மோட்டார் சைக்கிளில் சென்றவர் மாடு துரத்தித் துரத்தி மோதியதில் பலி!!
கலேவெல-மாத்தளை வீதியின் தலகிரியாவ பகுதியில் நேற்று (02) மாலை இடம்பெற்ற வாகன விபத்தில் ஒருவர் உயிரிழந்துள்ளதாக கலேவெவ பொலிஸார் தெரிவித்தனர்.
தலகிரியாவ சந்தியில் இருந்து மாதிபொல ஊடாக கலேவெல நோக்கி பயணித்த மோட்டார் சைக்கிள் ஒன்று, வீதியின் குறுக்கே வந்த மாடு மீது மோதியதில் மோட்டார் சைக்கிள் கட்டுப்பாட்டை இழந்த நிலையில், வீதியில் கவிழ்ந்து அருகில் இருந்த பாலத்தின் தூண் மீது மோதி விபத்துக்குள்ளானதாக பொலிஸார் தெரிவித்தனர்.
சம்பவத்தில் பலத்த காயமடைந்த மோட்டார் சைக்கிள் ஓட்டுநர் தம்புள்ளை மருத்துவமனையில் அனுமதிக்கப்பட்டதன் பின்னர் சிகிச்சைப் பலனின்றி உயிரிழந்தார்.
விபத்தில் உயிரிழந்த நபர் 57 வயதுடைய பெலிகமுவ-கலேவெவ பகுதியைச் சேர்ந்தவராவார்.
மரணித்தவரின் சடலம் தம்புள்ளை மருத்துவமனையின் பிரேத அறையில் வைக்கப்பட்டுள்ளது.
சம்பவம் தொடர்பான மேலதிக விசாரணைகளை தம்புள்ளை பொலிஸார் மேற்கொண்டு வருகின்றனர்.
0 comments:
Post a Comment