாகவும் அயலவர்கள் தெரிவித்துள்ளார்கள்.

தென் மாகாணப் பதிவு கொண்ட சொகுசு கார் ஒன்றில் வந்த ஒரே குடும்பத்தைச் சேர்ந்தவர்கள் என கருதப்படும் 4 ஆண்களும் ஒரு பெண்ணுமே மாணவனை தாக்கியுள்ளார்கள். அதிகாலை வந்த அவர்கள் மாணவனின் வீட்டின் முன் நீண்ட நேரமாக காரிலிருந்து கோர்ன் அடித்து, குறித்த வீட்டில் வசித்து வந்த கொழும்பு பல்கலைக்கழக மாணவனின் பெயரை கூறி வெளியே வருமாறு கத்தியபடி இருந்துள்ளார்கள். மாணவன் வீட்டில் இருந்து வெளியே வராததால் கேற் வழியாக ஏறி உள்ளே நுழைந்து அங்கு கலவரம் செய்ததாக தெரியவருகின்றது. அவர்கள் சிங்களத்தில் ஏசி, ஏசியே மாணவன் மீது தாக்குதல் நடாத்தியுள்ளார்கள். அவர்களின் குடும்பத்தைச் சேர்ந்த 17 வயதுக்கும் குறைவான பெண் அல்லது திருமணம் முடித்த ஒரு பெண்ணுடன் குறித்த மாணவன் அந்தரங்கத் தொடர்பை பேணியுள்மை அவர்கள் ஏசும் போது தெரியவந்ததாக அயலவர்கள் தெரிவித்துள்ளார்கள்.

தீவுப் பகுதியைச் சொந்த இடமாகக் கொண்ட குறித்த மாணவனும் அவனது குடும்பத்தினரும் பல வருடங்களாக கொக்குவில் பகுதியில் வசித்து வருவதாக அயலவர்கள் கூறுகின்றார்கள். மாணவனின் இரு சகோதரிகள் மருத்துவத்துறையில் கல்வி பயின்று திருமணம் முடிந்த பின்னர் தற்போது வெளிநாட்டில் வாழ்ந்து வருவதாகவும் குறித்த மாணவன் பல்கலைக்கழக இறுதி ஆண்டில் கற்றுவருவதாகவும் மாணவனின் தந்தை கொரோனாவுக்கு இலக்காகி உயிரிழந்தவர் எனவும் தெரியவருகின்றது.

Read More

இந்தோனேசியாவில் எரிமலை வெடிப்பின் தாக்கம்: மூடப்பட்ட சர்வதேச விமான நிலையங்கள் | Volcano Eruption In Indonesia 7 Airports Closed

இந்தோனேசியாவில் எரிமலை வெடிப்பின் தாக்கம்: மூடப்பட்ட சர்வதேச விமான நிலையங்கள்!

இந்தோனேசியாவில் எரிமலை வெடிப்பு காரணமாக அந்த நாட்டின் 7 சர்வதேச விமான நிலையங்கள் மூடப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

இந்தோனேசியாவின் வடக்கு சுலவேசி மாகாணத்தில் உள்ள ருயாங் தீவில் உள்ள எரிமலை ஒன்று கடந்த மாதம் கரும்புகையை கக்கியபடி வெடித்து சிதறத் தொடங்கியதாக தெரிவிக்கப்படுகின்றது.

பின்னர் அமைதியாகிய நிலையில் மீண்டும் கடந்த சில நாட்களாக அந்த எரிமலை வெடித்து சிதறத் தொடங்கியுள்ளதாக குறிப்பிடப்படுகின்றது.

12 ஆயிரம் பொதுமக்கள் மீட்பு

இந்த நிலையில் முன்னெச்சரிக்கை நடவடிக்கையாக அந்த தீவில் உள்ள எரிமலை அடிவார குடியிருப்புகளில் வசித்து வந்த 12 ஆயிரம் பொதுமக்கள் மீட்கப்பட்டுள்ளனர்.

இதேவேளை எரிமலை வெடிப்பைத் தொடர்ந்து கண்காணித்து வரும்நிலையில் அதன் தாக்கம் அதிகமாக இருக்கின்றது என தெரிவிக்கப்பட்டுள்ளது.

அதனையடுத்து அங்குள்ள கல்வி நிறுவனங்களான பாடசாலைகள் மற்றும் கல்லூரிகள் மூடப்பட்டுள்ளன.

மேலும் சுற்றுலாப் பயணிகளின் வருகையை தவிர்க்கும் வகையில் சர்வதேச விமான நிலையமான சாம் ரதுலங்கி உட்பட 7 விமான நிலையங்கள் மூடப்பட்டுள்ளமை குறிப்பிடத்தக்கது.

Read More

பாடசாலைகளுக்கான விடுமுறை தொடர்பான அறிவிப்பு | School 1St Term Leaves 2024 Sri Lanka

பாடசாலைகளுக்கான விடுமுறை தொடர்பான அறிவிப்பு!

அரச மற்றும் அரச அங்கீகாரம் பெற்ற தமிழ், சிங்கள மற்றும் முஸ்லிம் பாடசாலைகளில் 2024ஆம் ஆண்டுக்கான முதலாம் பாடசாலை தவணையின் இரண்டாம் கட்டம் நாளையுடன் நிறைவடையவுள்ளது.

பாடசாலைகளின் முதலாம் தவணையின் மூன்றாம் கட்டம் எதிர்வரும் 20ஆம் திகதி ஆரம்பமாகும். 

சிங்களம் மற்றும் தமிழ் பாடசாலைகளின் மூன்றாம் கட்டம் மே மாதம் 31ஆம் திகதி முடிவடைகிறது. 

சாதாரணத் தரப் பரீட்சை

இதேவேளை, 2023ஆம் ஆண்டுக்கான கல்விப் பொதுத் தராதர சாதாரணத் தரப் பரீட்சை எதிர்வரும் திங்கட்கிழமை நடைபெறவுள்ளது.

மூவாயிரத்து 527 மத்திய நிலையங்களில் பரீட்சை நடைபெறும் என பரீட்சைகள் திணைக்களம் தெரிவித்துள்ளது.

எதிர்வரும் 15ஆம் திகதி வரை க.பொ.த சாகதாரண பரீட்சைகள் இடம்பெறவுள்ளது.

Read More

மனைவியிடம் அடிமையாக இருக்க பிரியப்படும் ஆண் ராசிகள் இவர்கள் தானாம்..!

பெண்களை பொருத்தவரை திருமணம் என்பது அவர்களின் வாழ்க்கையை முழுமையாக மாற்றக்கூடிய ஒரு விடயமாகவே பார்க்கப்படுகின்றது.

தான் வாழ்ந்த வீடு தாய் ,தந்தை உடன் பிறந்தோர் என அனைவரையும் விட்டு தூரமானது போன்ற உணர்வையே இது கொடுக்கின்றது.

அதனால் திருமணத்தின் பின்னர் ஒரு பெண் கணவன் தான் எல்லாம் என்ற மனநிலைக்கு வந்துவிடுகின்றாள். இந்நிலையில் தனக்காக எதையும் செய்யும் கணவன் அமைந்துவிட்டால் அளளைவிட அதிர்ஷ்டசாலி வேறு யாரும் இருக்க முடியாது.

ஜோதிட சாஸ்திரத்தின் அடிப்படையில் குறித்த சில ராசியை சேர்ந்த ஆண்கள் மனைவியின் சொல்லை தட்டாமல், சில சமயம் மனைவிக்கு அடிமையாக கூட நடந்து கொள்வார்களாம்.

இப்படிப்பட்ட ஆண் ராசியினர் யார் யார் என இந்த பதிவில் பார்க்கலாம்.

மீனம்

மீன ராசியில் பிறந்த ஆண்கள் பிறப்பிலேயே இதிக சகிப்புத்தன்மை கொண்டவர்கள். இவர்களுக்கு வாக்குவாதம் செய்வது பிடிக்காத விடயமாக இருக்கும்.

அதனால் தன் மனைவியின் பேச்சுக்கு பெரும்பாலும் தலை அசைக்கும் நபராகவே இந்த ராசியினர் இருப்பர்.

சிம்மம்

சூரியனின் ஆதிக்கத்தில் பிறந்த சிம்ம ராசியினர் எப்போதும் யாருக்கும் அடங்கி போவது கிடையாது. தங்களின் இடத்தில் அவர்கள் தான் அதிபதியாக இருக்க வேண்டும் என நினைப்பார்கள்.

ஆனால் திருமண வாழ்க்கையில் தன்னுடைய மனைவிக்கு மிகவும் முக்கியத்துவம் கொடுக்கும் இவர்கள் மனைவியின் வார்த்தைக்கும் கட்டுப்பட்டு நடப்பார்கள்.

மகரம்

சனியின் அதிக்கத்தில் பிறந்த மகர ராசியினர் எப்போதும் சுதந்திரமாக இயங்கக்கூடியவர்கள். ஆனால் திருமணமான பிறகு எல்லா விடயங்களையும் மனைவியுடன் பகிர்ந்துக்கொள்வார்கள்.

மனைவியின் சொல்லுக்கும் கட்டுப்பட்டு நடப்பவர்களாக தங்களை மாற்றிக்கொள்வார்கள். மனைவின் மகிழ்ச்சிக்கு முக்கியத்துவம் கொடுப்பார்கள்.

கும்பம்

கும்ப ராசியினர் இயல்பாகவே திரமணத்தின் மீது அதிக நம்பிக்கை மற்றும் மரியாதை கொண்டவர்களாக இருப்பார்கள்.

எனவே திருமணத்திற்குப் பிறகு அவர்கள் மனைவிக்கு கட்டுப்பட்டவர்களாக இருப்பார்கள். எல்லா விடயத்தையும் மனைவியுடன் பகிர்ந்துக்கொள்வதை வரமாக நினைப்பார்கள்.

Read More

இலங்கையில் வாழும் தமிழர்களின் கதி இனி என்ன? சுற்றுலா பேரூந்தில் இருந்த வாசகம் இது!!

இலங்கையில் வாழும் தமிழர்களின் கதி இனி என்ன? சுற்றுலா பேரூந்தில் இருந்த வாசகம் இது!!

”இந்த நாடு சிங்கள மக்களுக்கு மாத்திரமே உரியது” என்ற இந்த வாசகம், சுற்றுலா பயணிகளை ஏற்றிச் செல்லும் ஆடம்பர பேருந்து ஒன்றின் பின்பக்கத்தில் ஆங்கிலத்தில் எழுதப்பட்டிருந்தது.

இன்று வியாழக்கிழமை காலை 7 மணியளவில் கொழும்பு பொரள்ளை பேஸ்லைன் வீதியால் இப் பேருந்து சென்று கொண்டிருந்தபோது இந்த வாசகத்தை எனது கையடக்கத் தொலைபேசியின் கமராவுக்குள் பிடித்துக் கொண்டேன்.

அலுவலகத்துக்குச் சென்று கொண்டிருந்தபோது இந்த வாசகம் எழுதப்பட்டிருந்த இப் பேருந்து என் கண்ணில் தென்பட்டது.

சிங்கள அரசியல்வாதிகள் தமது தேவைக்காக இனவாதம் பேசுவதைச் சிலவேளை நிறுத்தக்கூடும்.

ஆனால் சிங்கள உயர் அதிகாரிகள், முதலாளிகள், வியாபாரிகள் என்று அனைத்து மட்டங்களிலும் இப்போது இனவாதம் ஒரு ”சிங்களப் பண்பாடாக” மாறி வருகின்றமை கண்கூடு.

குறிப்பாக 2009 மே மாதத்திற்குப் பின்னரான சூழலில் கொழும்பில் உள்ள பல தனியார் நிறுவனங்களில் இனவாதம் தலைதூக்கி வருகின்றது.

தமிழர்களின் முதலீட்டில் இயங்கும் சில தனியார் நிறுவனங்களில் பணியாற்றும் சிங்கள உயர் அதிகாரிகள் கூட இனவாதத்துக்குச் சளைத்தவர்கள் அல்ல.

அ.நிக்ஸன்-

பத்திரிகையாளர்

Read More

யாழ் இருபாலை டச்சு வீதியில் நள்ளிரவு தனிமையில் இருந்த பெண்ணை சித்தி ரவதை செய்து கொள்ளை!!

யாழ் இருபாலை டச்சு வீதியில் நள்ளிரவு தனிமையில் இருந்த பெண்ணை சித்தி ரவதை செய்து கொள்ளை!!

யாழ் இருபாலை டச்சு வீதியில் தனிமையில் வசித்து வந்த மூதாட்டி ஒருவரின் வீட்டுக்குள் புகுந்த கொள்ளையர்கள் குறித்த மூதாட்டியை தாக்கி கொள்ளையடித்துச் சென்றுள்ளார்கள். இன்று அதிகாலை இச் சம்பவம் இடம்பெற்றுள்ளது. சீற்றால் கூரையிடப்பட்டிந்த வீட்டில் கூரையில் ஏறி சீற்றை உடைத்தே கொள்ளையர்கள் கீழே இறங்கி மூதாட்டியை தாக்கி கொள்ளையடித்துள்ளதாகத் தெரியவருகின்றது. இச் சம்பவம் தொடர்பாக கோப்பாய் பொலிசார் விசாரணைகளை மேற்கொண்டு வருகின்றார்கள்.

தனிமையில் இருக்கும் வயதானவர்களையும் பெண்களையும் கொள்ளையர்கள் தற்போது குறி வைத்து வருகின்றார்கள். குறித்த வீட்டில் மூதாட்டி தனிமையில் வசித்து வந்துள்ளார். இரு ஆண் பிள்ளைகளில் ஒருவர் வெளிநாட்டிலும் இன்னொருவர் கோண்டாவில் பகுதியிலும் வசித்து வந்துள்ளார்கள். மூதாட்டி தனிமையில் இருக்க விரும்பியதாலேயே இவ்வாறான சம்பவம் இடம்பெற்றுள்ளதாக தெரியவருகின்றது. வயதானவர்கள் தமது பாதுகாப்புக்காக பிள்ளைகளுடனோ அல்லது வேறு பாதுகாவலர்களுடனோ தங்குவது மிகவும் பாதுகாப்பானது.

Read More