சுனாமி தொடர்பான செய்திகள்! மட்டக்களப்பு மக்களுக்கு வெளியான முக்கிய அறிவிப்பு | Possibilities For Tsunami In Sri Lanka 2024

சுனாமி தொடர்பான செய்திகள்! மட்டக்களப்பு மக்களுக்கு வெளியான முக்கிய அறிவிப்பு

Tsunami Batticaloa Sri Lanka Weather

சுனாமி அனர்த்தம் தொடர்பில் பரப்பப்படும் வதந்திகளை நம்ப வேண்டாம் என மட்டக்களப்பு மாவட்ட அனர்த்த முகாமைத்துவ நிலையம் தெரிவித்துள்ளது.

மட்டக்களப்பு களுவாஞ்சிகுடி மற்றும் ஆரையம்பதி பகுதியில் கடல்நீர் உள்வாங்கப்பட்டதாகவும் கிணற்றுநீர் வற்றியதாகவும் அப்பகுதி மக்கள் தெரிவித்துள்ளனர்.

இதனால் சுனாமி ஏற்படலாம் என்ற அச்சம் மக்கள் மத்தியில் ஏற்பட்டு அப்பகுதியிலிருந்து வெளியேறுவதாக தெரிவிக்கப்பட்டுள்ளது.

எனினும், இது தொடர்பில் மட்டக்களப்பு மாவட்ட அரசாங்க அதிபரை தொடர்புகொண்டு கேட்டபோது அவர் இதனை மறுத்ததோடு மக்கள் இயல்பாக அப்பகுதியில் வசிக்க முடியும் எனவும் குறிப்பிட்டார்.

  

அனர்த்தம் உருவாகும் பட்சத்தில்....

அத்துடன், இது முற்றிலும் போலியான தகவல் என மட்டக்களப்பு மாவட்ட அனர்த்த முகாமைத்துவ நிலையத்தின் உதவிப் பணிப்பாளர் ஏ.எம்.எஸ்.சியாத் தெரிவித்துள்ளார்.

மேலும், சுனாமி அனர்த்தம் ஒன்று உருவாகும் பட்சத்தில் மக்களுக்கு அது தொடர்பில் மாவட்ட அனர்த்த முகாமைத்துவ நிலையம் ஊடாக உடனடியாக அறிவிக்கப்படும் என்பதனை மிகவும் பொறுப்புடன் அறியத்தருவதாகவும் அவர் குறிப்பிட்டுள்ளார்.

Read More

நினைவேந்தல் விவகாரம்! வீரவன்ச, கம்மன்பில ஆகியோருக்கு அநுர அரசு பதிலடி | Vijitha Herath Replies Ex Mp S On Commemoration

நினைவேந்தல் விவகாரம்! வீரவன்ச, கம்மன்பில ஆகியோருக்கு அநுர அரசு பதிலடி

நினைவேந்தல் உரிமையை நிராகரித்து மீண்டும் இனவாதத்தை தூண்ட முயல வேண்டாம் என அமைச்சர் விஜித ஹேரத் தெரிவித்துள்ளார்.

வடக்கு, கிழக்கில் நினைவேந்தல் நிகழ்வு என்ற பெயரில் மரணித்த தமிழீழ விடுதலைப்புலிகளைத் தமிழ் மக்கள் பகிரங்கமாக நினைவுகூர்ந்தமைக்கு அநுர அரசு அனுமதி வழங்கியதாக முன்னாள் நாடாளுமன்ற உறுப்பினர்களான விமல் வீரவன்ச, உதய கம்மன்பில மற்றும் சரத் வீரசேகர ஆகியோர் விமர்சித்திருந்தனர்.

அவர்களின் கருத்துக்களுக்குப் பதிலளித்த அமைச்சர் விஜித ஹேரத்,

“கடந்த காலங்களில், போரில் உயிரிழந்த தமது உறவுகளை வடக்கில் உள்ள உறவுகள் நினைவேந்தும்போது அதற்கு எதிராக தெற்கில் உள்ள சிலர் இனவாதம் கக்கினார்கள்.

இனவாதக் கருத்துக்கள்

அதேபோல் போரில் உயிரிழந்த தமது உறவுகளை தெற்கில் உள்ள உறவுகள் நினைவேந்தும்போது அதற்கு எதிராக வடக்கில் உள்ள சிலர் இனவாதம் கக்கினார்கள்.

ஒவ்வொரு வருடமும் மே, நவம்பர் மாதங்களில் இத்தகைய இனவாதக் கருத்துக்கள் வெளிவந்திருந்தன. இந்த இனவாதக் கருத்துக்கள் இனியும் இருக்கக்கூடாது.

நினைவேந்தல் உரிமை சகல இனத்தவர்களுக்கும் உரியது. அதில் இன வேறுபாடு இருக்கக்கூடாது.

நினைவேந்தல் நிகழ்வு

இலங்கையில் நினைவேந்தல் நிகழ்வைப் பயங்கரவாதக் கண்ணோட்டத்துடன் எவரும் பார்க்கக்கூடாது.

நாட்டில் நடைமுறையில் உள்ள சட்டங்களுக்குக் கட்டுப்பட்டு அமைதியான முறையில் நினைவேந்தல் நிகழ்வுகளை எவரும் நடத்தலாம்.

அதை நாம் தடுத்து நிறுத்த முடியாது. அதேவேளை, சட்டங்களை மீறிச் செயற்படுபவர்கள் கைது செய்யப்படுவார்கள். அது பொலிஸாரின் கடமையாகும்” என்றார்.

Read More

மாவீரர் தினத்தை ஊக்குவித்த மேலும் இருவர் கைது! | Maaveerar Naal Arrest Jaffna Northern Province

மாவீரர் தினத்தை ஊக்குவித்த மேலும் இருவர் கைது!

மாவீரர் தின நிகழ்வுகளை ஊக்குவித்து முகப்புத்தகத்தில் பிரசாரம் செய்த குற்றச்சாட்டில் மூவர் கைது செய்யப்பட்டுள்ளதாக காவல்துறை வட்டாரங்கள் தெரிவிக்கின்றன.

இதன் படி, யாழ்ப்பாணம் - சுன்னாகம் பகுதியைச் சேர்ந்த 37 வயதுடைய ஒருவர் நேற்றையதினம் (29) பயங்கரவாத தடுப்பு பிரிவினரால் கைது செய்யப்பட்டிருந்தார்.

இந்த நிலையில், மேலும் இரு சந்தேகநபர்கள் கைது செய்யப்பட்டுள்ளதாக காவல்துறையினர் தெரிவித்துள்ளனர்.

மேலும் இருவர் 

கைதான இரு சந்தேகநபர்களில் ஒருவர் பத்தேகம பகுதியைச் சேர்ந்த 28 வயதுடையவர் என கூறப்படுகிறது.

மற்றையவர் மாவீரர் தின நிகழ்வுகளை ஊக்குவித்ததாகக் கூறப்படும் முகப்புத்தக கணக்கிற்கு உரித்துடையவர் எனவும் தெரிவிக்கப்பட்டுள்ளது.  

Read More

கனடா விசா நடைமுறைகளில் ஏற்படவுள்ள மாற்றம் | Immigration Refugees Visa Citizenship In Canada

கனடா விசா நடைமுறைகளில் ஏற்படவுள்ள மாற்றம்!

கனடாவின் (Canada) குடிவரவு மற்றும் அகதிகள் கோரிக்கை நடைமுறைகளில் மேலும் மாற்றங்கள் அந்நாட்டின் குடிவரவு அகதிகள் விவகார அமைச்சர் மார்க் மில்லரால் (Marc Miller) முன்மொழியப்பட்டுள்ளது.

இந்த முன்மொழிவுகள் எதிர்வரும் வாரங்களில் சமர்ப்பிக்கப்பட உள்ளதாக மார்க் மில்லர் (Marc Miller) தெரிவித்துள்ளார்.

அண்மையில் கனடிய மத்திய அரசாங்கம் நிரந்தர வதிவிட உரிமையாளர்கள் தொடர்பில் பல்வேறு கடுமையான நடைமுறைகளை அறிமுகம் செய்திருந்தது.

கடுமையாக்கப்பட்ட சட்டங்கள் அறிமுகம் 

குறிப்பாக தற்காலிக பணியாளர்களுக்கு வழங்கப்படும் உரிமைகள் தொடர்பிலும் கடுமையாக்கப்பட்ட சட்டங்கள் அறிமுகம் செய்யப்பட்டன.

இந்நிலையில், கனடாவில் அகதிகள் கோரிக்கையாளர் ஒருவரின் விண்ணப்பம் பரிசீலனை செய்வதற்கு 44 மாதங்கள் சராசரியாக எடுத்துக் கொள்ளப்படுகின்றது என கனடிய புள்ளி விபரவியல் திணைக்களம் தெரிவித்துள்ளது.

கனடிய அகதிகள் கோரிக்கை நடைமுறை உரிய முறையில் செயல்படுத்தப்படவில்லை எனவே இந்த முறையில் மறுசீரமைப்பு செய்யப்பட வேண்டும் எனவும் சில மாற்றங்களை அறிமுகம் செய்ய உள்ளதாகவும் மில்லர் தெரிவித்துள்ளார்.

Read More

யாழ். இளைஞன் பயங்கரவாத தடுப்பு பிரிவினரால் கைது

யாழ். இளைஞன் பயங்கரவாத தடுப்பு பிரிவினரால் கைது

யாழ்ப்பாணம் (Jaffna) - இணுவில் பகுதியை சேர்ந்த இளைஞன் ஒருவரை பயங்கரவாத தடுப்பு பிரிவினர் (Terrorist Investigation Division) கைது செய்துள்ளனர்.

குறித்த கைது நடவடிக்கையானது இன்று (29.11.2024) முன்னெடுக்கப்பட்டதாக காவல்துறையினர் தெரிவித்துள்ளனர்.

மேலதிக விசாரணை

அவரது முகநூல் பதிவொன்று தொடர்பிலான விசாரணைக்காகவே கைது செய்யப்பட்டுள்ளதாகவும் காவல்துறையினர் குறிப்பிட்டுள்ளனர்.

கைது செய்யப்பட்டவரை யாழ்ப்பாணத்தில் தடுத்து வைத்து மேலதிக விசாரணைகளை பயங்கரவாத தடுப்பு பிரிவினர் முன்னெடுத்து வருவதாக காவல்துறையினர் தகவல்கள் தெரிவிக்கின்றன.

Read More

அதையெல்லாம் இடித்துத் தள்ளுங்கள்’: வடக்கு ஆளுனர் திடீர் உத்தரவு!

அதையெல்லாம் இடித்துத் தள்ளுங்கள்’: வடக்கு ஆளுனர் திடீர் உத்தரவு!

வடக்கு மாகாணத்தில் வெள்ளம் வடிந்தோடாமல் வெள்ள வாய்க்கால்களை ஆக்கிரமித்து அமைக்கப்பட்டுள்ள சட்டவிரோத கட்டடங்களை இடித்து அகற்றுமாறு வடக்கு மாகாண கௌரவ ஆளுநர் நா.வேதநாயகன் பணிப்புரை விடுத்துள்ளார்.

இது தொடர்பில் மீண்டும் மீண்டும் பேசிக்கொண்டிருப்பதில் அர்த்தமில்லை என்றும் அவர் சுட்டிக்காட்டினார்.

வடக்கு மாகாணத்தில் ஏற்பட்டுள்ள இடர் நிலைமை தொடர்பில் ஆராயும், இணையவழி கலந்துரையாடல் இன்று காலை இடம்பெற்றது.

இதன்போதே ஆளுநர் இந்த விடயத்தைச் சுட்டிக்காட்டினார்.

வடக்கு மாகாணத்தின் ஒவ்வொரு மாவட்டங்களிலும் ஏற்பட்டுள்ள இடர் பாதிப்புக்கள் தொடர்பில் அந்தந்த மாவட்டச் செயலர்கள் மற்றும் மேலதிக மாவட்டச் செயலர்களால் ஆளுநருக்கு தெரியப்படுத்தப்பட்டது.

பாதிக்கப்பட்ட மக்களுக்கான உதவிகள் வழங்கப்பட்டு வருவது தொடர்பிலும் ஆளுநரின் கவனத்துக்கு அவர்கள் கொண்டு வந்தனர்.

அனலைதீவு, எழுவைதீவு போன்ற பிரதேசங்களுக்கு மின்சாரம் பகலில் துண்டிக்கப்பட்டு இரவில் மாத்திரம் வழங்கப்பட்டு வருவதாகத் தெரிவிக்கப்பட்டது.

மின்சார விநியோகத்துக்கு தேவையான எரிபொருள் குறிகாட்டுவான் இறங்குதுறையில் இருப்பதாகவும், கடல் பயணத்துக்கு ஏதுவான நிலைமை ஏற்பட்டதும் அவற்றை உடனடியாக கடற்படையினரின் உதவியுடன் கொண்டு செல்வதற்கு தயாராக இருப்பதாகவும் இலங்கை மின்சார சபையின் வடக்குப் பிராந்திய முகாமையாளர் கூட்டத்தில் தெரிவித்தார்.

அதேவேளை, அந்தப் பிரதேசங்களிலுள்ள மருத்துவமனைகள் மின்பிறப்பாக்கி மூலம் மின்சாரத்தை பெற்று இயங்குவதாகத் தெரிவிக்கப்பட்டது.

தற்போது பல வெள்ள வாய்க்கால்களில் வெள்ளம் நிரம்பிய நிலையில் இருப்பதால் அதனுள் குப்பைகளைக் கொட்டுவதற்கு முயற்சிக்கக் கூடும் எனவும் அது தொடர்பில் அவதானமாக இருக்கவேண்டும் என்றும் யாழ். மாநகர சபை ஆணையாளருக்கு அறிவுறுத்தல் வழங்கப்பட்டது.

வெள்ளம் வடிந்தோடாமல் இருப்பதற்கு வெள்ளவாய்க்கால்களை ஆக்கிரமித்து சட்டவிரோத கட்டடங்கள் அமைக்கப்பட்டுள்ளமையும் காரணம் எனச் சுட்டிக்காட்டிய ஆளுநர், அவற்றை அகற்ற துரித நடவடிக்கை எடுக்குமாறு பணித்தார்.

அதேபோன்று சட்டவிரோதமாக அமைக்கப்பட்டுள்ள ஏனைய கட்டடங்களையும் அகற்றுமாறும் ஆளுநர் பணித்ததுடன், திரும்பத் திரும்ப இந்த விடயங்கள் தொடர்பில் பேசிக் கொண்டிருப்பதில் அர்த்தமில்லை என்றும் குறிப்பிட்டார்.

அடுத்த ஆண்டு இந்த விடயங்கள் அனைத்தும் சீராக்கப்பட்டிருப்பதை அதிகாரிகள் உறுதி செய்யவேண்டும் எனவும் ஆளுநர் தெரிவித்தார்.

இதேவேளை, வெள்ளம் வடிந்தோடிய பின்னர் கிணறுகளுக்கு குளோரின் இடுவதற்குரிய ஆயத்தங்கள் சுகாதாரத் திணைக்களத்தால் ஏற்பாடு செய்யப்பட்டுள்ளதாகவும், அதேவேளை நோய் நிலைமைகள் தொடர்பில் கண்காணிப்பதற்குரிய ஏற்பாடுகளும் முழுமைப்படுத்தப்பட்டுள்ளதாகவும் வடக்கு மாகாண சுகாதார சேவைகள் பணிப்பாளர் தெரியப்படுத்தினார்.

தொடர் மழை காரணமாக பெருமளவு பயிர்கள் அழிவடைந்துள்ளதாகவும், வெள்ளம் இன்னமும் வழிந்தோடாமல் இருப்பதால் பயிர் அழிவு தொடர்பில் சரியான மதிப்பீட்டை தற்போது முன்னெடுக்க முடியாது இருப்பதாகவும் வடக்கு மாகாண விவசாயப் பணிப்பாளர் குறிப்பிட்டார்.

Read More

தனது இளம் மனைவியை உறவுக்காக பலருக்கு விற்ற கணவன்!! கண்டியில் நடந்தது என்ன?

தனது இளம் மனைவியை உறவுக்காக பலருக்கு விற்ற கணவன்!! கண்டியில் நடந்தது என்ன?

மாவனல்ல பொலிஸ் நிலையத்தில் வைத்தே, கணவன், மனைவியின் வாய், கழுத்து மற்றும் பல இடயங்களில் வெட்டிய சம்பவம் அதிர்ச்சியை ஏற்படுத்தியுள்ளது.

மாவனெல்லையில் வசிக்கும் ஒரு பிள்ளையின் தாயே காயமடைந்துள்ளார்.மனைவி செய்த முறைப்பாடு தொடர்பில் விசாரணை நடத்துவதற்காக இரு தரப்பினரும் பொலிஸ் நிலையத்துக்கு அழைக்கப்பட்ட போதே இந்த சம்பவம் இடம்பெற்றுள்ளது. சம்பவம் தொடர்பில் மேலும் தெரியவருகையில்,மனைவியின் நிர்வாண புகைப்படங்களை கைத்தொலைபேசியில் வைத்திருக்கும் கணவன் , மனைவியை பயமுறுத்தி பல்வேறு நபர்களுக்கு விற்பனை செய்துள்ளார்.

இந்நிலையில் கடந்த 24ம் திகதி, இருவருக்கும் இடையே வாக்குவாதம் ஏற்பட்டதையடுத்து, இது குறித்து மனைவி, பொலிஸில் முறைப்பாடு செய்துள்ளார்.அதன் பிரகாரம், முறைப்பாடு தொடர்பில் விசாரணைகளை மேற்கொள்வதற்காக இருவரும் கடந்த 26ஆம் திகதி பொலிஸூக்கு அழைக்கப்பட்டுள்ளனர்.

இதன்போது மறைத்து வைத்திருந்த பேப்பர் கட்டர் 21 வயதான மனைவியை வெட்டியுள்ளார். சம்பவத்தில் படுகாயமடைந்த அந்த யுவதி, மாவனல்ல வைத்தியசாலைக்கு கொண்டு செல்லப்பட்டதுடன், 39 வயதுடைய கணவனை பொலிஸார் கைது செய்துள்ளனர்.அதோடு இளம் மனைவி சில காலமாக கணவனால் வெளிதரப்பினருக்கு விற்கப்பட்டுள்ளதாகவும் விசாரணையில் இருந்து தெரியவந்துள்ளது.மேலும் இதற்கு முன்னரும் கணவனுக்கு எதிராக மனைவி முறைப்பாடு செய்திருந்ததாகவும், அது தொடர்பில் விசாரணை நடத்தப்பட்டதாகவும் மாவனல்ல பொலிஸார் குறிப்பிட்டுள்ளனர்.

Read More

கனடவில் வசிக்கும் 60 வயது யாழ் அங்கிள் லண்டனிலிருந்து வந்த 55 வயது அன்ரிக்கு விமானத்தில் செய்த கேவலம்!! கட்டுநாயக்காவில் கைது!!

கனடவில் வசிக்கும் 60 வயது யாழ் அங்கிள் லண்டனிலிருந்து வந்த 55 வயது அன்ரிக்கு விமானத்தில் செய்த கேவலம்!! கட்டுநாயக்காவில் கைது!!

இங்கிலாந்தின் லண்டனில் இருந்து கட்டுநாயக்க விமான நிலையத்திற்கு செவ்வாய்க்கிழமை (26) மாலை பயணித்த ஸ்ரீலங்கன் எயார்லைன்ஸ் விமானத்தில் பெண் ஒருவரின் கைப்பையை திருடிய கணக்காளர் ஒருவரை கட்டுநாயக்க விமான நிலைய பொலிஸார் கைது செய்துள்ளனர்.

சிறி ஷியாமலி வீரசிங்க என்ற 55 வயதான பெண், தற்போது இங்கிலாந்தில் வசிக்கிறார். இங்கிலாந்து மற்றும் இலங்கையின் இரட்டைக் குடியுரிமையுடன் இலங்கையைப் பூர்வீகமாகக் கொண்ட பன்னிபிட்டியவில் வசிப்பவர்.

ஸ்ரீலங்கன் எயார்லைன்ஸ் விமானமான UL-504 இல் லண்டனில் இருந்து செவ்வாய்க்கிழமை (26) மதியம் 01.30 மணியளவில் கட்டுநாயக்க விமான நிலையத்தை வந்தடைந்துள்ளார்.

அவரது கைப்பையில், ஸ்டெர்லிங் பவுண்ட் 2,700, ரூ. 1,423,500 மதிப்புள்ள இரண்டு புதிய ஐபோன்கள் மற்றும் இரண்டு சாம்சங் பிராண்ட் மொபைல் போன்கள் இருந்தன.

விமானம் புறப்பட்ட சிறிது நேரத்தில், இந்த கைப்பை காணாமல் போயுள்ளது, இது குறித்து அந்த பெண் விமானத்தில் இருந்த ஸ்ரீலங்கன் ஏர்லைன்ஸ் ஊழியர்களிடம் புகார் செய்துள்ளார்.

விமானத்தில் தேடுதல் நடத்தப்பட்டாலும், அதைக் கண்டுபிடிக்க முடியவில்லை; இது தொடர்பில் விமானத்தின் விமானிக்கு அறிவித்ததையடுத்து, கட்டுநாயக்க விமான நிலையத்தில் உள்ள ஸ்ரீலங்கன் விமான சேவையின் விசாரணை பிரிவுக்கு அறிவித்துள்ளார். அதன்படி, விமானம் கட்டுநாயக்க விமான நிலையத்தில் தரையிறங்கிய பின்னர், ஸ்ரீலங்கன் எயார்லைன்ஸ் புலனாய்வு பகுதியினர், கட்டுநாயக்க விமான நிலைய பொலிஸாருடன் இணைந்து பயணிகளையும் அவர்களது பயணப் பொதிகளையும் கடுமையான சோதனைக்கு உட்படுத்தியுள்ளனர்.

இந்தச் சோதனையின் போது, ​​கனடாவில் இரட்டைக் குடியுரிமை பெற்ற  யாழ்ப்பாணத்தில் வசிக்கும் 60 வயதுடைய கணக்காளர் ஒருவரிடமிருந்து, காணாமல் போன கைப்பை கைப்பற்றப்பட்டது. அந்த நேரத்தில், அவர் ஏற்கனவே திருடப்பட்ட ஸ்டெர்லிங் பவுண்டுகளை விமானத்தில் விற்கப்பட்ட ஆறு விஸ்கி போத்தல்கள் மற்றும் மூன்று வாசனை திரவியங்களை வாங்க பயன்படுத்தினார். மீதமுள்ள ஸ்டெர்லிங் பவுண்டுகள் மற்றும் மொபைல் போன்களும் கைப்பையில் காணப்பட்டன. பின்னர், அவர் கட்டுநாயக்க விமான நிலைய பொலிஸாரிடம் ஒப்படைக்கப்பட்டார், அவர்கள் பயணியை கைது செய்து கட்டுநாயக்க விமான நிலைய காவல்துறைக்கு அழைத்து வந்தனர்.

யாழ்ப்பாண ஆடைகள்

கட்டுநாயக்க விமான நிலைய பொலிஸ் உத்தியோகத்தர்களினால் மேற்கொள்ளப்பட்ட விசாரணைகளின் பின்னர், சந்தேக நபரான விமானப் பயணி மற்றும் அவர் திருடிய பணம் மற்றும் பொருட்களுடன் நேற்று (27) நீர்கொழும்பு நீதவான் நீதிமன்றில் ஆஜர்படுத்தப்பட்டார்.

Read More

ஏ9 வீதி வெள்ளத்தில் மூழ்கியது: யாழ்ப்பாணத்துக்கு மாற்றுப்பாதைகளை பயன்படுத்த அறிவித்தல்!

ஏ9 வீதி வெள்ளத்தில் மூழ்கியது: யாழ்ப்பாணத்துக்கு மாற்றுப்பாதைகளை பயன்படுத்த அறிவித்தல்!

ஓமந்தையில் ஏ9 யாழ்ப்பாணம் பிரதான வீதி வெள்ளத்தில் மூழ்கியுள்ளது. இதனால் மாற்று பாதைகளை பயன்படுத்துமாறு பொலிஸ் ஊடகப்பிரிவு அறிவித்துள்ளது.

வாகன சாரதிகள், கெபிடிக்கொலாவ, வெலிஓயா, முல்லைத்தீவு, பரந்தன் ஊடாக மாற்றுப் பாதைகளில் அல்லது மதவாச்சி, செட்டிக்குளம் மற்றும் மன்னார் ஊடாக யாழ்ப்பாணத்தை அடையுமாறு அறிவுறுத்தப்பட்டுகின்றனர்.

இதேவேளை, யாழ்ப்பாணம்-கொழும்பு பிரதான வீதியின் புத்தளம் பிரதேசத்தில் இன்று (27) காலை பாரிய மரம் ஒன்று வீழ்ந்துள்ளது.

இதனால் குறித்த வீதியின் போக்குவரத்து நடவடிக்கைகள் முற்றாக தடைப்பட்டுள்ளது.

Read More

கள்ள விசாவில் நெதர்லாந்து செல்ல முற்பட்ட வ்வுனியா இளைஞனும் யுவதியும் கட்டுநாயக்காவில் கைது!!

கள்ள விசாவில் நெதர்லாந்து செல்ல முற்பட்ட வ்வுனியா இளைஞனும் யுவதியும் கட்டுநாயக்காவில் கைது!!

போலி விசாக்களை பயன்படுத்தி ஐரோப்பாவிற்கு தப்பிச் செல்ல முயன்ற இருவர் கட்டுநாயக்க விமான நிலையத்தில் வைத்து இன்று (26) காலை கைது செய்யப்பட்டுள்ளனர்.

கைது செய்யப்பட்டவர்கள் வவுனியா பிரதேசத்தைச் சேர்ந்த 26 வயதுடைய இளைஞனும் 24 வயதுடைய யுவதியும் ஆவர்.

டெல்லியில் இருந்து நெதர்லாந்துக்கு பயணம்

சந்தேக நபர்கள் இருவரும் இந்தியாவின் டெல்லியில் இருந்து நெதர்லாந்து நோக்கி செல்வதற்காக இன்று (26) காலை கட்டுநாயக்க விமான நிலையத்திற்கு வருகை தந்துள்ளனர்.

இதன்போது விமான நிலைய அதிகாரிகளால் மேற்கொள்ளப்பட்ட சோதனையில் சந்தேக நபர்களின் விசாக்கள் போலியானது என தெரியவந்துள்ளது.

சந்தேக நபர்களிடம் மேற்கொள்ளப்பட்ட விசாரணையில் இந்த போலி விசாக்கள் நோர்வே பிரஜைகளினால் தயாரிக்கப்பட்டதாக தெரியவந்துள்ளது.

இதனையடுத்து கைது செய்யப்பட்ட சந்தேக நபர்கள் இருவரும் மேலதிக விசாரணைகளுக்காக விமான நிலைய குடிவரவு மற்றும் குடியகல்வு திணைக்கள அதிகாரிகளிடம் ஒப்படைக்கப்பட்டுள்ளனர்.

Read More

மூன்று நாட்களுக்கான உயர்தரப் பரீட்சை ஒத்திவைப்பு!

நிலவும் சீரற்ற காலநிலையைக் கருத்திற்கொண்டு எதிர்வரும் 3 நாட்களுக்கான தராதர கல்விப் பொதுத் உயர்தரப் பரீட்சையை ஒத்திவைப்பதற்குத் தீர்மானித்துள்ளதாகப் பரீட்

ஆணையாளர்

நாயகம் அமித் ஜயசுந்தர தெரிவித்துள்ளார்.

அதன்படி, எதிர்வரும் 27, 28 மற்றும் 29 ஆம் திகதிகளில் உயர்தரப் பரீட்சைகள் நடைபெற மாட்டாது.

குறித்த தினங்களில் நடைபெறவிருந்த பரீட்சைகள் எதிர்வரும் டிசம்பர் மாதம் 21 ஆம், 22 ஆம் மற்றும் 23 ஆம் திகதிகளில் நடைபெறும் எனப் பரீட்சைகள் ஆணையாளர்

நாயகம் அமித் ஜயசுந்தர தெரிவித்துள்ளார்.

Read More

நாடாளுமன்ற உறுப்பினர் இராமநாதன் அர்ச்சுனாவிற்கு பிடியாணை பிறப்பிக்குமாறு கொழும்பு மேலதிக நீதவான் மஞ்சுளா ரத்நாயக்க, யாழ்ப்பாணம் சிரேஷ்ட பொலிஸ் அத்தியட்சகர் ஊடாக இன்று உத்தரவிட்டுள்ளார்.

நாடாளுமன்ற உறுப்பினர் இராமநாதன் அர்ச்சுனாவிற்கு பிடியாணை பிறப்பிக்குமாறு கொழும்பு மேலதிக நீதவான் மஞ்சுளா ரத்நாயக்க, யாழ்ப்பாணம் சிரேஷ்ட பொலிஸ் அத்தியட்சகர் ஊடாக இன்று உத்தரவிட்டுள்ளார். 

கொழும்பு - பேஸ்லைன் வீதியில் அர்ச்சுனா, 2021ஆம் ஆண்டு மார்ச் 22ஆம் திகதி இன்னுமொரு மகிழுந்துடன் மோதி விபத்தை ஏற்படுத்தியதுடன், வாகன சாரதியைத் தாக்கிக் கடுமையாகக் காயப்படுத்தியதாகக் குற்றம் சுமத்தப்பட்டுள்ளது. 

இந்தச் சம்பவம் தொடர்பான வழக்கு இன்று விசாரணைக்கு எடுத்துக் கொள்ளப்பட்டது. 

சந்தேகத்திற்குரிய நாடாளுமன்ற உறுப்பினர் இராமநாதன் அர்ச்சுனா தொடர்ந்தும் வழக்கு விசாரணைகளில் முன்னிலையாவதைத் தவிர்த்து வருவதனால் அவருக்கு இன்று பிடியாணை பிறப்பிக்கப்பட்டுள்ளது

Read More

வெளிநாட்டு மோகத்தில் அலைந்த யாழ் இளைஞர்கள் ஏமாற்றப்பட்டு ரஸ்ய கூலிப் படையில் இணைப்பு!

வெளிநாட்டு மோகத்தில் அலைந்த யாழ் இளைஞர்கள் ஏமாற்றப்பட்டு ரஸ்ய கூலிப் படையில் இணைப்பு!

வெளிநாடு செல்ல ஆசைப்பட்ட யாழ்ப்பாண இளைஞர்கள் இருவர், முகவர்களால் ஏமாற்றப்பட்டு ரஸ்ய இராணுவத்தின் கூலிப்படையில் இணைக்கப்பட்டுள்ளதாக உறவினர்கள் பரபரப்பு தகவல் வெளியிட்டுள்ளனர்.குருநகர் பகுதியை சேர்ந்த இரண்டு இளைஞர்களே ரஸ்ய இராணுவ கூலிப்படையில் இணைக்கப்பட்டுள்ளனர்.

முகவர்கள் அவர்களை ஏமாற்றி ரஸ்ய இராணுவத்தின் வெளிநாட்டு கூலிப்படையில் இணைத்துள்ளதாகவும், அரசாங்கம் உடனடியாக தலையிட்டு அவர்களை மீட்க நடவடிக்கையெடுக்க வேண்டுமென உறவினர்கள் கோரிக்கை விடுத்துள்ளனர்.

Read More

எம்.பி அர்ச்சுனாவின் சி.ஐ.டி விசாரணை தொடர்பில் வெளியாகியுள்ள தகவல் | Mp Archchuna Parliament Issue Cid Investigation

எம்.பி அர்ச்சுனாவின் சி.ஐ.டி விசாரணை தொடர்பில் வெளியாகியுள்ள தகவல்

யாழ்.மாவட்ட நாடாளுமன்ற உறுப்பினர் வைத்தியர் இராமநாதன் அர்ச்சுனாவால் வெளியிடப்பட்ட சர்ச்சைக்குரிய கருத்துக்கள் தொடர்பில் அவருக்கு எதிராக குற்றப்புலனாய்வு திணைக்களத்தில் (CID) செய்யப்பட்டுள்ள முறைப்பாடு தொடர்பான விசாரணைகள் இன்னும் ஆரம்பிக்கப்படவில்லை தென்னிலங்கை ஊடகமொன்று செய்தி வெளியிட்டுள்ளது.

இந்த நிலையில், புதிதாக தெரிவு செய்யப்பட்ட இந்த நாடாளுமன்ற உறுப்பினரின் முகப்புத்தக கருத்து தொடர்பில் சிவில் சமூக ஆர்வலர்கள் குழுவினால் முறைப்பாடு செய்யப்பட்டுள்ளதாக காவல்துறை ஊடகப் பேச்சாளர் பிரதி காவல்துறை மா நிஹால் தல்துவ தெரிவித்துள்ளார்.

இதன்படி, வைத்தியர் அர்ச்சுனாவின் கருத்துக்கள் தொடர்பில் சிஐடி விசாரிக்க வேண்டும் என்று இந்த முறைப்பாடு வலியுறுத்துவதாகவும் ஆனால் விசாரணைகள் தொடங்கப்படவில்லை என்பதை தல்துவ உறுதிபடுத்தியுள்ளதாகவும் குறித்த ஊடகத்தினால் தெரிவிக்கப்பட்டுள்ளது.

தொடர் சர்ச்சைகள் 

இந்த வாரத்திற்குள் இதை சரியாகப் பார்க்க வேண்டும் என்று பிரதி காவல்துறை மா அதிபர் தெரிவித்ததாகவும், முறைப்பாடு சிஐடி இயக்குநரிடம் சமர்ப்பிக்கப்பட்டுள்ளதாகவும், அடுத்த நடவடிக்கைகள் குறித்து முடிவெடுக்கப்படும் என்றும் அவர் தெரிவித்ததாக கூறப்படுகிறது.

Mp Archchuna Parliament Issue Cid Investigation

இலங்கையின் 10 வது நாடாளுமன்றத்தின் ஆரம்ப அமர்வின் போது, ​​எதிர்க்கட்சித் தலைவருக்காக ஒதுக்கப்பட்ட ஆசனத்தில் இராமநாதன் அமர்ந்திருப்பதைக் காட்டும் காணொளி வெளியானதை அடுத்து, பல்வேறு சர்ச்சைகள் கிளம்பியிருந்தன.

நாடாளுமன்ற ஊழியர்கள் கோரிக்கை விடுத்தும் அவர் எதிர்க்கட்சித் தலைவருக்காக ஒதுக்கப்பட்ட ஆசனத்தில் இருந்து நகர மறுத்தார்.

மேலும், தமிழீழ விடுதலைப் புலிகளின் தலைவர் வேலுப்பிள்ளை பிரபாகரனுக்கு விசுவாசமாக இருப்பதாகக் கூறும் காணொளியொன்றை வைத்தியர் அர்ச்சுனா சமூக ஊடகங்களில் வெளியிட்டதாகவும் கூறப்படுகிறது.

தேர்தல் சட்ட மீறல்

இந்தக் குற்றச்சாட்டுகளுக்குப் பதிலளிக்கும் வகையில், வைத்தியர் அர்ச்சுனா தனது முகநூல் பக்கத்தில், “இலங்கை ஊடகங்கள் என்னை பயங்கரவாதியாக சித்தரிக்க விரும்புகின்றன என்று நான் நம்புகிறேன், அதனால்தான் நான் நேரடி நிகழ்ச்சிகளில் மட்டுமே பங்கேற்பேன்.” என தெரிவித்துள்ளார்.

மேலும், தேர்தல் சட்ட மீறல்கள் தொடர்பாக வைத்தியர் அரச்சுனா தொடர்ந்தும் சர்ச்சையை சந்தித்து வருகிறார்.

2024 ஆம் ஆண்டு பொதுத் தேர்தலில் போட்டியிடுவதற்கு முன்னர் அவர் தனது அரசாங்க மருத்துவ அதிகாரி பதவியை விட்டு விலக தவறியதாகக் கூறி, பல அரசியல் கட்சிகள் தேர்தல் ஆணைக்குழுவில் முறைப்பாடு அளித்துள்ளன.

எவ்வாறாயினும், சுயேட்சையாகப் போட்டியிட்ட வைத்தியர் இராமநாதன் அர்ச்சுனா யாழ்ப்பாண மாவட்டத்தில் இருந்து நாடாளுமன்றத்திற்குத் தெரிவு செய்யப்பட்டுள்ளமை குறிப்பிடத்தக்கது.

Read More

26.11.2024 அன்று புயலாக மாற்றம் பெறும் என எதிர்பார்க்கப்படுகிறது.

24.11.2024 ஞாயிற்றுக்கிழமை இரவு 9.00 மணி. 

வங்காள விரிகுடாவில் இலங்கைக்கு தென் கிழக்கு பகுதியில் நேற்று உருவாகிய தாழமுக்கம் காற்றழுத்த தாழ்வு மண்டலமாக வலுப்பெற்றுள்ளது. இது நாளை இரவு(25.11.2024) அல்லது 26.11.2024 அன்று புயலாக மாற்றம் பெறும் என எதிர்பார்க்கப்படுகிறது.

தற்போது அம்பாறைக்கு தென் கிழக்காக 422 கி.மீ. தொலைவில் காணப்படும் இந்த ஆழ்ந்த காற்றழுத்த தாழ்வு மண்டலம் 25.11.2024 இரவு அல்லது 26.11.2024 அன்று  அம்பாறைக்கு அருகாக வந்து பின்னர் 26.11. 2024 இரவு 27.11.2024 அல்லது காலை வடக்கு நோக்கி நகர்ந்து 28.11.2024 அன்று வடக்கு மாகாணத்திற்கு அண்மிக்கும் என எதிர்பார்க்கப்படுகிறது. 

இந்த புயல் எப்பகுதியில் கரையைக் கடக்கும் என தற்போது வரை கணிக்க முடியவில்லை என்பது குறிப்பிடத்தக்கது. ஆயினும் தற்போதைய நிலையில் இது சென்னைக்கும் நெல்லூருக்குமிடையில் கரையைக் கடக்கும் என எதிர்பார்க்கப்படுகிறது. 

இந்த புயல் கிழக்கு மற்றும் வடக்கு மாகாணங்களுக்கு மிக அருகாக நகரும் என்பதனால் மிகப் பெரிய பாதிப்புக்களை ஏற்படுத்தும். 

கிழக்கு மாகாணத்திற்கு தற்போது கிடைக்கும் கன மழை எதிர்வரும் 29.11.2024 வரை தொடரும் வாய்ப்புள்ளது. குறிப்பாக நாளை (25.11.2024) முதல் கிழக்கு மாகாணத்திற்கு மிகக் கன மழை கிடைக்க தொடங்கும். குறிப்பாக நாளை அதிகாலை 5.00 மணி முதல் அம்பாறைக்கும், 8.00 மணி முதல் மட்டக்களப்பிற்கும் 11. 00 மணி முதல் மிகக் கன மழை கிடைக்க தொடங்கும். 

நாளை காலை முதல் படிப்படியாக காற்றின் வேகம் கரையோரப் பகுதிகளில் அதிகரிக்க தொடங்கும். 

வடக்கு மாகாணத்தின் பல பகுதிகளுக்கும் தற்போது கிடைக்கும் மிதமான மழை நாளை முதல் தீவிரமடையும். நாளை முதல் வடக்கு மாகாணத்தின் பல பகுதிகளுக்கும் கன மழை கிடைக்க தொடங்கும். குறிப்பாக 26.11.2024 முதல் வடக்கு மாகாணத்தின் பல பகுதிகளுக்கும் மிகக் கனமழை கிடக்க தொடங்கும். இம் மழை 30.11.2024 வரை கிடைக்கும். 

வடக்கு மாகாணத்தின் பல பகுதிகளுக்கும் நாளை பிற்பகல் முதல் படிப்படியாக காற்றின் வேகம் அதிகரிக்க வாய்ப்புண்டு. 

அன்புக்குரிய வடக்கு மற்றும் கிழக்கு மாகாணங்களின் உறவுகளே... 

இந்த புயல் முன்னெச்சரிக்கையை சாதாரணமாக கருத வேண்டாம். 

எதிர்வரும் 26ம் திகதி முதல் 28.11.2024 வரை கிழக்கு மற்றும் வடக்கு கடற்பகுதியிலேயே இப்புயல் நகரும். கரையிலிருந்து சராசரியாக 80-120 கி.மீ. தூரத்திலேயே இப்புயலின் கண் நகரும். 

ஆனால் அதன் உள் மற்றும் வெளி வலயங்கள் 25, 26 மற்றும் 27 ம் திகதிகளில் கிழக்கு மாகாண நிலப்பகுதியில் இருக்கும். 26,27 மற்றும் 28 ம் திகதிகளில் வடக்கு மாகாணத்தின் நிலப்பகுதிகளில் இருக்கும் (இந்த புயலின் நகர்வு வேகத்தை பொறுத்து இந்த திகதிகள் சில வேளைகளில் மாற்றமடையலாம்). பொதுவாக கட்டமைப்பு ரீதியாக புயலுக்கு பகுதிகள் உண்டு.

1. கண்/ மையப்பகுதி(Eye)- இதனை அமைதி வலயம் என்று அழைப்பர். புயலின் மையப்பகுதி ஒரு இடத்தை கடக்கும் போது காற்றின் வேகமும் மழையும் குறைவாக இருக்கும். 

2. உள் வலயம்/ சுழிப்பு வலயம்(Eye Walls)- புயலின் மிக ஆபத்தான பகுதி. இப்பகுதியில் மிக கன மழையும், மிக வேகமான காற்றும் வீசும். அத்தோடு இப்பகுதியிலேயே காற்று சுழற்காற்றாகவும் வீசும். எதிர்வரும் 25.11.2024 பின்னிரவு முதல் இப்பகுதியே எமது கிழக்கு மற்றும் வடக்கு மாகாணங்களின் மேல் நிலவும். 

3. வெளி வலயம்/ மழை வலயம்(Rainbands)- இவ்வலயத்தில் வரும் பகுதிகளுக்கு கன மழை கிடைக்கும். நாளை முதல் கிழக்கு மாகாணத்தின் சில பகுதிகளும் 26 முதல் வடக்கு மாகாணத்தின் சில பகுதிகளும் இதனுள் அடங்கும். 

இந்த புயலின் உள் வலயத்திற்குள் கிழக்கு மற்றும் வடக்கு மாகாணங்கள் வருவதனால் மிகப் பெரிய பாதிப்புக்களை இரண்டு மாகாணங்களும் எதிர்கொள்ளும். 

இன்று முதல்(24.11.2024 காலை 6.00 மணி) எதிர்வரும் 27 .11.2024 இரவு 12.00 மணி வரை கிழக்கு மாகாணம் திரட்டிய மழைவீழ்ச்சியாக 500 மி.மீ. இற்கும் கூடுதலான மழையைப் பெறும். 

வடக்கு மாகாணம் நாளை(25.11.2024) காலை 6.00 மணி முதல் 29.11.2024 காலை 6.00 மணி வரை திரட்டிய மழை வீழ்ச்சியாக 500மி.மீ. இனை விட கூடுதலாக மழைவீழ்ச்சியை பெறும். 

நாளை முதல் கரையோரப் பகுதிகளில் காற்றின் வேகம் மணிக்கு 60 கி.மீ. இனை விட கூடுதலாக வீசும்.  காற்றின் வேகம் 26.11.2024 முதல் மேலும் அதிகரிக்கும்.. 

கடற்பகுதிகள் மிகக் கொந்தளிப்பான நிலையில் காணப்படும். 

அரசாங்கமும் சிவப்பு எச்சரிக்கையை வெளியிட்டிருக்கின்றது. இதன் அர்த்தம் மிகப் பெரிய பாதிப்புக்களை எதிர்கொள்ள தயாராக இருக்க வேண்டும் என்பதே. பொதுவாக அனர்த்த நிலைமைகளில் அதன் தீவிர தன்மையை பொறுத்து மஞ்சள், செம்மஞ்சள், சிவப்பு என நிறக் குறியீடுகளை பயன்படுத்துவார்கள். சிவப்பு என்பது நாம் அதியுச்ச தயார் நிலையில் இருக்க வேண்டும் என்பதே. 

போதுமான தயார்ப்படுத்தலோடு இந்த புயலை எதிர்கொள்ள நாம் தயாராக இருக்க வேண்டும். 

வடக்கு மற்றும் கிழக்கு மாகாணங்களின் மாகாண, மாவட்ட பிரதேச நிர்வாக அதிகாரிகள், திணைக்கள தலைவர்கள் மற்றும் அதிகாரிகள் தங்கள் துறைகள் சார்ந்து மக்களுக்கு உதவுவார்கள். 

இயற்கை அனர்த்தங்களை நாம் நிறுத்த முடியாது. ஆனால் நாம் முன்னேற்பாட்டுடன் இருந்தால் அவற்றால் ஏற்படும் பாதிப்புக்களை கணிசமாகக் குறைக்க முடியும். 

இந்த காற்றழுத்த தாழ்வு மண்டலம் புயலாக வலுப்பெற்ற பின்னர் இந்த புயல் தொடர்பான பிந்திய நிலைமைகளைப் பற்றிய தகவல்களை குறிப்பிட்ட கால இடைவெளிகளில்( குறைந்தது ஒரு மணித்தியால இடை வெளியில்)உங்களோடு பகிர்ந்து கொள்வேன். 

-நாகமுத்து பிரதீபராஜா-

Read More

நண்பியுடன் காதல்!! பெற்றோர் எதிர்ப்பு!! விக்டோரியா நீர்த்தேக்கத்தில் குதித்த பாடசாலை மாணவி!!

நண்பியுடன் காதல்!! பெற்றோர் எதிர்ப்பு!! விக்டோரியா நீர்த்தேக்கத்தில் குதித்த பாடசாலை மாணவி!!

விக்டோரியா நீர்த்தேக்கத்தில் குதித்து பாடசாலை மாணவி ஒருவர் தற்கொலை செய்துகொண்டுள்ளார்.

குறித்த மாணவி நேற்று (23) பிற்பகல் மற்றுமொரு நண்பியுடன் நீர்த்தேக்கத்தில் குதித்துள்ளதாக பொலிஸார் குறிப்பிட்டுள்ளனர்.

நீரில் மூழ்கிய இரு மாணவிகளில் ஒருவர் உயிர் பிழைத்துள்ளதுடன், காணாமல் போன மற்றைய மாணவியின் சடலம் நேற்று பிற்பகல் கண்டெடுக்கப்பட்டுள்ளது.

தெல்தெனிய, புடலுஉயன பிரதேசத்தில் வசிக்கும் 17 வயதுடைய பாடசாலை மாணவியே இவ்வாறு உயிரிழந்துள்ளார்.

உயிரிழந்த மாணவி தனது தோழியின் கையைப் பிடித்தவாறு நீர்த்தேக்கத்தில் குதித்துள்ளதாக பொலிஸார் தெரிவித்தனர்.

உயிர் பிழைத்த மாணவி தற்போது கடும் அதிர்ச்சிக்கு உள்ளாகியுள்ள நிலையில், தெல்தெனிய வைத்தியசாலையில் சிகிச்சை பெற்று வருவதாக தெரிவிக்கப்படுகின்றது.

உயிரிழந்த மாணவி தனது காதலுக்கு பிரதேசவாசிகள் மறுப்பு தெரிவித்ததால் தற்கொலை செய்து கொண்டதாக அவர் எழுதிய கடிதத்தின் ஊடாக தெரியவந்துள்ளதாக பொலிஸார் குறிப்பிட்டுள்ளனர்.

சம்பவம் தொடர்பான மேலதிக விசாரணைகளை தெல்தெனிய பொலிஸார் மேற்கொண்டு வருகின்றனர்.

Read More

நாடே எதிர்ப்பார்க்கும் புதையல்!

நாடே எதிர்ப்பார்க்கும் புதையல்!

வெயாங்கொடை, வதுரவ பிரதேசத்தில் உள்ள சதுப்பு நிலப்பகுதியில் நீதிமன்ற உத்தரவின் பேரில் ஆரம்பிக்கப்பட்ட புதையல் தேடும் பணிகள் இன்றைய தினத்திலும் (23) முன்னெடுக்கப்படவுள்ளது.

நிர்மாணிக்கப்பட்டு வரும் மத்திய அதிவேக வீதிக்கு அருகில் உள்ள இடத்தில் அகழ்வு பணிகள் ஆரம்பிக்கப்பட்டுள்ளதுடன், இன்று மூன்றாவது நாளாகவும் குறித்த பணிகள் மேற்கொள்ளப்படவுள்ளதாக வெயாங்கொட பொலிஸார் தெரிவித்தனர்.

கடந்த காலங்களில் பல்வேறு நபர்கள் புதையல் தேடும் நோக்கில் சட்டவிரோதமான முறையில் இங்கு அகழாய்வு மேற்கொண்ட நிலையில் கைது செய்யப்பட்டு விளக்கமறியலில் உள்ளதாக குறிப்பிடப்பட்டுள்ளது.

இந்நிலையில், அத்தனகல்ல நீதவான் வழங்கிய உத்தரவுக்கமைய, பொலிஸ் விசேட அதிரடிப்படையினர் மேற்கொண்ட ஸ்கேன் பரிசோதனையின் போது பூமிக்குள் ஏதோ ஒன்று இருப்பது அவதானிக்கப்பட்டுள்ளது.

இது தொடர்பில் நீதிமன்றத்தில் சமர்ப்பணங்களை முன்வைத்த பின்னர் அத்தனகல்ல நீதவான் நீதிமன்றம், பொதுமக்கள் முன்னிலையில் குறித்த இடத்தில் அகழ்வு பணிகளை மேற்கொள்ளுமாறு வெயாங்கொடை பொலிஸாருக்கு உத்தரவிட்டிருந்தது.

அகழ்வாராய்ச்சிக்கு இரண்டு நாள் கால அவகாசம் வழங்கப்பட்ட நிலையில், அதன்படி நேற்றும், முந்தினநாளும் அங்கு அகழ்வுப் பணிகள் மேற்கொள்ளப்பட்டன.

எனினும் நேற்று பிற்பகல் வரையிலும் அதனை நிறைவு செய்ய முடியாத நிலையில், பாரிய கல் ஒன்று கிடைத்ததையடுத்து நேற்றைய அகழ்வுப் பணிகள் தற்காலிகமாக நிறுத்தப்பட்டன.

Read More

யாழில் அம்மாவுடனும் அண்ணாவுடனும் சண்டையிட்ட பின் மாணவி தவறான முடிவால் பலி!!

யாழில் அம்மாவுடனும் அண்ணாவுடனும் சண்டையிட்ட பின் மாணவி தவறான முடிவால் பலி!!

வட்டுக்கோட்டை பொலிஸ் பிரிவிற்குட்பட்ட பொன்னாலை பகுதியில் மாணவி ஒருவர் தவறான முடிவெடுத்து தூக்கிட்டு உயிர்மாய்த்துள்ளளார். பொன்னாலை மேற்கு பகுதியை சேர்ந்த நடனேஷ்வரன் தாரணி  என்ற மாணவியே இவ்வாறு உயிரிழந்துள்ளார்.

இன்றையதினம்  இடம்பெற்ற இச்சம்பவம் குறித்து மேலும் தெரியவருகையில்,

குறித்த மாணவிக்கும் அவரது தாய் மற்றும் சகோதரனுக்கு இடையே இன்றுகாலை முரண்பாடு ஏற்பட்டுள்ளது. குறித்த மாணவியின் பேர்த்தியார் நேற்று முன்தினம் உயிரிழந்துள்ளார். இந்நிலையில் குறித்த மாணவியின் குடும்பத்தினர் அங்கு சென்றிருந்தனர்.

இதன் போது வீட்டில் யாரும் இல்லாதபோது தூக்கிட்டு உயிர் மாய்த்துள்ளார். அவரது சடலம் மீதான மரண விசாரணைகளை திடீர் மரண விசாரணை அதிகாரி ஆ.ஜெயபாலசிங்கம் மேற்கொண்டார். உடற்கூற்று பரிசோதனைகளின் பின்னர் சடலம் உறவினர்களிடம் ஒப்படைக்கப்பட்டது.

Read More

யாழ் நோக்கி வந்த ரயில் மோதி 2 வயது குழந்தை பரிதாபகரமாகப் பலி!! வளர்ப்பு நாயை பிடிக்க ஓடியதால் பயங்கரம்!!

யாழ் நோக்கி வந்த ரயில் மோதி 2 வயது குழந்தை பரிதாபகரமாகப் பலி!! வளர்ப்பு நாயை பிடிக்க ஓடியதால் பயங்கரம்!!

வளர்ப்பு நாயை பின்தொடர்ந்து ஓடிய 2 வயது 2 மாத ஆண் குழந்தையொன்று கல்கமுவ பிரதேசத்தில் கொழும்பில் இருந்து காங்கசந்துறை நோக்கி சென்ற விரைவு ரயிலில் மோதி துரதிஷ்டவசமாக நேற்று (22) காலை தாய் முன்னிலையில் உயிரிழந்துள்ளது.

கல்கமுவ பொலிஸ் பிரிவுக்குட்பட்ட புத்ருவகந்த பிரதேசத்தில் வசிக்கும் மூன்று பிள்ளைகளைக் கொண்ட குடும்பத்தின் இளைய பிள்ளையான எம்.செஜன் ஹசரங்க என்ற குழந்தையே உயிரிழந்துள்ளது.

இந்த வீட்டில் இருந்து சுமார் 15 மீற்றர் தொலைவில் வடக்கு புகையிரத பாதை அமைந்துள்ளதால், குழந்தை வெளியில் செல்லாதவாறு வீட்டின் நுழைவாயிலுக்கு அருகில் வேலி அமைக்கப்பட்டிருந்த போதும் குழந்தை அதனை கவிழ்த்துள்ளதாக தெரிவிக்கப்படுகின்றது.

தாய் குழந்தையுடன் கடைக்கு செல்ல தயாராகி கொண்டிருந்த போது, ​​கவர் கீழே விழும் சத்தம் கேட்டது. குழந்தை ரயில் தண்டவாளத்தை நோக்கிச் செல்வதைக் கண்ட தாயார், ஓடிச்சென்று அதனை காப்பாற்ற முயன்றாலும், வேகமக வந்த எக்ஸ்பிரஸ் ரயில் குழந்தை மீது மோதியது.

Read More

யாழில் பொம்பிளை டொக்டரின் கார் மோதி காயமடைந்திருந்த ராமதாஸ் சிகிச்சை பலனின்றி பலி!!

யாழில் பொம்பிளை டொக்டரின் கார் மோதி காயமடைந்திருந்த ராமதாஸ் சிகிச்சை பலனின்றி பலி!!

யாழ் வட்டுக்கோட்டை பகுதியில் கடந்த ஒக்டோபர்யாழில் பொம்பிளை ாடக்டரின்  29ஆம் திகதி இடம்பெற்ற விபத்தில் படுகாயமடைந்த இளம் குடும்பஸ்தர் சிகிச்சை பலனின்றி நேற்றைய தினம் (21) உயிரிழந்துள்ளார்.

இந்த விபத்தில் உயிரிழந்தவர், அராலி மத்தி வட்டுக்கோட்டையைச் சேர்ந்தமகேஸ்வரன் ராமதாஸ் (வயது 41)  என்பதோடு இரண்டு பிள்ளைகளின் தந்தையும் ஆவார்.

பெண் வைத்தியர் ஒருவரின் காரும் மோட்டார் சைக்கிளும் மோதிக்கொண்டதில் இந்த விபத்து நேர்ந்துள்ளது. மோட்டார் சைக்கிளில் பயணித்த குடும்பஸ்தர் விபத்தில் காயமடைந்த நிலையில் சிகிச்சைக்காக யாழ்ப்பாணம் போதனா வைத்தியசாலையில் அனுமதிக்கப்பட்டிருந்தார்.

இந்நிலையில், அவர் சிகிச்சை பலனின்றி நேற்று உயிரிழந்தார்.

சடலம் மீதான மரண விசாரணைகளை திடீர் மரண விசாரணை அதிகாரி நமசிவாயம் பிரேம்குமார் மேற்கொண்டார். இவ்விபத்துடன் தொடர்புடைய காரின் சாரதியான பெண் வைத்தியர் வட்டுக்கோட்டை பொலிஸாரால் கைது செய்யப்பட்டார்.

இதனையடுத்து, கைதான வைத்தியர் நீதிமன்றத்தில் முற்படுத்தப்பட்டவேளை, அவரை 14 நாட்களுக்கு விளக்கமறியலில் வைக்குமாறு நீதவான் உத்தரவிட்டார்

Read More

யாழ் மேல் நீதிமன்றில் பல இளைஞர்களை ஏமாற்றிய பெண்ணுக்கு 35 ஆண்டு சிறை!! பரபரப்பு தீர்ப்பு!

யாழ் மேல் நீதிமன்றில் பல இளைஞர்களை ஏமாற்றிய பெண்ணுக்கு 35 ஆண்டு சிறை!! பரபரப்பு தீர்ப்பு!

வெளிநாடுகளுக்கு அனுப்பி வைப்பதாக கூறி கோடிக்கணக்கான பணத்தினை மோசடி செய்த குற்றச்சாட்டில் பெண்ணொருவரை குற்றவாளியாக கண்ட மன்று பெண்ணுக்கு 35 ஆண்டுகள் சிறைத்தண்டனை விதித்துள்ளது.

யாழ்ப்பாணத்தை சேர்ந்த பெண்ணொருவர் வெளிநாடுகளுக்கு அனுப்பி வைப்பதாக இளையோரிடம் பணத்தினை பெற்று மோசடி செய்து வந்தமை  தொடர்பில் மாவட்ட குற்றத்தடுப்பு பிரிவினருக்கு கிடைக்கப்பெற்ற முறைப்பாடுகளின் அடிப்படையில் பெண்ணை கைது செய்து விசாரணைகளை முன்னெடுத்தனர்

விசாரணைகளில் , சுமார் 4 கோடி ரூபாய்க்கும் அதிகமான பணத்தினை மோசடியாக பெற்றமை , பண மோசடியில் ஈடுபட்டமை , அனுமதியின்றி வெளிநாட்டு வேலைவாய்ப்பு முகவராக அடையாளப்படுத்தி மோசடியில் ஈடுபட்டமை உள்ளிட்டவை தெரியவந்துள்ளது.

பண கொடுக்கல் வாங்கல்கள் அனைத்தும் பெண்ணின் சொந்த கணக்கு இலக்கம் ஊடாகவே மேற்கொள்ளப்பட்டுள்ளது.

இவற்றின் ஆதாரங்களுடன் பெண்ணை யாழ் , மேலதிக நீதவான் நீதிமன்றில் முற்படுத்திய நிலையில் வழக்கு விசாரணைகள் நடைபெற்று வந்தன.

அந்நிலையில் நேற்றைய தினம் நடைபெற்ற விசாரணைகளில் பெண்ணை குற்றவாளியாக கண்ட மன்று , 35 ஆண்டுகள் சிறைத்தண்டனை விதித்து தீர்ப்பளித்துள்ளது.

Read More

யாழில் காதலனுடன் அந்தரங்கமாக இருந்த யுவதியின் புகைப்படங்களை கைப்பற்றிய பொலிசார் யுவதியை அச்சுறுத்தி உறவு கொள்ள ஆயத்தமான போது கைது!!

யாழில் காதலனுடன் அந்தரங்கமாக இருந்த யுவதியின் புகைப்படங்களை கைப்பற்றிய பொலிசார் யுவதியை அச்சுறுத்தி உறவு கொள்ள ஆயத்தமான போது கைது!!

யாழில் யுவதி ஒருவர் தனது காதலனுடன் நெருக்கமாக இருக்கும் புகைப்படங்கள் மற்றும் காணொளிகளை காட்டி மிரட்டி பாலியல் கப்பம் கோரிய இரு பொலிஸ் உத்தியோகஸ்தர்கள் நேற்றைய தினம் (21) கைது செய்யப்பட்டுள்ளனர்.

சம்பவத்தில் பலாலி பொலிஸ் நிலையத்தில் கடமையாற்றும் இரு பொலிஸ் உத்தியோகஸ்தர்களுக்கு , சுன்னாகம் பொலிஸ் பிரிவில் வசிக்கும் யுவதி ஒருவர் தனது காதலனுடன் இருக்கும் படங்கள் மற்றும் காணொளிகள் கிடைக்கப்பெற்றுள்ளன.

யுவதியின் படங்களை வைத்து பெண்ணை அடையாளம் கண்டு கொண்ட இரு பொலிஸ் உத்தியோகஸ்தர்களும் அவரது வீட்டுக்கு சென்று தாம் கொழும்பில் இருந்து வந்துள்ள பொலிஸ் விசேட பிரிவினர் என அறிமுகப்படுத்தியுள்ளனர்.

இதனபோது பெண்ணிடம் விசாரணைகளை மேற்கொண்டு அவரது தொலைபேசி இலக்கங்களை பெற்று சென்றுள்ளனர்.

பின்னர் விசாரணைகளின் அடிப்படையில் , சட்ட நடவடிக்கை எடுக்க உள்ளதாகவும் , அவற்றை தவிர்ப்பதாயின் , 12 இலட்ச ரூபாய் பணம் தர வேண்டும் என்றும் , தாம் இருவரும் அழைக்கும் இடத்திற்கு வந்து தம்முடன் உடலுறவு கொள்ள வேண்டும் என பெண்ணை தொலைபேசி ஊடாக மிரட்டியுள்ளனர்.

இது தொடர்பில் பாதிக்கப்பட்ட பெண் சுன்னாகம் பொலிஸ் நிலையத்தில் முறைப்பாடு செய்ததை அடுத்து , விசாரணைகளை முன்னெடுத்த சுன்னாக பொலிஸார் , இரு பொலிஸ் உத்தியோகஸ்தர்களையும் கைது செய்துள்ளனர்.

மேலும் விசாரணைகளின் பின்னர் இருவரையும் மல்லாகம் நீதவான் நீதிமன்றில் முற்படுத்த நடவடிக்கை எடுக்கவுள்ளதாக சுன்னாக பொலிஸார் தெரிவித்துள்ளனர்.

Read More

16 வயதுக்குட்பட்டவர்களை கட்டுப்படுத்தும் வகையில் அவுஸ்திரேலியாவில் சட்டம் அறிமுகம் | New Law Indroduced In Australia Below 16Th

16 வயதுக்குட்பட்டவர்களை கட்டுப்படுத்தும் வகையில் அவுஸ்திரேலியாவில் சட்டம் அறிமுகம்

16 வயதுக்குட்பட்ட சிறுவர்கள், இணைய சேவையைப் பயன்படுத்துவதற்காக முன்மொழியப்பட்ட தடையை மீறும் சமூக ஊடக நிறுவனங்களுக்கு, பல மில்லியன் டொலர் அபராதம் விதிக்கப்படும் என்று அவுஸ்திரேலிய (Australia) அரசாங்கம் எச்சரித்துள்ளது.

நாட்டின் தகவல் தொடர்பு அமைச்சர் மிச்செல் ரோலண்ட் இன்று (21) நாடாளுமன்றத்தில் இணையப் பாதுகாப்பு சட்டத்தில் ஒரு திருத்தத்தை அறிமுகப்படுத்தினார். 

இது, உலகின் முன்னணி சமூக ஊடக சீர்திருத்தம் என்ற அடிப்படையில் அவுஸ்திரேலிய அரசாங்கம் இதனை முன்வைத்துள்ளது.

சமூக ஊடகச்சேவை

இதன்படி, சமூக ஊடகங்களை அணுகுவதற்கான குறைந்தபட்ச வயதாக 16 வயதை நிறுவ பிரதமர் அல்பானீஸ் அரசாங்கம், சட்டத்தை அறிமுகப்படுத்துகிறது என்று அமைச்சர் ரோலண்ட் அறிவித்துள்ளார். 

இந்தநிலையில் வயது - கட்டுப்படுத்தப்பட்ட, பயனர்கள் சமூக ஊடகக்கணக்கு வைத்திருப்பதைத் தடுக்க நியாயமான நடவடிக்கைகள் இந்த சட்டத்தில் உள்ளடக்கப்பட்டுள்ளன.

தடை செய்யப்பட்ட சமூக ஊடகச் சேவைகளின் பட்டியல் வெளியிடப்படவில்லை என்றாலும், டிக்டோக், எக்ஸ், இன்ஸ்டாகிராம் மற்றும் ஸ்னொப்சொட் உள்ளிட்ட சமூக ஊடக சேவைகளுக்கு இந்தத் தடை பொருந்தும் என எதிர்பார்க்கப்படுகிறது.

இந்த சட்டத்துக்கு பெருமளவான பெற்றோர்களும் நலன் விரும்பிகளும் ஆதரவை வெளியிட்டுள்ளனர்.  

Read More

முன்னாள் அமைச்சர் டக்ளஸ் தேவானந்தாவுக்கு நீதிமன்றம் பிடியாணை | Warrant For Douglas

முன்னாள் அமைச்சர் டக்ளஸ் தேவானந்தாவுக்கு நீதிமன்றம் பிடியாணை

முன்னாள் அமைச்சர் டக்ளஸ் தேவானந்தாவுக்கு (Douglas Devananda) கொழும்பு மேலதிக நீதவான் பசன் அமரசேன (Basan Amarasena)  பிடியாணை பிறப்பித்து உத்தரவிட்டுள்ளார்.

குறித்த பிடியாணை இன்றையதினம் (21.11.2024) பிறப்பிக்கப்பட்டுள்ளது.

வெள்ளவத்தையைச் சேர்ந்த சுப்பிரமணியன் மனோகரன் என்ற வர்த்தகர் இரண்டு கோடி ரூபாய் பெறுமதியான காசோலைகளை வழங்கி மோசடி செய்ததாக டக்ளஸ் தேவானந்தா செய்த முறைப்பாட்டின் பிரகாரம், அவர் நீதிமன்றத்தில் முன்னிலையாகாத காரணத்தினால் இந்த பிடியாணை பிறப்பிக்கப்பட்டுள்ளது.

கொழும்பு மேலதிக நீதவான்

இந்த வழக்கு, இரகசிய காவல்துறையினரால் தாக்கல் செய்யப்பட்டிருந்தது.

இந்நிலையில் டக்ளஸ் தேவானந்தா நோய்வாய்ப்பட்டிருப்பதால் அவர் நீதிமன்றில் முன்னிலையாக மாட்டார் என அவர் சார்பில் முன்னிலையான சட்டத்தரணி  சம்பத் ஹேவாபத்திரன தெரிவித்துள்ளார்

எனினும் டக்ளஸ் தேவானந்தாவின் சுகவீனம் தொடர்பான மருத்துவ அறிக்கை சமர்ப்பிக்கப்படாத காரணத்தினால் இந்த பிடியாணை பிறப்பிக்கப்பட்டுள்ளது.

இரு தரப்பு வாதத்தையும் பரிசீலித்த கொழும்பு மேலதிக நீதவான், சாட்சிக்கு பிடியாணை பிறப்பித்து, விசாரணையை ஜனவரி 23ம் திகதிக்கு ஒத்திவைத்தார்.  

Read More

யாழில் அடங்காத காமம்!! கள்ளக்காதலனுடன் உறவு கொண்ட 28 வயது குடும்பப் பெண்ணுக்கு சிறை!!

யாழில் அடங்காத காமம்!! கள்ளக்காதலனுடன் உறவு கொண்ட 28 வயது குடும்பப் பெண்ணுக்கு சிறை!!

மூன்று பிள்ளைகளையும் கணவனையும் விட்டு பிரிந்து வேறு ஒரு ஆணுடன் தங்கியிருந்த 29 வயதுடைய பெண்ணொருவரை எதிர்வரும் 03ஆம் திகதி வரையில் விளக்கமறியலில் வைக்குமாறு சாவகச்சேரி நீதவான் நீதிமன்று உத்தரவிட்டுள்ளது.

யாழ்ப்பாணம் நாவற்குழி பகுதியை சேர்ந்த 04 , 06 மற்றும் 10 வயதுடைய மூன்று பிள்ளைகளையும் , கணவனையும் விட்டு பிரிந்து , வேறு ஒரு ஆணுடன் கீரிமலை பகுதியில் அப்பெண் வசித்து வந்துள்ளார்.

அது தொடர்பில் பெண்ணின் கணவரால் சாவகச்சேரி பொலிஸ் நிலையத்தில் முறைப்பாடு செய்யப்பட்டதை அடுத்து , பொலிஸார் அப்பெண்ணை கைது செய்து சாவகச்சேரி நீதவான் நீதிமன்றில் நேற்றைய தினம் முற்படுத்தினர்.

அதனை அடுத்து அப்பெண்ணை எதிர்வரும் வரும் 03ஆம் திகதி வரையில் விளக்கமறியலில் வைக்குமாறு நீதவான் உத்தரவிட்டுள்ளார்.

Read More

முல்லைத்தீவு – மாங்குளம் பகுதியில் விபத்து.. இரு இளைஞர்கள் தலை சிதறிப் பலி!!

முல்லைத்தீவு – மாங்குளம் பகுதியில் விபத்து.. இரு இளைஞர்கள் தலை சிதறிப் பலி!!

முல்லைத்தீவு – மாங்குளம் பிரதேசம் வன்னி விளாங்குளம் பகுதியில் இடம்பெற்ற விபத்தில் இரு இளைஞர்கள் உயிரிழப்பு.

இரு மோட்டார் சைக்கிள் நேருக்கு நேர் மோதி இந்த விபத்து இடம்பெற்றுள்ளது. உயிரிழந்தவர் விபரங்கள் சற்று நேரத்தில் அறிவிக்கப்படும்

Read More

வைத்தியர் அர்ச்சுனாவின் பாராளுமன்றப் பதவி பறிக்கபடும் அபாயம்!!

வைத்தியர் அர்ச்சுனாவின் பாராளுமன்றப் பதவி பறிக்கபடும் அபாயம்!!

முறைப்படியாக அரச வேலையை விட்டு விலகாது பாராளுமன்றத் தேர்தலில் போட்டியிட்டதாகத் தெரிவித்து வைத்தியர் அர்ச்சுனாவின் பாராளுமன்றப் பதவி பறிபடவுள்ளதாக பரபரப்பான தகவல்கள் எழுந்துள்ளன. குறித்த சட்டச்சிக்கலால் அவரது பதவி நிச்சயம் பறிக்கப்படும் என சட்டவாளர்கள் சிலர் ஊர்ஜிதப்படுத்தியுள்ளதாகத் தெரியவருகின்றது.

Read More

வடக்கு, கிழக்கு மாகாணங்களில் வரலாறு காணாத வெள்ளப் பெருக்கு ஏற்படப் போகின்றது!

வடக்கு, கிழக்கு மாகாணங்களில் வரலாறு காணாத வெள்ளப் பெருக்கு ஏற்படப் போகின்றது!

கடந்த 16.11.2024 அன்று குறிப்பிட்டவாறு எதிர்வரும் 23.11.2024 அன்று கிழக்கு வங்காள விரிகுடாவில் அந்தமான் நிக்கோபார் தீவுகளுக்கு அருகில் தாழமுக்கம் ஒன்று உருவாகும் வாய்ப்புள்ளது.

இது 25.11.2024 அன்று ஆழ்ந்த காற்றழுத்த தாழ்வு மண்டலமாக மாற்றம் பெறும் அதேவேளை 26.11.2024 அன்று தீவிர காற்றழுத்த தாழ்வு மண்டலமாக மாற்றம் பெறும் என எதிர்பார்க்கப்படுகிறது. தற்போதைய நிலையின் படி இது ஒரு புயலாக மாற்றம் பெறும் வாய்ப்புள்ளது.

தற்போதைய நிலையின் படி இதன் நகர்வு பாதை கிழக்கு மாகாணத்திற்கு அருகாக நகர்ந்து, பின்னர் வடக்கு மாகாணத்தை அண்மித்து(தற்போதுள்ள நிலையில் இது கரையைக் கடக்கும் போது இதன் உள் வளையத்திற்குள் யாழ்ப்பாணம் மற்றும் கிளிநொச்சி மாவட்டங்களும், வெளிவளையத்துக்குள், முல்லைத்தீவு, மன்னார், வவுனியா மாவட்டங்களும் அடங்குகின்றன) தமிழ்நாட்டின் கடலூர் புதுச்சேரிக்கிடையில் கரையைக் கடக்கும் என எதிர்பார்க்கப்படுகிறது ( கரையைக் கடக்கும் இடம் மாற்றம் பெறலாம்).

இதன் காரணமாக எதிர்வரும் 25.11.2024 முதல் 29.11.2024 வரை வடக்கு மற்றும் கிழக்கு மாகாணங்களின் பல பகுதிகளுக்கும் மிகக் கனமழை கிடைக்கும் வாய்ப்புள்ளது. குறிப்பாக எதிர்வரும் 26.11.2024 மற்றும் 27.11.2024ம் திகதிகளில் மிக மிக கனமழை கிடைக்கும் வாய்ப்புள்ளது. வடக்கு மற்றும் கிழக்கு மாகாணங்களின் சில இடங்களில் 26.11.2024 மற்றும் 27.11.2024 திகதிகளை உள்ளடக்கிய 48 மணி நேரத்தில் 350 மி. மீ. இனை விட கூடுதலாக மழைவீழ்ச்சி கிடைக்கும் வாய்ப்புள்ளது. வடக்கு மற்றும் கிழக்கு மாகாணங்களின் பல பகுதிகளிலும் தற்போது கிடைத்து வரும் தொடர்ச்சியான மழை காரணமாக நிலம் நிரம்பு நிலையை எட்டியுள்ளது. சில பகுதிகளில் வெள்ள அனர்த்த நிலமைகள் ஏற்பட்டுள்ளன. எனவே கிடைக்கவுள்ள கனமழை வடக்கு மற்றும் கிழக்கு மாகாணங்களின் பல பகுதிகளிலும் வெள்ள அனர்த்தத்தை ஏற்படுத்தும் வாய்ப்புள்ளதனால் தாழ்வான பகுதிகளில் உள்ள மக்கள் மிகவும் அவதானமாக இருப்பது அவசியம். விவசாயிகளும் இக்கனமழையை கருத்தில் கொண்டு தங்களுடைய விவசாய நடவடிக்கைகளில் குறிப்பாக நெற் செய்கை நடவடிக்கைகளில் கவனம் செலுத்துவது அவசியம்.

எதிர்வரும் 26 மற்றும் 27ம் திகதிகளில் வடக்கு மற்றும் கிழக்கு மாகாணங்களின் கரையோரப் பகுதிகளில் காற்று மணிக்கு 60 தொடக்கம் 80 கி.மீ. வரையான வேகத்தில் வீசும் வாய்ப்புள்ளது. வடக்கு மற்றும் கிழக்கு மாகாணங்களின் உள் நிலப்பகுதிகளில் காற்று 50 தொடக்கம் 70 கி.மீ. வேகத்தில் வீசும் வாய்ப்புள்ளது. எனவே கடுமையான காற்று வேகத்தினால் பாதிக்கப்படக் கூடிய மரங்கள் மற்றும் பழைய கட்டிடங்கள் தொடர்பில் அவதானமாக இருப்பது அவசியம்.

இதன் காரணமாக எதிர்வரும் 24.11.2024 முதல் 28.11.2024 வரை இலங்கையின் வடக்கு, கிழக்கு, தென்கிழக்கு மற்றும் தெற்கு கடற்பகுதிகள் கொந்தளிப்பான நிலையில் காணப்படும் என்பதனால் மீனவர்கள் கடலுக்கு செல்வதை தவிர்ப்பது சிறந்தது.

அத்தோடு வடக்கு மற்றும் கிழக்கு மாகாணங்களின் பல பகுதிகளுக்கும் தற்போது கிடைக்கும் மழை தொடர்ந்து கிடைக்கும்.

அன்புக்குரிய வடக்கு மற்றும் கிழக்கு மாகாண மக்களே….

இத்தாழமுக்கம் புயலாக மாறாது விட்டாலும் மேலுள்ள அதி தீவிர வானிலை நிகழ்வுகள் மற்றும் கடற் கொந்தளிப்பான நிலைமைகள் நிகழும்.

எனவே முன்கூட்டிய பாதுகாப்பு தயார்ப்படுத்தல் முறைமைகளைப் பின்பற்றுவது எமக்கு ஏற்படும் பாதிப்புக்களை கணிசமாகக் குறைக்கும்.

வடக்கு மற்றும் கிழக்கு மாகாணங்களின் நிர்வாக அதிகாரிகள் இந்த தாழமுக்கம்/புயல் தொடர்பாக அவதானம் செலுத்துவது சிறந்தது.

– நாகமுத்து பிரதீபராஜா –

Read More

வவுனியா பாடசாலையில் ஆசிரியரை மாணவிக்கு ‘மாமா’ வேலை பார்க்கச் சொன்ன காவாலி!! மறுத்த ஆசிரியர் மீது தாக்குதல்!!

வவுனியா பாடசாலையில் ஆசிரியரை மாணவிக்கு ‘மாமா’ வேலை பார்க்கச் சொன்ன காவாலி!! மறுத்த ஆசிரியர் மீது தாக்குதல்!!

வவுனியா, வீரபுரம் பகுதியில் அமைந்துள்ள பாடசாலை ஒன்றின் ஆசிரியர்கள் இன்று (19) பணிப்புறக்கணிப்பு போராட்டத்தில் ஈடுபட்டுள்ளனர்.

குறித்த விடயம் தொடர்பாக மேலும் தெரியவருகையில்,

கடந்த வாரம் பாடசாலையில் உயர்தர மாணவர்களுக்கான ஒன்று கூடல் நிகழ்வு இடம்பெற்றிருந்தது. இதன்போது இளைஞர் ஒருவர் ஆண் ஆசிரியர் ஒருவருக்கு தொலைபேசி அழைப்பை ஏற்படுத்தி, மாணவி ஒருவரிடம் பேச வேண்டும் என தெரிவித்துள்ளார்.

இதற்கு ஆசிரியர் மறுப்பு தெரிவித்த நிலையில் அதனால் ஏற்பட்ட முரண்பாட்டினால் ஆசிரியர் மீது அன்றையதினம் மாலை குறித்த ஆசிரியர் தங்கியிருந்த வீட்டிற்கு சென்றவர்கள் ஆசிரியர் மீது தாக்குதல் நடாத்தியுள்ளனர்.

குறித்த சம்பவம் தொடர்பாக நேற்று (18) வரை எந்த நடவடிக்கையும் எடுக்கப்படவில்லை. நேற்று மாலை ஆசிரியர் மீது தாக்குதல் நடத்திய குற்றச்சாட்டில் மூன்று இளைஞர்கள் செட்டிகுளம் பொலிஸாரால் கைது செய்யப்பட்டனர்.

இந்நிலையில் தமக்கு போதிய பாதுகாப்பு இல்லை என தெரிவித்து பாடசாலையின் அனைத்து ஆசிரியர்களும் இன்று சுகவீன விடுப்பு போராட்டத்தில் ஈடுபட்டுள்ளனர்.

இதேவேளை இதற்கு முன்னரும் இரு ஆசிரியர்கள் மீது தாக்குதல் நடத்திய சம்பவங்களும் குறித்த பாடசாலையில் பதிவாகியுள்ளதாக தெரிவிக்கப்படுகின்றது.

Read More

மன்னாரில் மீண்டும் கொடூரம்!! வைத்தியசாலையில் குழந்தை பிறப்பிற்காக அனுமதிக்கப்பட்ட தாயும் சிசுவும் மரணம்.

மன்னாரில் மீண்டும் கொடூரம்!! வைத்தியசாலையில் குழந்தை பிறப்பிற்காக அனுமதிக்கப்பட்ட தாயும் சிசுவும் மரணம்.

 மன்னார் வைத்தியசாலையில் இன்றைய தினம் பிரசவத்துக்கு அனுமதிக்கப்பட்ட தாயும் சேயும் மரணமடைந்த சம்பவம் பெரும் சோகத்தை ஏற்படுத்தியுள்ளது

மன்னார் பட்டித்தோட்டம் பகுதியை சேர்ந்த 28 வயதான வனஜா என்ற திருமணமாகி 10 வருடங்களே ஆன இளம் தாயே இன்றையதினம் செவ்வாய்கிழமை மன்னார் வைத்தியசாலையில் பிரசவத்திற்காக அனுமதிக்கப்பட்ட நிலையில் உயிரிழந்துள்ளார்

முன்னதாகவே குறித்த பெண்ணுக்கு மூச்சு திணறல் ஏற்பட்டிருந்த போதிலும் உரிய விதமாக கவனிக்கப்படவில்லை எனவும் பெண் தனக்கு சிசேரியன் செய்யுமாறு கோரிக்கை விடுத்தாகவும் வைத்தியர்கள் இயற்கை முறையில் பிரசிவிக்க முயற்சித்த நிலையில் தாயும் பிள்ளையும் மரணமடைந்துள்ளனர்

வைத்தியர்கள் மற்றும் தாதியர்களின் கவனயீனத்தாலேயே குறித்த மரணம் இடம் பெற்றுள்ளதாகவும் மரணம் அடைந்த விடயத்தை நீண்ட நேரமாக உறவினர்களுக்கு சொல்லாமல் மறைத்ததாகவும் உயிர் இழந்த பெண்ணின் உடலை கூட பார்பதற்கு பெற்றோரை அனுமதிக்கவில்லை எனவும் உறவினர்கள் குற்றம் சுமத்தியுள்ளதுடன்

குறித்த பெண்ணின் மரணத்துக்கு உண்மையான காரணம் என்ன என தெரிவிக்கும் வரை உயிரிழந்த பெண்ணின் உடலை பெற்றுக்கொள்ள போவதில்லை என உறவினர்கள் தெரிவித்து போராட்டத்தில் ஈடுபட்டுள்ளனர்

இந்த நிலையில் சம்பவ இடத்தில் பொதுமக்கள்,பாதிக்கப்பட்ட பெண்ணின் உறவினர்கள் கூடியிருந்த போதிலும் வைத்தியசாலை பணிப்பாளளோ பொறுப்பு வாய்ந்த அதிகாரிகளோ சம்பவ இடத்திற்கு நீண்ட நேரம் வருகைதரவில்லை எனவும்  அவருடைய தொலைபேசியும் இயங்கவில்லை என உறவினர்கள் குற்றம் சாட்டியுள்ளனர்

குறித்த பிரசவ விடுதியில் பணிபுரியும் சில ஊழியர்கள் தொடர்சியாக கவனயீனமாக செயற்படுவதாகவும் வேலை நேரத்தில் நாடகங்கள் பார்பதாகவும்,தொலைபேசிகளை அதிகம் பயன்படுத்துவதாகவும், பிரசவ விடுதிக்குள் நாய்கள் நிற்பதாகவும் அவற்றை கூட அவர்கள் கண்டு கொள்வதில்லை எனவும் பிரசவத்திற்காக அனுமதிக்கப்பட்ட பெண்கள் தெரிவிக்கின்றனர்

 இவ்வாறான பின்னனியில் மன்னார் பொது வைத்தியசாலையில் பிரசவ விடுதியில் கவனயீனத்தால் இவ்வருடத்தில் இடம் பெற்ற மூன்றாவது மரணம் இது என்பது குறிப்பிடத்தக்கது. தற்போது குறித்த வைத்தியசாலையில் இராணுவமும் பொலிசாரும் சூழ்ந்து எவரையும் உள்ளே செல்ல அனுமதிக்கவில்லை என தெரியவருகின்றது.

Read More