யாழில் தையல்கடைக்காரியை படுக்கைக்கு கூப்பிட்ட பொலிஸ்காரன் நையப்புடைப்பு!!

யாழில் தையல்கடைக்காரியை படுக்கைக்கு கூப்பிட்ட பொலிஸ்காரன் நையப்புடைப்பு!!

காங்கேசன்துறை பொலிஸ் நிலைய பொலிஸ் உத்தியோகத்தர் ஒருவர் பெண்ணொருவரை மதுபோதையில் பாலியல் உறவுக்கு அழைத்தமையினால் அப்பகுதியில் பரபரப்பு ஏற்பட்டுள்ளது.

அதனைத் தொடர்ந்து அப்பகுதியிலுள்ள இளைஞர்களால் குறித்த பொலிஸ் உத்தியோகத்தர் நையப்புடைக்கப்பட்டு காங்கேசன்துறை பொலிஸாரிடம் ஒப்படைக்கப்பட்டார்.

இது குறித்து மேலும் தெரியவருவதாவது, காங்கேசன்துறை பொலிஸ் நிலைய உத்தியோகத்தர் ஒருவர் இன்று காலை மாவிட்டபுரம் தையலகத்தில் தைப்பதற்கு கொடுத்த சீருடையை எடுப்பதற்கு மது போதையில் சென்று தையலகத்தில் பணிபுரியும் பெண்களுடன் தன்னுடன் பாலியல் உறவுக்கு வருமாறு வற்புறுத்தியுள்ளார்.

தொடர்ந்து குறித்த கடைக்கு வந்த இரு யுவதிகளிடமும் தன்னுடன் பாலியல் உறவுக்கு வருமாறு கொச்சைத் தமிழில் கேட்டுள்ளார்.

அதனால் ஆத்திரமடைந்த குறித்த பெண் தனது கணவருக்கு தொலைபேசியில் தெரிவித்த நிலையில், மாவிட்டபுரம் கந்தசுவாமி கோயில் பொலிஸ் உத்தியோகத்தர் நையப்புடைக்கபட்டு பொதுமக்களால் முச்சக்கரவண்டி மூலம் பொலிஸ் நிலையத்திற்கு கொண்டு வரப்பட்டுள்ளார்.

இந்நிலையில் பொலிஸ் நிலைய பொறுப்பதிகாரி குறித்த பெண்ணை விசாரிக்க முற்பட்ட போது தன்னிடம் கார் உள்ளதாகவும் நீங்கள் அழகாக உள்ளீர்கள் என்னுடன் பாலியல் இச்சைக்கு வருகிறாயா ? என கேட்டு மதுபோதையில் கலகம் செய்ததாக அப்பெண் கூறினார். இதேவேளை பெண்ணின் உறவினர் தன்னிடம் காணொளியும் உள்ளதாக தெரிவித்தார். உடனே குறித்த பொலிஸ் உத்தியோகத்தர் குறித்த பெண்ணின் கணவன் மீது பொலிஸ் நிலையத்தில் வைத்து தாக்குதல் நடாத்தினார்.

உடனடியாக பொலிஸார் குறித்த உத்தியோகத்தரை தடுத்து நிறுத்திய நிலையில் பொறுப்பதிகாரி தனது அறையினுள் பாதிக்கப்பட்டவர்களை அழைத்து சமரசம் செய்யுமாறு கேட்டுக் கொண்டுள்ளார். அதனை அடுத்து குறித்த விடயம் மனித உரிமை ஆணைக்குழுவிற்கு அறிவிக்கப்பட்டு பாரபட்சமற்ற விசாரணைகளை முன்னெடுக்க வேண்டும் என பொலிஸ் நிலைய பொறுப்பதிகாரிக்கு யாழ். பிராந்திய மனித உரிமை ஆணைக்குழுவின் த.கனகராஜ் அறிவுறுத்தியுள்ளார்.

தற்போது இது குறித்த விசாரணைகள் முன்னெடுக்கப்பட்டு வருகின்றன.

யாழ் செய்திகள்.

Read More

யாழ் மத்திய பேருந்து நிலையத்தில் சாரதி, நடத்துனருக்கு கத்திக்குத்து!

யாழ் மத்திய பேருந்து நிலையத்தில் சாரதி, நடத்துனருக்கு கத்திக்குத்து!

யாழ்ப்பாணம் மத்திய பேருந்து நிலையத்தில் சாரதிக்கும், நடத்துனருக்கும் கத்திக் குத்து தாக்குதல் நடத்தப்பட்டுள்ளது.

இன்று (24) இரவு இந்த சம்பவம் நடந்தது.

மத்திய பேருந்து நிலையத்துக்கு அருகில் உள்ள சிற்றுண்டிச்சாலைக்குள் இந்த சம்பவம் நடந்தது.

யாழ்ப்பாணம், காரைநகர் சாலைகளை சேர்ந்த சாரதியும், நடத்துனருமே தாக்குதலுக்கு இலக்காகினர்.

ஹெல்மெட் அணிந்து முகத்தை மூடிக்கொண்டு வந்த 3 பேர் தாக்குதல் நடத்தியுள்ளனர்.

Read More

யாழில் இரண்டு பிள்ளைகளின் இளம் தந்தை விபரீத முடிவால் உயிரிழப்பு !

யாழில் இரண்டு பிள்ளைகளின் இளம் தந்தை விபரீத முடிவால் உயிரிழப்பு !  

இரண்டு பிள்ளைகளின் இளம் தந்தை ஒருவர் இன்று  இரவு விபரீத முடிவால் உயிரிழந்த சம்பவம் துயரத்தை ஏற்படுத்தியுள்ளது.

கோண்டாவில் பகுதியில்   இன்று திங்கட்கிழமை  இரவு 11:00 மணியளவில்  இரண்டு பிள்ளைகளின் தந்தையான பூலோவர்  ரமேஷ் வயது 42 என்ற இளம் குடும்பஸ்தரே இவ்வாறு உயிரிழந்துள்ளார்

 சடலம் யாழ் போதனா வைத்தியசாலையில் வைக்கப்பட்டுள்ளது  மேலதிக விசாரணைகளை கோப்பாய் பொலிஸார் மேற்கொண்டு வருகின்றனர் இச் சம்பவம் அப்பகுதியில் துயரத்தை ஏற்படுத்தியுள்ளது

Read More

யாழில் பைக்கில் ஜி.பி.எஸ் பொருத்தி லண்டன் அங்கிளுடன் சேர்த்து மனைவியைப் பிடித்த ஐயர்!!

யாழில் பைக்கில் ஜி.பி.எஸ் பொருத்தி லண்டன் அங்கிளுடன் சேர்த்து மனைவியைப் பிடித்த ஐயர்!!

யாழ் வலிகாமம் பகுதியில் கோவில் ஒன்றின் குருக்கள் தனது மனைவியை லண்டனிலிருந்து வந்த அங்கிள் ஒருவருடன் வீடு ஒன்றில் வைத்து கையும் மெய்யுமாக பிடித்துள்ளார். வலிகாமம் பகுதியில் உள்ள கோவில் ஒன்றின் சொந்தக்காரரான குறித்த ஐயரின் மனைவி அரச ஊழியராக பணியாற்றி வருகின்றார். ஐயரின் கோவில் திருவிழா ஒன்றின் உபயகாரரான லண்டனில் வசிக்கும் தமிழ் குடும்பஸ்தர் ஒருவர் குறித்த கோவிலுக்காக நண்கொடைகளை வழங்கி வந்துள்ளார். அத்துடன் ஐயரின் மனைவியின் ஒத்துழைப்புடன் அறக்கொடை நிதியம் ஒன்றையும் ஆரம்பித்துள்ளார். அத்துடன் புலம்பெயர் தேசங்களில் இருப்பவர்களிடம் நிதி வசூலித்து அறக்கொடை ஊடாக அப்பகுதியைச் சேர்ந்த ஏழைகளின் பிள்ளைகளுக்கு கல்வி வசதிக்காக சில உதவிகளையும் குறித்த லண்டன் குடும்பஸ்தர் செய்து வந்துள்ளாராம். இந்த உதவிகளை கோவில் ஐயரின் மனைவி ஊடாகவே குறித்த குடும்பஸ்தர் செய்து வந்துள்ளார்.

லண்டன் குடும்பஸ்தருடன் இரவில் தொடர்ச்சியாக வட்சப்பில் தனது மனைவி கதைப்பது தொடர்பாக கோவில் ஐயருக்கு சந்தேகம் ஏற்பட்டுள்ளது. ஏற்கனவே தனது மனைவி மீது ஐயருக்கு சந்தேகம் இருந்ததாக தெரியவருகின்றது. கோவில் திருவிழாவுக்கு உதவிகள் செய்யவரும் இளைஞன் ஒருவனுடன் தனது மனைவி தொடர்ச்சியாக நட்பில் இருப்பதாக தெரிவித்து குறித்த இளைஞனுடன் முரண்பட்டு கோவிலுக்கு இளைஞனை வர தடையும் விதித்திருந்தார் ஐயர். இதன் பின்னர் ஐயர் தனது மனைவியைக் கண்காணிக்கத் தொடங்கியதாக தெரியவருகின்றது. மனைவியின் மோட்டார் சைக்கிளுக்குள் இரகசியமாக ஜி.பி.எஸ் கருவியை ஐயர் பொருத்தி மனைவியின் நடமாட்டத்தை அவதானித்து வந்துள்ளார். மனைவி வங்கிக்கு வேலைக்காக செல்வது தொடங்கி வீடு வந்து சேரும் வரையான மனைவியின் போக்குவரத்து நடவடிக்கைகளை ஐயர் வீட்டிலிருந்தே அவதானித்து வந்துள்ளார்.

இவ்வாறான நிலையில் லண்டன் குடும்பஸ்தருடன் மனைவி வட்சப்பில் தொடர்பு கொண்டு கதைப்பதையும் சந்தேகக் கண்ணுடன் அவதானித்து வந்துள்ளார் ஐயர். கடந்த வாரம் லண்டன் குடும்பஸ்தர் யாழ்ப்பாணம் வந்துள்ளார். இதன் பின்னர் ஐயர் மும்முரமாக மனைவியை அவதானிக்கத் தொடங்கியதாக தெரியவருகின்றது. கடந்த வியாழக்கிழமை மனைவி அலுவலகம் செல்வதாக கூறிச் சென்றுள்ளார். நண்பகலின் பின் மனைவியின் இருப்பிடம் அலுவலகத்திற்கு அப்பால் வேறு ஒரு பகுதியைக் காட்டிக் கொண்டிருந்ததை ஐயர் அவதானித்துள்ளார். அதன் பின் அலேட்டான ஐயர் குறித்த ஜி.பி.எஸ் கருவி காட்டிய அடையாளத்தை வைத்து மனைவி தங்கி நின்ற வீட்டை கண்டு பிடித்து அவளது மோட்டார் சைக்கிளை அவதானித்து தன்னுடன் வந்த இன்னொரு உறவுக்காரரான ஐயருடன் வீட்டுக்குள் புகுந்ததாக தெரியவருகின்றது.

குறித்த வீடு லண்டனிலிருந்து வந்த குடும்பஸ்தரால் நாள் வாடகைக்கு எடுக்கப்பட்ட வீடு என தெரியவருகின்றது. இந் நிலையிலேயே ஐயரும் உறவுக்காரனும் அங்கு புகுந்து மனைவியை லண்டன் குடும்பஸ்தருடன் பிடித்துள்ளார்கள். அங்கு கை கலப்பு உருவாகியுள்ளது. லண்டன் குடும்பஸ்தரும் ஐயரின் மனைவியும் கடுமையாகத் தாக்கப்பட்டுள்ளார்கள். குறித்த வீட்டில் சச்சரவுகள் இடம்பெற்றதால் அயலவர்கள் அங்கு திரண்டனர். அதன் பின்னர் அங்கு நடந்தவற்றை அறிந்து அவர்கள் சண்டையில் தலையிடாமல் விலகிச் சென்றுள்ளார்கள். தாக்குதலுக்கு உள்ளாகிய மனைவியை ஐயர் மோட்டார் சைக்கிளில் ஏற்றி சென்றுள்ளார். அதன் பின்னர் தாக்குதலுக்கு உள்ளான குறித்த வீட்டுக்கு பொலிசார் வந்து விசாரணைகளை மேற்கொண்டதாகத் தெரியவருகின்றது.

நேற்று முன்தினம் லண்டன் குடும்பஸ்தரை தாக்கிய குற்றச்சாட்டில் பொலிசார் ஐயரையும் மனவைியையும் விசாரித்துள்ளார்கள். லண்டன் குடும்பஸ்தரின் அறக்கொடை நிதியக் கணக்கு வழக்குகளை தெரிவிக்கவே தான் குறித்த குடும்பஸ்தர் வீட்டுக்கு சென்றதாகவும் அதனை தனது கணவன் தவறாக எடுத்து தாக்கியதாகவும் மனைவி முறைப்பாடு கொடுத்ததுடன் லண்டன் குடும்பஸ்தர் கணவன் மீது போட்ட முறைப்பாட்டை மீளப் பெறுமாறு கேட்டு முறைப்பாட்டை மீளப்பெற்றுள்ளார். பொலிசாரின் விசாரணையின் போதே ஐயர் தனது மனைவியின் மோட்டார் சைக்கிளில் ஜி.பி.எஸ் கருவியைப் பொருத்திய விடயம் தெரியவந்ததாக பொலிஸ் தரப்பு தகவல்கள் தெரிவிக்கின்றன.

பொலிசாரின் விசாரணைகளின் போது ஐயருக்கு 49 வயது எனவும் ஐயரின் மனைவிக்கு 33 வயது எனவும் இருவரும் 11 வருடங்களு்ககு முன் திருமணம் ஆகி 2 குழந்தைகளும் உள்ளது எனவும் தெரியவருகின்றது. திருமணம் முடித்த பின்னரே ஐயரின் மனைவி பட்டதாரியாக பட்டம் பெற்றார் எனவும் தெரியவருகின்றது. லண்டன் குடும்பஸ்தரும் ஐயரின் வயதானவர் என பொலிசார் தெரிவிக்கின்றனர்.

Read More

நோயாளர்களுக்கு நடக்கும் கொடுமைகள்!! அருச்சுனாவைத் தொடர்ந்து வைத்திய நிபுணர் ஒருவரும் பைத்தியதிகாரிகள் சங்கத்திற்கு எதிராக களத்தில் குதித்தார்!!

நோயாளர்களுக்கு நடக்கும் கொடுமைகள்!! அருச்சுனாவைத் தொடர்ந்து வைத்திய நிபுணர் ஒருவரும் பைத்தியதிகாரிகள் சங்கத்திற்கு எதிராக களத்தில் குதித்தார்!!

தெல்லிப்பளை ஆதார வைத்தியசாலையின் மகப்பேற்று நிபுணரான யோகராசா சிவாகரனின் பேஸ்புக் பக்கத்தில் இருந்த பதிவினை அப்படியே நாம் இங்கு தந்துள்ளோம்…

சாவகச்சேரி ஆதார வைத்தியசாலை மற்றும் ஊர்காவற்றுறை ஆதார வைத்தியசாலை அவற்றின் தரத்திற்கு ஏற்ற சேவையை வழங்குவதில்லை என்று யாழ் போதனா வைத்தியசாலையின் பணிப்பாளர் தனது பேட்டி ஒன்றில் குறிப்பிட்டிருந்தார்.

சாவகச்சேரி ஆதார வைத்தியசாலைக்கு நான்கு வைத்திய நிபுணர்களுக்கான வெற்றிடங்கள் காணப்படும் போதிலும் அவை வருடார்ந்த வைத்திய நிபுணர்களுக்கான இடமாற்றம் பட்டியலில் காட்டப்படாதது ஏன்?

அரசாங்க வைத்திய அதிகாரிகள் சங்கத்தின் உறுப்பினர்களின் உறவுகளை தமது வீட்டு அருகாமையில் உள்ள வைத்தியசாலையில் பணிபுரிய வைப்பதற்காக, சாவச்சேரி ஆதார வைத்தியசாலைக்கு நியமனம் பெற்று வரும் வைத்திய நிபுணர்கள் சில நாட்களில் முறையற்ற ரீதியில் சட்டவிரோதமாக தூர இடங்களுக்கு VOP அடிக்கப்படும் என்று பயமுறுத்தப்பட்டு உளவியல் ரீதியாக துன்புறுத்தப்பட்டு இடமாற்றம் செய்யப்படுவது சரியா?

மேற்குறிப்பிட்ட ஆதார வைத்தியசாலைகளை தரங்களை ஒத்த கிழக்கிலும் தெற்கிலும் உள்ள வைத்தியசாலைகளில் போதியளவு வைத்திய நிபுணர்கள் நியமிக்கப்படும்போது வடக்கில் உள்ள ஆதார வைத்திய சாலைகளில் வைத்திய நிபுணர்களுக்கான பதவி வெற்றிடங்களும் ஆளணிகளும் உருவாக்கப்படாதது ஏன்? நியமிக்கப்படாதது ஏன்?

இவை அனைத்துக்கும் வட மாகாணத்தையும் யாழ்ப்பாணத்தையும் நிர்வகிக்கின்ற மருத்துவ நிர்வாகிகளின் இயலாமையும் வினைத்திறனின்மையும் அரசாங்க வைத்திய அதிகாரிகள் சங்கத்தின் அடாவடித்தனமான நடவடிக்கைகளும் தான் காரணம்!

கடைசியில் என்னவோ பாதிக்கப்படுவது அப்பாவி பொதுமக்களே தான்!

வைத்திய நிபுணர்களுக்கான இடமாற்றங்கள் வெற்றிடம் பற்றிய சரியான அறிவு அரசாங்க வைத்திய அதிகாரிகள் சங்கத்தின் உறுப்பினர்களை விட எமக்கு அதிகமாக உள்ளது. எல்லோரையும் முட்டாளாக்க முயற்சி செய்ய வேண்டாம்.

வடக்கு தவிர்ந்த அனைத்து மாகாணங்களிலும் பி தர ஆதார வைத்திய சாலைகளில் வைத்திய நிபுணர்கள் வெற்றிடங்கள் காட்டப்பட்டு நியமிக்கப்படும்போது ஏன் வடக்கில் உள்ள ஆதார வைத்தியசாலைகளில் மட்டும் இந்த வெற்றிடங்கள் காட்டப்படுவது இல்லை?

வடக்கு மாகாணம் தவிர்ந்த ஏனைய மாகாணங்களில் உள்ள பல B தர ஆதார வைத்தியசாலைகளில் ஒரு துறையில் ஒன்றுக்கு மேற்பட்ட வைத்திய நிபுணர்கள் பணியாற்றும் போது வடக்கில் உள்ள ஆதார வைத்திய சாலைகளில் வைத்திய நிபுணர்களின் வெற்றிடம் மாற்றப்பட்டியல்களில் காட்டப்படுவது கூட இல்லை. ஏன்?

எந்த ஒரு தொழிற்சங்கமும் இடம் மாற்ற சபையில் இடம்பெறாத போது அரசாங்க வைத்திய அதிகாரிகள் சங்கம் இடம் மாற்ற சபையில் இருப்பதால் நடக்கும் அநீதிகளும் லஞ்ச ஊழல்களும் பிரசித்தமானவை. அதற்கான விசாரணைகளும் நடைபெற்றன. நடைபெற்று வருகின்றன.

அரசாங்க வைத்திய அதிகாரிகள் சங்கம் விசேடமாக யாழ்ப்பாண கிளை தமது தனிப்பட்ட விருப்பு வெறுப்புகளுக்கு ஏற்ப வைத்தியர்களின் இடம் மாற்றத்தில் தலையீடு செய்வது இங்குள்ள சுகாதார நிலைமையை மேலும் மோசமடையவே செய்யும்.

இதே வேளை இவ் வைத்திய நிபுணருக்கு எதிராக பழஞ்சீலை சிவாகரன் என்ற பெயரில் பேக் ஐடி ஒன்று உருவாக்கி  பைத்திய அதிகாரிகள் சங்கத்தைச் சேர்ந்த சிலர் கருத்துத் தெரிவித்து வருகின்றமையும் குறிப்பிடத்தக்கது

Read More

யாழ்ப்பாணத்தை உலுக்கும் எலிக் காய்ச்சல்!!

யாழ்ப்பாணத்தை உலுக்கும் எலிக் காய்ச்சல்!!

யாழ்ப்பாணத்தில் கடந்த இரு வார கால பகுதியாக எலிக் காய்ச்சலால் உயிரிழப்புக்கள் ஏற்பட்டு வருவதால் , மக்கள் மத்தியில் ஒரு வித பய உணர்வு ஏற்பட்டுள்ளதுடன், சுகாதார பிரிவினர்கள் அவற்றினை தடுப்பதிலும் சவால்களை எதிர்கொண்டுள்ளனர்.

அண்மைய சில நாட்களில் காய்ச்சல் காரணமாக வைத்தியசாலைகளில் அனுமதிக்கப்பட்டு , மேலதிக சிகிச்சைக்காக யாழ். போதனா வைத்தியசாலைக்கு மாற்றப்பட்டவர்களில் இது வரையிலான தரவுகளின் அடிப்படையில் 08 பேர் சிகிச்சை பலனின்றி உயிரிழந்துள்ளனர். 121 பேர் நோயால் பாதிக்கப்பட்டுள்ளனர்

உயிரிழந்தவர்களில்  ஒருவர் முல்லைத்தீவு மாவட்டத்தை சேர்ந்தவர். ஏனைய ஏழு பேரும் யாழ்ப்பாணத்தை சேர்ந்தவர்கள்.

 நோய் தொற்றுக்கான காரணம் 

எலிக்காய்ச்சல் என கூறப்படும் லெப்டோஸ்பைரோசிஸ் என்பது ஒரு பாக்டீரியாவினால் ஏற்படும் நோயாகும், இது சூறாவளி அல்லது வெள்ளத்திற்குப் பிறகு மக்கள் அசுத்தமான நீரில் நடந்து அலையும் போது அல்லது அதை குடிக்க அல்லது குளிக்க பயன்படுத்தும் போது பரவும் நோயாகும்.

யாழ்ப்பாணத்தில் கடந்த நவம்பர் மாதம் இறுதி வாரத்தில் பெய்த கடும் மழை காரணமாக வெள்ள அனர்த்தங்கள் ஏற்பட்டிருந்தன. அதனை தொடர்ந்து இந்நோய் பரவல் அதிகரித்துள்ளது.

லெப்டோஸ்பைரோசிஸ் பாக்டீரியாவினால் பாதிக்கப்பட்ட விலங்குகளான எலிகள். நாய்கள், கால்நடைகளான ஆடுகள்,மாடுகள் , பன்றிகள் போன்றவரின் எச்சங்கள் , கழிவுகள் வெள்ள நீருடன் கலந்து , கிணறுகள் , நன்னீர் தேக்கங்கள் , குளங்கள் போன்ற நீர் நிலைகளில் கலந்து விடுவதனால் , அந்த நீரினை பயன்படுத்துபவர்கள் நோய் தாக்கத்திற்கு உள்ளாகின்றனர்.

அந்த நீரை பருகுவதால் மாத்திரமின்றி , கால்கள் , கைகளில் காயங்கள் உள்ளவர்கள் அந்த நீரினால் கை கால்களை கழுவும் போது , அவர்களையும் நோய் தாக்க கூடும். அது மாத்திரமின்றி  கண்கள், மூக்கு போன்ற மென்சவ்வினூடாக  கூட நோய் தொற்று ஏற்பட கூடிய சாத்திய கூறுகள் உண்டு.

நோய் அறிகுறிகள் 

அதிக காய்ச்சல், நடுக்கம் மற்றும் தலைவலி ஆகியவை லெப்டோஸ்பைரோசிஸின் அறிகுறிகளாகும். சரியான நேரத்தில் சிகிச்சையளிக்கப்படாவிட்டால், இது சிறுநீரக பாதிப்பு, கல்லீரல் செயலிழப்பு, மூளைக்காய்ச்சல், சுவாசக் கோளாறு ஆகியவற்றிற்கு வழிவகுத்து உயிரிழப்புக்களை ஏற்படுத்தும்.

அதனால் இதனை ஆரம்பத்திலேயே கண்டறிந்து அதற்குரிய சிகிச்சைகளை வழங்கும் சந்தர்ப்பத்தில் நோயினை பூரணமாக குணமாக்க முடியும். எனவே காய்ச்சல் தொடர்பில் அசமந்தமாக இருக்காது வைத்தியர்களை நாடி சிகிசிச்சை பெறுமாறு சுகாதார பிரிவினர் அறிவுறுத்தியுள்ளனர்.

யாழ்ப்பாணத்தில் பாதிப்பு அதிகமான இடங்கள். 

யாழ்ப்பாணத்தில் நான்கு சுகாதார வைத்திய அதிகாரிகள் பிரிவிலையே நோயாளர்கள் இனம் காணப்பட்டுள்ளனர்.

பருத்தித்துறை,  கரவெட்டி, மருதங்கேணி மற்றும்  சாவகச்சேரி ஆகிய நான்கு சுகாதார வைத்திய அதிகாரி பிரிவிலையுமே அதிகளவான பாதிப்புகள் பதிவாகியுள்ளன.

குறித்த நான்கு சுகாதார வைத்திய அதிகாரி பிரிவுகளில் யாருக்காவது காய்ச்சல் ஏற்படின் ஒரு நாள் காய்ச்சலாக இருந்தாலும் உடனடியாக அருகிலுள்ள அரச மருத்துவமனையை நாடும் படி பொதுமக்களுக்கு அறிவுறுத்தப்பட்டுள்ளது.

தடுப்பு நடவடிக்கைகள் 

 இந்நோய் பரவக் கூடிய ஆபத்து இலக்கினரான விவசாயிகளுக்கு விவசாய திணைக்களத்தின் உதவியுடன் கிராம மட்ட விவசாய குழுக்கள் மூலம் தடுப்பு மருந்து வழங்கும் பணிகள் தற்போது இடம்பெற்று வருகின்றன.

அத்துடன் கடல்நீர் ஏரிகளில் , குளங்கள் போன்ற நீர்த்தேக்கங்களில், மீன்பிடித் தொழிலில் ஈடுபடுபவர்களுக்கும் உள்ளூராட்சி மன்றங்களின் கீழ் துப்பரவு பணிகளில் ஈடுபடும் தொழிலாளர்களுக்கும் தடுப்பு மருந்து வழங்கப்பட்டு வருகிறது.

இத் தடுப்பு மருந்தை வாரத்திற்கு ஒரு தடவை உட்கொள்ள வேண்டும் என அறிவுத்தப்பட்டுள்ளது.

அதேவேளை எலிக்காய்ச்சல் நோய்க்கு சிகிச்சை அளிப்பதற்கும் தடுப்பு மருந்துகளை வழங்குவதற்காகவும் கொழும்பிலிருந்து எடுத்து வரப்பட்ட மருந்துகள் யாழ் மாவட்டத்திலுள்ள சகல சுகாதார வைத்திய அதிகாரி பணிமனைகளுக்கும், இந்நோய் தீவிரமாக பரவி வரும் பிரதேசங்களிலுள்ள வைத்திசாலைகளுக்கும் அனுப்பிவைக்கப்பட்டுள்ளது.

 இவ்விடயம் சம்பந்தமாக சுகாதார வைத்திய அதிகாரிகளால் ஒலிபெருக்கி மூலம் பொதுமக்களுக்கு அறிவிக்கப்படுகின்றது. மேலும் பிரதேச செயலாளர்களின் உதவியுடன் கிராமமட்ட உத்தியோகத்தர்கள் மூலமாக பொதுமக்களுக்கு இவ்விடயம் சம்பந்தமாக விழிப்புணர்வு ஏற்படுத்தப்படுகின்றது.

கொழும்பில் இருந்து வந்த விசேட குழு. 

மத்திய சுகாதார அமைச்சின் தொற்று நோய் தடுப்பு பிரிவிலிருந்து விசேட வைத்திய நிபுணர் குழு இந் நோய் பரம்பலை ஆய்வு செய்வதற்காக யாழ் மாவட்டத்திற்கு வருகை தந்தது. அக்குழுவினர் யாழ்ப்பாணத்தில் இரண்டு நாட்கள் தங்கி ஆய்வுகளை மேற்கொண்டனர்

யாழ் போதனா வைத்தியசாலைக்கும், பருத்தித்துறை ஆதார வைத்தியசாலைக்கும் , பருத்தித்துறை, மற்றும் கரவெட்டி சுகாதார வைத்திய அதிகாரி பணிமனைகளுக்கும் சென்று ஆய்வு செய்ததுடன் சில பிரதேசங்களுக்கு கள விஜயமும் மேற்கொண்டிருந்தனர்.

நோயில் இருந்து எம்மை பாதுகாத்து கொள்ள

அசுத்தமான தண்ணீருடன் தொடர்பு ஏற்படுவதை தடுக்க வேண்டும். சுகாதார முறைகளை பேணுதல் மூலம்  நோய்த் தொற்றில் இருந்து எம்மை பாதுகாத்து கொள்ள முடியும்.

குறிப்பாக தொற்றுக்குள்ளான தண்ணீருடன் நேரடியாக தொடர்பு ஏற்படுவதை தவிர்த்துக்கொள்ள வேண்டும். ஏனெனில், வெள்ள நீர், சேறு மற்றும் தேங்கி நிற்கும் நீர் என்பன விலங்குகளின் சிறுநீற்றால் தொற்றாக்கப்பட்டிருக்கலாம். அதனால் அந்நீரினை பயன்படுத்துவதை தவிர்த்து கொள்ள வேண்டும்.

அதாவது, சுத்தமான கொதித்து ஆறிய நீரை பருகுதல், குளம் குட்டைகள், வெள்ளத்தால் மூழ்கிய கிணறுகள் என்பவற்றில் குளிப்பதையோ , நீந்துவதையோ தவிர்த்துக்கொள்ளல். அந்த நீரை அருந்தவோ, வாய் கொப்பளிக்கவோ கூட பயன்படுத்த வேண்டாம்.

கால்களில் செருப்பு அல்லது சப்பாத்து இல்லாமல் வெள்ள நீர் தேங்கி நிற்கும் இடங்கள் , சேற்று நிலங்களில் இறங்க வேண்டாம். விவசாயிகள் கூட வயல் நிலங்களில் இறங்கும் போது , சுகாதார முறைமைகளை பின்பற்ற வேண்டும்.

சரியான சுகாதார நடைமுறைகளை கட்டாயமாக பின்பற்ற வேண்டும். வெளியே சென்று வந்த பின்னரும், விலங்குகளை கையாண்ட பின்னரும் சவர்க்காரம் மற்றும் நல்ல நீர் கொண்டு கை கால்களை நன்றாக கழுவிக் கொள்ள வேண்டும்

நோய் எதிர்ப்பு சக்தியை அதிகரிக்கும் உணவுகளை அதிகம் சாப்பிட வேண்டும்.

எலிக்காய்ச்சல் தொடர்பில் விழிப்புடன் இருந்தால் மாத்திரமே  எம்மையும் எம்மை சூழவுள்ளவர்களையும் பாதுகாத்து கொள்ள முடியும்.

Read More

கிளிநொச்சி வைத்தியசாலையில் அழகான யுவதிகளை வளைக்கும் செக்குறுட்டிக்காட்டுகள்!! ஏனையவர்கள் துரத்தப்படுகின்றார்கள்…

கிளிநொச்சி வைத்தியசாலையில் அழகான யுவதிகளை வளைக்கும் செக்குறுட்டிக்காட்டுகள்!! ஏனையவர்கள் துரத்தப்படுகின்றார்கள்…

தனபாலசுந்தரம் தமிழழகன் என்பவரது சமூகவலைத்தளத்தில் வந்த பதிவினை அப்படியே இங்கு தந்துள்ளோம்….

நடவடிக்கைகள் வன்மையாக கண்டிக்கத்தக்கது.

நேரம் பிந்தி மகளுக்கு உணவும் மருந்தும் கொடுக்க சென்ற தாய்க்கு அனுமதியில்லை, அப்பிளும் சோடாவும் கொண்டு போன இளம் பெண்களுக்கு கைத்தொலை பேசி இலக்கம் வாங்கிய பின் அனுமதி.

நியாயம் கேட்டால் நாங்கள் அப்படித்தான் என திமிரான பதில், எங்கட பக்க நியாயம் கேட்காமல் வெளியில் கலைக்கும் பொலிஸ் என்ன நியாயம்?

முறைப்பாடு செய்ய குறைந்த பட்சம் பெயராவது வேண்டும் ஏன் இப்பொழுது சீருடையில் பெயர் குத்துவதில்லை? பிறகு நாங்கள் video எடுக்க வெளிக்கிட பிரச்சனை வேற லெவலுக்கு போகும்.

வாக்குகளுக்காக அரசியல் மயப்படுத்தப் பட்டுள்ள நோயாளர் நலன்புரிச் சங்கம் உறக்கம்.

Read More

வவுனியாவில் காசு வாங்கி ஆண்களுடன் உறவு கொண்ட 3 பெண்கள் கைது!!

வவுனியாவில் காசு வாங்கி ஆண்களுடன் உறவு கொண்ட 3 பெண்கள் கைது!!

வவுனியாவில் விபச்சாரத்தில் ஈடுபட்ட 3 பெண்கள் கைது செய்யப்பட்டுள்ளதாக மாவட்ட மது ஒழிப்பு பிரிவு பொலிசார் இன்று (22) தெரிவித்துள்ளனர்.

இச் சம்பவம் தொடர்பில் மேலும் தெரியவருவதாவது, வவுனியா மாவட்ட மது ஒழிப்பு பொலிசாருக்கு கிடைத்த இரகசிய தகவலையடுத்து மாவட்ட மது ஒழிப்பு பிரிவு பொறுப்பதிகாரி கஜேந்திரன் தலைமையில் பொலிசார் மேற்கொண்ட திடீர் சோதனையின் போது தேக்கவத்தை பகுதியில் உள்ள விடுதி ஒன்றில் விபச்சாரத்தில் ஈடுபட்ட 3 பெண்கள் கைது செய்யப்பட்டுள்ளனர்.

கைது செய்யப்பட்டவர்கள் 20 – 30 வயதுக்கு உட்பட்டவர்களாவர்.

அவர்கள் சுந்தரபுரம், குழுமாட்டு சந்தி, கல்மடு ஆகிய பகுதிகளைச் சேர்ந்தவர்களாவர். மேலதிக விசாரணைகளின் பின் அவர்களை நீதிமன்றில் முற்படுத்தவுள்ளதாகவும் பொலிசார் மேலும் தெரிவித்தனர்.

Read More

இன்றைய இராசிபலன்கள் (22.12.2024)

இன்றைய இராசிபலன்கள் (22.12.2024)

மேஷம்

இன்று அரசியல் துறையினருக்கு எடுக்கக் கூடிய ஒப்பந்தகளை நன்றாக ஆராய்ந்து முடிவுக்கு வரவேண்டும். வெளிநாட்டு ஒப்பந்தங்களைப் பெறுவார்கள். லாபம் பெருகும். மேலிடத்தின் கனிவான பார்வை கிடைக்கப் பெறுவீர்கள். அதிர்ஷ்ட நிறம்: மஞ்சள், பச்சை அதிர்ஷ்ட எண்கள்: 3, 5, 9

ரிஷபம்

இன்று நிதானத்தைக் கடைப்பிடிக்க வேண்டும். தேவைகளைப் பூர்த்திசெய்யும் வகையில் வருவாய் உண்டு. சோதனைகள் வெற்றியாக மாறும். உங்கள் செயல்பாடுகள் மற்றவர்களைக் கவரும். உல்லாசப் பயணங்களில் நாட்டம் செல்லும். அதிர்ஷ்ட நிறம்: வெள்ளை, சிவப்பு அதிர்ஷ்ட எண்கள்: 6, 9

மிதுனம்

இன்று நன்மைகள் சேரும். வாக்குவாதங்கள் நீங்கும். சுபகாரியங்களில் கலந்து கொள்ள நேரலாம். பணம் வரவு நன்றாக இருக்கும். இழுபறியாக இருந்தவை சாதகமாக முடியக்கூடும். தேவையற்ற கவலைகள் நீங்கும். உங்களை பற்றி விமர்சனம் செய்து வந்தவர்கள் அதனை விட்டு விடுவார்கள். அதிர்ஷ்ட நிறம்: சிவப்பு, நீலம் அதிர்ஷ்ட எண்கள்: 3, 9

கடகம்

இன்று தொழில் வியாபாரத்தில் இருந்த போட்டிகள் விலகும். கடன் பிரச்சனை தீரும். ஆர்டர் பிடிப்பதில் இருந்த கஷ்டம் குறையும். உத்தியோகத்தில் இருப்பவர்கள் எளிதாக பணிகளை செய்து முடிப்பார்கள். மேல் அதிகாரிகளின் ஒத்துழைப்பு கிடைக்கும். அதிர்ஷ்ட நிறம்: நீலம், மஞ்சள் அதிர்ஷ்ட எண்: 1, 6

சிம்மம்

இன்று பாதியில் நின்ற வீடுகட்டும் பணியை மீண்டும் தொடருவீர்கள். சிலர் புதிய வீட்டிற்கு குடிபுகுவார்கள். கணவன் மனைவிக்கிடையில் திடீரென்று கருத்து வேற்றுமை உண்டாகலாம். பிள்ளைகள் கல்வியில் முன்னேற்றம் அடைய தேவையான உதவிகளை செய்வீர்கள். வழக்குகளில் நல்ல தீர்ப்பு வரும். அதிர்ஷ்ட நிறம்: மஞ்சள் அதிர்ஷ்ட எண்: 5, 6

கன்னி

இன்று மற்றவர்களிடம் கவனமாக பேசுவது கருத்து வேற்றுமை வராமல் தடுக்கும். வீண் அலைச்சல் குறையும். மாணவர்களுக்கு கல்வியில் முன்னேற்றமடைய தேவையான உதவிகள் கிடைக்கும். விளையாட்டு போட்டிகளில் பங்கேற்கும் போது கவனம் தேவை. அதிர்ஷ்ட நிறம்: மஞ்சள், சிவப்பு அதிர்ஷ்ட எண்: 4, 6

துலாம்

இன்று புதிய மாற்றம் உருவாகும். அரசாங்க அனுகூலம் ஏற்படும். வாகனங்களைப் பிரயோகப்படுத்தும் போது மிகவும் கவனம் தேவை. வெளியூர் வெளிநாடு செல்ல வேண்டி வரலாம். பணப்புழக்கம் அதிகரிக்கும். எடுத்த காரியம் அனைத்தும் வெற்றிகரமாக முடியும். அதிர்ஷ்ட நிறம்: நீலம் அதிர்ஷ்ட எண்: 2, 9

விருச்சிகம்

இன்று மதிப்பு மரியாதை சிறப்படையும். செல்வாக்கு ஓங்கும். நட்பு வட்டாரத்தில் குதூகலம் ஏற்படும். எல்லா பிரச்சனைகளும் தீரும். உடல் ஆரோக்கியம் உண்டாகும். துணிச்சலாக எதையும் செய்து முடித்து காரிய வெற்றி அடைவீர்கள். அதிர்ஷ்ட நிறம்: நீலம், மஞ்சள் அதிர்ஷ்ட எண்: 1, 5

தனுசு

இன்று மற்றவர்களுடன் இருந்த பகை நீங்கும். பூர்வீக சொத்துக்களில் இருந்த சிக்கல்கள் தீரும். பணவரத்து கூடும். அரசாங்கம் மூலம் லாபம் உண்டாகும். நீண்ட தூர பயணங்களால் சாதகமான பலன் கிடைக்கும். தொழில் வியாபாரத்தில் இருந்த தொய்வு நீங்கி விறுவிறுப்படையும். அதிர்ஷ்ட நிறம்: மஞ்சள் அதிர்ஷ்ட எண்: 5, 6

மகரம்

இன்று வசூலாக வேண்டிய கடன் பாக்கிகள் வசூலாகும். தொழில் தொடர்பான பிரச்சனைகள் தீரும். உத்தியோகத்தில் இருப்பவர்கள் பணி தொடர்பான கஷ்டங்கள் குறையும். குடும்பத்தில் மரியாதை கூடும். உங்களது வார்த்தைகளுக்கு மதிப்பு இருக்கும். அதிர்ஷ்ட நிறம்: மஞ்சள், சிவப்பு அதிர்ஷ்ட எண்: 4, 6

கும்பம்

இன்று கணவன், மனைவிக்கிடையில் மனம்விட்டு பேசி எடுக்கும் முக்கிய முடிவுகள் நன்மை தரும். பிள்ளைகள் நலனில் அக்கறை காட்டுவீர்கள். கடிதம் மூலம் வரும் தகவல்கள் நல்ல தகவல்களாக இருக்கும். வர வேண்டிய பணம் வந்து சேரும். கஷ்டங்கள் குறையும். அதிர்ஷ்ட நிறம்: நீலம் அதிர்ஷ்ட எண்: 2, 9

மீனம்

இன்று மாணவர்களுக்கு கல்வியில் வெற்றி பெற எடுக்கும் முயற்சிகள் சாதகமாக பலன் தரும். எதிலும் வேகமாக செயலாற்ற வேண்டும் என்ற எண்ணம் தோன்றும். தொழிலில் சிக்கல்கள் உருவாகாது என்றாலும் சிற்சில வாக்குவாதங்கள் இருக்கும். அதிர்ஷ்ட நிறம்: மஞ்சள், வெள்ளை அதிர்ஷ்ட எண்: 9, 3

Read More

நெடுந்தீவில் இருந்து இறைச்சியுடன் வந்த பொலிஸ்க்காரனை மடக்கிய இளைஞர்கள்!

நெடுந்தீவில் இருந்து இறைச்சியுடன் வந்த பொலிஸ்க்காரனை மடக்கிய இளைஞர்கள்!

நெடுந்தீவில் இருந்து விடுமுறையில் சென்ற பொலிஸ் உத்தியோகத்தர் கொண்டு பொதியில் இறைச்சி இருப்பதாக சந்தேகித்து அதனை குறிகாட்டுவானில் வைத்து சோதனையிட்ட போது , அதில் இறைச்சி இருப்பது கண்டுபிடிக்கப்பட்டது.

சம்பவம் தொடர்பில் தெரியவருவதாவது..

இன்று மாலை நெடுந்தீவில் இருந்து குறிகாட்டுவான் நோக்கிவந்த படகில் விடுமுறையில் செல்வதற்காக வந்த பொலிஸ் உத்தியோகத்தர் கொண்டுவந்த பொதியில் இறைச்சி இருப்பதாக சந்தேகம் தெரிவித்து குறிகாட்டுவான் துறைமுகப்பகுதியில் வைத்து,

கடந்த பல நாட்களாக கால்நடைகளை பறிகொடுத்த இளைஞர்கள் கடற்படையினரின் உதவியுடன் பரிசோதனை செய்தபோது இறைச்சி இருப்பது கண்டுபிடிக்கப்பட்டது.

அதன் பின்னர் குறித்த பொலிசாருடன் , பொதியும் குறிகாட்டுவானில் கடற்படையினரின் உதவியுடன் தடுத்து வைத்துவிட்டு யாழ். அரச அதிபர், நெடுந்தீவு பிரதேச செயலருக்கு தகவல் வழங்கப்பட்டதுடன் , இது தொடர்பாக வேலணை பிரதேச செயலருக்கும் தகவல் தெரிவிக்கப்பட்டதாக தெரியவருகின்றது.

இதன் அடிப்படையில் ஊர்காவற்றுறை பொலிஸ் நிலைய பொறுப்பதிகாரி தலைமையிலான குழுவினர் குறிகாட்டுவான் சென்று விசாரணைகளை மேற்கொண்டதுடன் நெடுந்தீவில் ஆடு காணாமல் போன இளைஞரிடம் முறைப்பாட்டினை பெற்றதுடன் கைப்பற்றப்பட்ட இறைச்சியினை ஆட்டிறைச்சியா மாட்டிறைச்சியா என ஆய்வுசெய்தபின்னர் நாளையதினம் தகவல் வழங்குவதாக தெரிவித்ததுடன் குறித்த இளைஞர்களை செல்லுமாறு அனுப்பிவைத்துள்ளதாக தெரியவருவதுடன் சம்பந்தப்பட்ட பொலிஸ் அலுவலரின் விடுமுறை இரத்து செய்யப்பட்டு அவர் குறிகாட்டுவான் பொலிஸ் சாவடியில் தங்க வைக்கப்பட்டுள்ளதாகவும் இறைச்சி பகுப்பாய்வின் பின்பே நடவடிக்கை எடுக்கப்படவுள்ளதாக என தகவல்கள் தெரவிக்கின்றன.

Read More

மட்டு’வில் அளவுக்கதிகமான துாக்க மாத்திரைகளை உட்கொண்டு 18 வயது மாணவி மரணம்!!

மட்டு’வில் அளவுக்கதிகமான துாக்க மாத்திரைகளை உட்கொண்டு 18 வயது மாணவி மரணம்!!

மட்டக்களப்ப்பில் 18 வயதான மாணவி ஒருவர் அளவுக்கதிகமாக மாத்திரைகளை உட்கொண்டு உயிரை மாய்த்துக்கொண்ட சம்பவம் சோகத்தை ஏற்படுத்தியுள்ளது.சம்பவத்தில் கித்துள் பகுதியை சேர்ந்த , உயர்தரத்தில் கல்வி கற்றுவந்த 18 வயதான மாணவியே இவ்வாறு உயிரிழந்துள்ளார்.

அளவுக்கதிகமான மாத்திரைகளை உட்கொண்டதனால் சுகவீனமடைந்த நிலையில் மட்டக்களப்பு போதனா வைத்தியசாலையில் சிகிச்சை பெற்றுவந்த நிலையில் சிகிச்சை பலனின்றி மாணவி வியாழக்கிழமை (19) உயிரிழந்துள்ளார்.இந்நிலையில் மாணவியின் இழப்பு அப் பகுதி மக்களிடையே பெரும் சோகத்தை ஏற்படுத்தியுள்ளது.

Read More

பெற்றோரே அவதானம்!! 14 வயது மகனால் பறி போன 30 லட்சம் ரூபா நகைகள்!! நடந்தது என்ன?

பெற்றோரே அவதானம்!! 14 வயது மகனால் பறி போன 30 லட்சம் ரூபா நகைகள்!! நடந்தது என்ன?

களுத்துறை, பயாகல பிரதேசத்தில் 14 வயதுடைய பாடசாலை மாணவனிடம் கையடக்க தொலைபேசி வாங்கி தருவதாக கூறி 30 லட்சம் ரூபாய்க்கும் அதிகமான பணம் மோசடி செய்த இருவரை பயாகல பொலிஸார் கைது செய்துள்ளனர்.

18 வயது மற்றும் 21 வயதுடைய ஏத்தகம மற்றும் மங்கோன ஆகிய பிரதேசங்களை சேர்ந்த இருவரே கைது செய்யப்பட்டதாக பொலிஸார் தெரிவித்தனர்.

பயாகல பிரதேசத்தில் வசித்து வந்த மாணவன் தனது தந்தை வழங்கிய கையடக்க தொலைபேசியை தொலைத்துள்ளார்.

இந் நிலையில் அயல் வீட்டில் வசிக்கும் அதே வயதுடைய நண்பரின் மூத்த சகோதரனிடம் கையடக்கத் தொலைபேசி ஒன்றை கோரியுள்ளார்.

அதற்காக கொஞ்சம் பணம் அல்லது தங்கப் பொருட்களை தருமாறு இந்த மாணவனிடம் அவர் கூறியுள்ளார்.

இதன்படி குறித்த மாணவன் தனது வீட்டின் அலமாரியில் இருந்த சுமார் 30 லட்சம் ரூபா பெறுமதியான தங்க நகைகளை சந்தேக நபருக்கு, மூன்று தடவைகள் கொண்டு வந்து கொடுத்துள்ளதாக பொலிஸார் தெரிவித்தனர்.

பிரதான சந்தேகநபர் அவற்றை இரண்டு இடைத்தரகர்கள் மூலம் மூன்று முறை அடமானம் வைத்து, சுமார் 17 லட்சம் ரூபாயை பெற்றுள்ளார்.

மேலும் மாணவருக்கு ட்ரோன் கேமராக்கள், விலையுயர்ந்த வாசனை திரவியங்கள், ஆடைகள் ஆகியவற்றையும் கொடுத்துள்ளார்.

வீட்டில் இருந்த தங்க நகைகள் காணாமல் போனமை தொடர்பில் சிறுவனின் தந்தை முறைப்பாடு செய்ததையடுத்து, சந்தேகநபர்கள் கைது செய்யப்பட்டனர்.

மேலும் விற்கப்பட்ட மற்றும் அடகு வைக்கப்பட்ட தங்க நகைகளை விசாரணைகளின் பின்னர் பொலிஸார் மீட்டுள்ளனர்.

Read More

இறந்த மனைவியின் உடலுக்கு ஈரத்துணி கட்டி கணவனும் பிள்ளையும் போலீசாரை ஏமாற்றியது ஏன்?

இறந்த மனைவியின் உடலுக்கு ஈரத்துணி கட்டி கணவனும் பிள்ளையும் போலீசாரை ஏமாற்றியது ஏன்?

இரத்தினபுரி, கஹவத்தையில் உயிரிழந்த மனைவியின் மரணத்தை மறைக்க முயற்சித்த கணவன் கைது செய்யப்பட்டுள்ளார்.

விலங்குகளுக்காக பொருத்தப்பட்ட பாதுகாப்பற்ற மின்சார கம்பியில் சிக்கிய 45 வயதுடைய இரண்டு பிள்ளைகளின் தாய் உயிரிழந்துள்ளார்.

இதனையடுத்து உடலை, குளித்ததனை போன்று செய்து துண்டு ஒன்றை உடலில் கட்டி மரணத்தை மறைக்க முற்பட்ட சந்தேகத்தின் பேரில் இறந்தவரின் கணவர் கைது செய்யப்பட்டதாக பொலிஸார் தெரிவித்துள்ளனர்.

பொலிஸாரின் விசாரணையில், மின்சாரம் தாக்கியதற்கான காரணத்தை மறைக்க, இறந்த பெண்ணின் உடலில் ஈரமான ஆடைகளை அணிவித்து, சடலத்தை வீட்டுக்குள் கொண்டு வந்துள்ளமை தெரியவந்துள்ளது.

17ஆம் திகதி பிற்பகல் மின்சாரம் தாக்கி உயிரிழந்த 2 பிள்ளைகளின் தாயான செனரத் சந்திரலதாவின் பிரேத பரிசோதனையின் போது உண்மை தகவல் வெளிவந்துள்ளது.

சாட்சியமளித்த உயிரிழந்த பெண்ணின் கணவர், குளித்துவிட்டு வீட்டுக்குள் வந்த தனது மனைவி பலத்த அலறல் சத்தம் கேட்டதாகவும், அங்கு சென்று சோதனையிட்டதாகவும்தெ ரிவித்திருந்தார்.

அப்போது மனைவி கீழே கிடந்ததாக குறிப்பிட்டுள்ளார். தந்தைக்கு ஆதரவாக 20 வயது மகனும் பொய் சாட்சியம் வழங்கியுள்ளார்.

விசாரணையின் போது விலங்குகளுக்காக பொருத்தப்பட்ட பாதுகாப்பற்ற மின்சார கம்பியில் சிக்கியமையே மரணத்திற்கு காரணம் என கண்டுபிடிக்கப்பட்டுள்ளது.

Read More

துரோகம் செய்த காதலி கொடுத்த பணத்தை திருப்பிக் கொடுக்கத் தேவையில்லை: காதலனுக்கு ஆதரவாக நீதிமன்றம் தீர்ப்பு!

துரோகம் செய்த காதலி கொடுத்த பணத்தை திருப்பிக் கொடுக்கத் தேவையில்லை: காதலனுக்கு ஆதரவாக நீதிமன்றம் தீர்ப்பு!

தனது காதலனுக்கு துரோகமிழைத்தது அம்பலமானதையடுத்து, உறவை காப்பாற்ற காதலனுக்கு வழங்கிய பணத்தை, காதல் முறிந்த பின்னர் காதலிக்கு திருப்பிக் கொடுக்க வேண்டியதில்லை என சீனாவின், ஷாங்காய் நீதிமன்றம் தீர்ப்பளித்தது.

காதலித்த காதலத்தில் காதலியால் 300,000 யுவான் (US$40,000) கொடுக்கப்பட்டிருந்தது.

லி என்பவர் 2018 ஆம் ஆண்டு சூ என்று அழைக்கப்படும் பெண்ணுடன் காதல் உறவைத் தொடங்கினார். இருப்பினும், இரண்டு ஆண்டுகளுக்குப் பிறகு, காதலி சூ தனக்கு துரோகம் செய்ததையும் தனது மருமகனுடன் தொடர்பு வைத்திருந்ததையும் லி கண்டுபிடித்தார். .

துரோகத்தால் வருத்தமடைந்த லி, உறவை முறித்துக் கொள்ள முடிவு செய்தார். பதிலுக்கு, சூ அவருக்கு மன்னிப்புக் கடிதம் எழுதினார், “நான் எனது தவறுகளை ஆழமாகப் புரிந்து கொண்டுள்ளேன். ஆம், நான் உன்னை பலமுறை ஏமாற்றிவிட்டேன், இது உனக்கு மிகுந்த வேதனையை ஏற்படுத்தியது. நான் மனதார வருந்துகிறேன். நான் என் தவறுகளைச் சரிசெய்து, என் நேர்மையால் உனக்குப் பரிகாரம் செய்வேன்“ என குறிப்பிட்டிருந்தார்.

அடுத்த இரண்டு நாட்களில், பல வங்கி பரிவர்த்தனைகள் மூலம் 300,000 யுவானை காதலனுக்கு சூ மாற்றினார். லி தனது காதலியின் மன்னிப்பை ஏற்றுக்கொண்டார். பின்னர் அவர்கள் 2022 ஆம் ஆண்டு வரை தம்பதியினர் ஒன்றாக இருந்தனர்.

ஆனாலும், தனது காதலி சூ இப்போதும் தனது மருமகனுடன் தொடர்பு வைத்துள்ளதை அவர் கண்டுபிடித்தார்.

இதனால் மனம் வெறுத்த லி, காதலனி சூ வை விட்டு நிரந்தரமாக பிரிய முடிவெடுத்தார்.

இதன்போது, காதலி சூ, இரண்டு ஆண்டுகளுக்கு முன்பு அவர் கொடுத்த பணத்தைத் திரும்பக் கோரினார். இது திருமணத்தின் எதிர்பார்ப்புடன் பிணைக்கப்பட்ட நிபந்தனைக்குரிய பரிசாகக் கருதப்பட்டது. இருவரும் பிரிந்து விட்டதாலும், திருமணம் நடக்காததாலும், லி அந்தத் தொகையைத் திருப்பித் தர வேண்டும் என்று வாதிட்டார்.

லி மறுத்துவிட்டார், சூ மீண்டும் மீண்டும் துரோகம் செய்ததால் அவருக்கு பெரும் மன உளைச்சலை ஏற்படுத்தியதாகக் கூறினார், மேலும் அவர் அந்தப் பணத்தை அவளுடைய செயல்களுக்கு இழப்பீடாகக் கருதினார்.

பின்னர், நிதியை மீட்டுத் தரக் கோரி சூ நீதிமன்றத்தில் வழக்கு தொடர்ந்தார். வழக்கை பரிசீலித்த நீதிமன்றம் லிக்கு ஆதரவாக தீர்ப்பளித்தது. அவர்களது உறவை சீர்செய்வதற்கான சைகையாக சூ தானாக முன்வந்து பணம் கொடுத்ததாகவும், திருமணத்திற்கான பரிசுப் பொருளாக இருக்கவில்லை என்றும் அது தீர்மானித்தது. பணத்தைத் திருப்பித் தருவதற்கு லி கடமைப்பட்டிருக்கவில்லை என்று நீதிமன்றம் முடிவு செய்தது.

Read More

காதலனுக்கு கள்ளத் தொடர்பு இருப்பதாக சந்தேகித்து ரயில் முன் பாய்ந்து பலியான மல்ஷானி!!

காதலனுக்கு கள்ளத் தொடர்பு இருப்பதாக சந்தேகித்து ரயில் முன் பாய்ந்து பலியான மல்ஷானி!!

புத்தளம், முந்தல் நவதன்குளம் பகுதியில் யுவதி ஒருவர் தொடருந்து தண்டவாளத்தில் தலையை வைத்து உயிரை மாய்த்துக் கொண்டுள்ளதாக பொலிஸார் தெரிவித்துள்ளனர்.

தனது காதலனுக்கு வேறு உறவு இருப்பதாக சந்தேகமடைந்த யுவதியொருவர்  இவ்வாறு தனது உயிரை மாய்த்துக் கொண்டுள்ளார். தனியார் ஆடை நிறுவனமொன்றில் பணிபுரிந்து வந்த 20 வயதுடைய பியுமி மல்ஷானி என்பவரே இவ்வாறு உயிரிழந்துள்ளார்.

தொடருந்து வரும் தண்டவாளத்தை நோக்கி மகள் ஓடியதை கண்ட தாயார் அலறியடித்து ஓடிய போதிலும் அவர் தொடருந்தில் மோதுண்டு உயிரிழந்துள்ளார்.

சாரதி தொடருந்தினை நிறுத்தி யுவதியின் சடலத்தை மதுரங்குளிய ரயில் நிலையத்திற்கு கொண்டு சென்ற நிலையில், புத்தளம் ஆதார வைத்தியசாலைக்கு சடலம் கொண்டு செல்லப்பட்டுள்ளது.

காதலர்களுக்கு இடையில் ஏற்பட்ட காரசாரமான தொலைபேசி உரையாடலின் பின்னர் மகள் விபரீத முடிவை எடுத்துள்ளதாக தாயார் பொலிஸாரிடம் வாக்குமூலம் அளித்துள்ளார்.

Read More

தேங்காயை சிக்கனமாக பயன்படுத்த முயன்ற மாணவி திலுனி பரிதாபமாக பலி!

தேங்காயை சிக்கனமாக பயன்படுத்த முயன்ற மாணவி திலுனி பரிதாபமாக பலி!

நவகத்திகம, ஹல்மில்லவெவ பிரதேசத்தில் 15 வயதுடைய சிறுமி ஒருவர் நேற்று (19) தனது வீட்டில் அரைக்கும் சாதனத்தில் (பிளண்டர்) தேங்காய்த் துண்டுகளை அரைக்க முயன்ற போது மின்சாரம் தாக்கி உயிரிழந்துள்ளதாக பொலிஸார் தெரிவிக்கின்றனர்.

நவகட்டகம ஹல்மில்லவெவ பிரதேசத்தில் வசித்து வந்த மூன்று பிள்ளைகளைக் கொண்ட குடும்பத்தின் இரண்டாவது பிள்ளையான நடரஞ்சன் நிமல்ஷா திலுனி என்ற சிறுமியே துரதிஷ்டவசமாக உயிரிழந்துள்ளதாக பொலிஸார் தெரிவித்துள்ளனர். இந்த சிறுமி கலேவெவ விஜய வித்தியாலயத்தில் 9ஆம் தரத்தில் கல்வி கற்று வருகிறார். கடும் நிதி நெருக்கடிக்கு மத்தியில் குடும்பம் வாழ்ந்து வருகிறது. அவர்கள் வசித்த சிறிய வீட்டில் சரியாக உறங்க இடமின்றி தவிப்பதாகவும் பொலிஸார் தெரிவித்தனர்.

சிறுமியின் தாயும் தந்தையும் கூலி வேலை செய்பவர்கள், பெற்றோர் வேலை முடிந்து வீட்டிற்கு வருவதற்குள் சிறுமி தேங்காயின் ஒரு பகுதியை எடுத்து கறி செய்வதற்காக அரைக்க முயன்றது விசாரணையில் உறுதி செய்யப்பட்டுள்ளது.

தேங்காய் விலை அதிகரித்துள்ள நிலையில், கடையொன்றில் இருந்து கொண்டு வரப்பட்ட தேங்காயை சில நாட்கள் பாதுகாப்பதற்காக அரைக்கும் இயந்திரத்தில் வைத்து பொடியாக்கியது தெரியவந்துள்ளதாக பொலிஸார் தெரிவித்தனர்.

எனினும், சிறுமி தேங்காய் துண்டுகளை பொடியாக்க பயன்படுத்திய அரைக்கும் இயந்திரம் மிகவும் பாதுகாப்பற்ற நிலையில் இருந்தது. அரைக்கும் இயந்திரத்தில் மேலும் இரண்டு கம்பிகள் பொருத்தப்பட்டு அதனை மின் செருகியில் பொருத்த சென்ற போது, ​​மின்சாரம் தாக்கி உயிரிழந்துள்ளார். அக்கா மின்சாரம் பாய்ந்து சிரமப்படுவதைக் கண்டு அவளது தம்பி ஓடிவந்து பிரதான மின்சுற்றை அணைத்தான், ஆனால் இரவு நேரமாகியதால் இருளுக்கு பயந்து மீண்டும் பிரதான மின்சுற்றை ஓன் செய்தான். அதில் சிறுமி பலத்த மின்சாரம் தாக்கி பாதிக்கப்பட்டது பொலிஸாரின் விசாரணையில் தெரியவந்துள்ளது. கூலி வேலைக்குச் சென்ற தந்தையும் தாயும் இதுவரை வீட்டுக்கு வராததால் அக்கம்பக்கத்தினரை சத்தம் போட்டு அழைத்துள்ளதாக பொலிஸார் தெரிவிக்கின்றனர்.

அயலவர்கள் வந்து மின்சார கம்பியில் இருந்து சிறுமியை அப்புறப்படுத்தி உடனடியாக வைத்தியசாலைக்கு கொண்டு சென்றதுடன், ஏற்கனவே ஆபத்தான நிலையில் இருந்த சிறுமியை உடனடியாக புத்தளம் ஆதார வைத்தியசாலைக்கு கொண்டு சென்ற போதிலும், அதற்குள் சிறுமி உயிரிழந்துள்ளதாக தெரிவிக்கப்படுகின்றது.

Read More

கருனாவால் கடத்தப்பட்டு காணாமல் போன துணைவேந்தர் ரவீந்தரநாத் எங்கே? கருனா சி.ஐ.டியில்!! சனி மாறுகின்றதா?

கருனாவால் கடத்தப்பட்டு காணாமல் போன துணைவேந்தர் ரவீந்தரநாத் எங்கே? கருனா சி.ஐ.டியில்!! சனி மாறுகின்றதா?

கருணா அம்மான் என்றழைக்கப்படும் முன்னாள் பிரதி அமைச்சர் விநாயகமூர்த்தி முரளிதரன் இன்று (19) குற்றப்புலனாய்வு திணைக்களத்தில் முன்னிலையாகியிருந்தார்.

கிழக்கு பல்கலைக்கழக முன்னாள் உபவேந்தர் சுப்பிரமணியம் ரவீந்திரநாத் கடந்த 2006ம் ஆண்டு கடத்தப்பட்டு காணாமல் ஆக்கப்பட்டமை தொடர்பில் வாக்குமூலம் வழங்குவதற்காகவே அவர் அங்கு பிரசன்னமாகினார்.

கடந்த 2006ம் ஆண்டு டிசம்பர் மாதம் 15ம் திகதி கிழக்கு பல்கலைக்கழக முன்னாள் உபவேந்தர், கொழும்பில் இலங்கை விஞ்ஞான முன்னேற்றச் சங்கம் கூட்டத்தில் கலந்து கொண்டு பின்னர் மட்டக்களப்பு நோக்கி திரும்பிக் கொண்டிருந்த போது, இனம் தெரியாத ஆயததாரிகளால் கடத்தப்பட்டு காணாமல் ஆக்கப்பட்டார்.

இந்த சம்பவம் தொடர்பாக குற்றப்புலனாய்வு திணைக்களத்தினர் விசாரணைகளை மேற்கொண்டுவரும் நிலையில், கருணா அம்மான் இன்று கொழும்பிலுள்ள குற்றப்புலனாய்வு திணைக்களத்திற்கு அழைக்கப்பட்டிருந்தார்.

வாக்குமூலம் வழங்கியதன் பின்னர் ஊடகங்களுக்கு கருத்து தெரிவித்த கருணா அம்மான், தன்னிடம் உபவேந்தர் கடத்தப்பட்டு காணாமல் ஆக்கப்பட்ட விசாரணைகளுக்கு அமைய வாக்குமூலம் பெறப்பட்டதாக தெரிவித்தார்.

Read More

முள்ளிவாய்க்கால் கடற்கரையில் 103 வெளிநாட்டவர்களுடன் கரை ஒதுங்கிய மர்மப் படகு! பலர் மயங்கிய நிலையில்!!

முள்ளிவாய்க்கால் கடற்கரையில் 103 வெளிநாட்டவர்களுடன் கரை ஒதுங்கிய மர்மப் படகு! பலர் மயங்கிய நிலையில்!!

முல்லைத்தீவு முள்ளிவாய்க்கால் மேற்கு கடற்கரையில் 103 வெளிநாட்டு பயணிகள் அடங்கிய படகொன்று கரை ஒதுங்கிய சம்பவம் ஒன்று இன்று (19) இடம்பெற்றுள்ளது.

முள்ளிவாய்க்கால் மேற்கு கடற்கரைப்பகுதியில் மியன்மாரில் இருந்து 103 பயணிகளுடன் படகொன்று திசைமாறி வந்து கரையொதுங்கியுள்ளது. அந்த படகில் 25 க்கும் மேற்பட்ட சிறுவர்களும் உள்ளடங்கியிருக்கின்றனர்.

  பலர் மயக்கம் அவர்களை மீட்டு கரைக்கு கொண்டுவரும் நடவடிக்கையில் முல்லைத்தீவு மீனவர் சங்கத்தினர், கடற்படையினர், இராணுவத்தினர், பொலிஸார் ஈடுபட்டு வருகின்றனர்.படகில் இருப்பவர்களுக்கு உணவுகள், உலருணவுகளை முல்லைத்தீவு மீனவர் சங்கத்தினர் வழங்கியிருக்கியுள்ளனர். அதேவேளை படகில் காணப்பட்டவர்களில் சிலர்மயக்கமடைந்த நிலையிலும், சிலர் சுகயனமுற்ற நிலையிலும் உள்ளதாக தெரிவிக்கப்படுகின்றது.

Read More

அர்ச்சுனாவைச் சந்திப்பதற்காக ஜேர்மன் அன்ரி ஒரு லட்சம் ரூபாவை யூரியூப்பருக்கு கொடுத்து ஏமாந்தாரா?

அர்ச்சுனாவைச் சந்திப்பதற்காக ஜேர்மன் அன்ரி ஒரு லட்சம் ரூபாவை யூரியூப்பருக்கு கொடுத்து ஏமாந்தாரா?

யாழ்ப்பாணம் மீசாலையைச் சொந்த இடமாகக் கொண்ட தான் யூரியூப்பர் ஒருவருக்கு இலங்கைப் பணத்தில் ஒரு லட்சம் ரூபாவை கொடுத்து ஏமாந்துள்ளதாக ஜேர்மனியில் வசிக்கும் 50 வயது மதிக்கத்தக்க பெண் ஒருவர் தனது ரிக்ரொக் தளத்தில் வீடியோ ஒன்றைப் பதிவு செய்துள்ளார்.

  மீசாலையில் உள்ள பிள்ளையார் கோவில் ஒன்றில் எதிர்வரும் சில நாட்களில் நடக்கப் போகும் திருவிழாவிற்காக ஜேர்மனியிலிருந்து யாழ்ப்பாணம் வரவுள்ளாராம் குறித்த அன்ரி. 

அந் நேரத்தில் வைத்தியர் அர்ச்சுனாவை நேரில் சந்தித்து சில விடயங்கள் கதைக்க வேண்டும் என எண்ணி அர்ச்சுனாவின் தொலைபேசி அழைப்புக்கு பல தடவைகள் தொலைபேசி எடுத்தும் அர்ச்சுனா பதில் அளிக்கவில்லையாம். 

இதன் காரணமாக அர்ச்சுனாவின் வீடியோக்களை பதிவிடும் யூரியூப்பர் ஒருவரை தொடர்பு கொண்டு அர்ச்சுனாவை சந்திக்க ஏற்பாடு செய்து தருமாறு கேட்டாராம். அதற்கு உடன்பட்ட யூரியூப்பா் கடந்த மாத இறுதிப்பகுதியில் இடம்பெற்ற வெள்ள அனர்த்தத்திற்காக அருசு்சுனாவால் ஏற்பாடு செய்யப்பட்ட உதவிச் செயற்பாடுகளுக்காக அவரிடம் கொடுப்பதற்காக ஒரு லட்சம் ரூபாவை அனுப்புவீர்களா என குறித்த யூரியூப்பர் தன்னைக் கேட்டாராம். அதற்கு உடன்பட்டு அவரது கணக்கிற்கு ஒரு லட்சம் ரூபா தான் அனுப்பியதாக குறித்த அன்ரி கூறுகின்றார். 

இதன் பின்னர் குறித்த யூரியூப்பருடன் தொடர்பு கொள்ள முடியவில்லை எனவும் அவர் தனது தொலைபேசி இலக்கத்தை வட்சப் மற்றும் வைபரில் தடை செய்துள்ளதாகவும் அன்ரி கூறுகின்றார். குறித்த யூரியூப்பர் யார், மற்றும் அவர் அனுப்பிய பணத்தொகைக்கான ஆதாரங்களை அன்ரி தெரியப்படுத்தவில்லை.

Read More

சத்தியமூர்த்தி பயங்கர கொள்ளையனா? அதிர்ச்சித் தகவல்களை கூறுகின்றார் தபேந்திரன்!!

சத்தியமூர்த்தி பயங்கர கொள்ளையனா? அதிர்ச்சித் தகவல்களை கூறுகின்றார் தபேந்திரன்!!

யாழ்போதனா வைத்தியசாலை பணிப்பாளர் சத்தியமூர்த்தியின் பேஸ்புக் பதிவின்போது கருத்திட்ட வேதநாயகம் தபேந்திரன் பதிவிட்ட கருத்தை அப்படியே தந்துள்ளோம்..

உங்களை வாழ்த்துவோரை விடத் தூற்றுவோரது கருத்துகளைக் கவனத்தில் எடுங்கள். அர்ச்சுன ஒரு எம்பியாக வருமளவுக்கு எவ்வாறு விஸ்வரூபம் எடுத்தாரென இதயசுத்தியுடன் ஆராயுங்கள்.

தங்களைப் பணிப்பாளராகக் கொண்ட KEDT-கிளிநொச்சி கல்வி வளர்ச்சி அறக்கொடைக்கு எந்தெந்த நாடுகளிலிருந்து எந்தெந்தக் காலம் எவ்வளவு பணம் வந்தது.

எவ்வாறு எவ்வளவு எவ்வளவு செலவழித்தீர்கள் போன்ற விபரங்களைப் பகிரங்கப்படுத்துங்கள்.

நான் 2012 முதல் 2020 வரை கிளிநொச்சி மாவட்ட சமூக சேவைகள் உத்தியோகத்தராகப் பணியாற்றினேன். அதனால் உங்களை நன்றாக அறிவேன்.

என்னிடம் உதவி கேட்டு வருவோருக்கு கற்றல் உதவித் தொகை வழங்கக் கேட்டு கடிதம் எழுதிக் கொடுத்துக் கரடிப் போக்கில் உங்களது விஞ்ஞானக் கல்வி நிலையத்தில் இயங்கும் கிளிநொச்சி கல்வி வளர்ச்சி அறக்கட்டளைக்குப் பலரை அனுப்பினேன்.

ஆனால் ஒருவருக்குமே ஒரு ரூபா கொடுக்கப்படவில்லை.

நான் யாழ் இந்துக் கல்லூரியின் பழைய மாணவன். அதனால் வெளிநாடுகளில் உங்களது அமைப்புக்குத் தந்த பணம் எவ்வளவு என ஓரளவு அறிந்து வைத்துள்ளேன்.

நிற்க…

தங்களை ஒருமுறை கிளிநொச்சி மாவட்டத் தமிழ்ச் சங்கத்தின் விழா ஒன்றுக்குப் பிரதம விருந்தினராக அமைத்துக் கௌரவித்தோம். எமது சங்கத்தின் அலுவலக உத்தியோகத்தருக்கு மாதம் 20 000 சம்பளம் கொடுக்கின்றோம். ஒரு மாதச் சம்பளத்தைத் தாங்கள் தரச் சொல்லிக் கேட்டோம். ஆம் என்றீர்கள். கைதட்டினோம். ஆனால் பலமுறை கேட்டும் தரவில்லை.

Read More

8 வயதுச் சிறுமியுடன் உறவு கொண்ட சிகையலங்கரிப்பாளன் பிடிபட்டது எப்படி?

8 வயதுச் சிறுமியுடன் உறவு கொண்ட சிகையலங்கரிப்பாளன் பிடிபட்டது எப்படி?

மொனராகலை – படல்கும்புர பொலிஸ் பிரிவிற்குட்பட்ட பின்னகட்டிய வாசிபான பிரதேசத்தில் வசிக்கும் 08 வயது சிறுமியை வன்புணர்வு செய்த 42 வயதான மூன்று பிள்ளைகளின் தந்தை நேற்று (17) படல்கும்புர பொலிஸாரால் கைது செய்யப்பட்டுள்ளார்.

சம்பவம் தொடர்பில் மேலும் தெரியவருவகையில்,

சிகையலங்காரம் செய்யும் நபர் கைது

சிறுமியின் தந்தை கொழும்பு பகுதியில் பணிபுரிந்து வந்துள்ளதோடு, தாய் சகோதரர் மற்றும் சகோதரியுடன் அச்சிறுமி வீட்டில் வசித்து வந்துள்ளார்.

இதற்கமைய, கடந்த 13ஆம் திகதியன்று சிறுமி பாடசாலையிலிருந்து நடந்து சென்று கொண்டிருந்த நிலையில், சந்தேக நபர் சிறுமியை மோட்டார் சைக்கிளில் ஏற்றிக்கொண்டு படல்கும்புர நகரில் உள்ள இரண்டு மாடி வீடொன்றிற்கு அழைத்துச் சென்று வன்புணர்வுக்கு உள்ளாக்கியுள்ளார். இது தொடர்பில் சுகாதார உத்தியோகத்தர் அறிந்துகொண்டதை அடுத்து சிறுமியின் தாயார் பொலிஸில் முறைப்பாடு அளித்துள்ளார்.அதனையடுத்து , படல்கும்புர பகுதியில் வசிக்கும் 42 வயதுடைய 3 பிள்ளைகளின் தந்தையான சிகையலங்காரம் செய்யும் நபர் கைது செய்யப்பட்டுள்ளார்.

மேலும், சந்தேக நபர் மொனராகலை நீதவான் நீதிமன்றில் ஆஜர்படுத்தப்படவுள்ளதோடு, சிறுமி மருத்துவ பரிசோதனைக்காக மொனராகலை மாவட்ட பொது வைத்தியசாலையில் அனுமதிக்கப்பட்டுள்ளமை குறிப்பிடத்தக்கது.

Read More

கனேடிய பணவீக்கத்தில் ஏற்பட்டுள்ள மாற்றம் | Canada S Inflation Rate Drops

கனேடிய பணவீக்கத்தில் ஏற்பட்டுள்ள மாற்றம்

கனடாவின் (Canada) வருடாந்திர பணவீக்க விகிதம் கடந்த நவம்பர் மாதத்தில் வீழ்ச்சியடைந்துள்ளதாக தெரிவிக்கப்படுகிறது. அதன்படி, கடந்த நவம்பர் மாதத்தில் கனேடிய வருடாந்திர பணவீக்க விகிதம் 1.9 வீதமாக பதிவாகியுள்ளது.

அந்நாட்டு அரச நிறுவனமான Statistics Canada வெளியிட்டுள்ள தரவுகளின் அடிப்படையில் இந்த விடயம் தெரியவந்துள்ளது.

இதேவேளை, குறைந்த அடமான வட்டி செலவுகள் மற்றும் மலிவான சுற்றுலா பயண கட்டணங்களின் சலுகைகள் என்பன பணவீக்க வீழ்ச்சிக்கு காரணம் என்றும் நிறுவனம் குறிப்பிட்டுள்ளது.

உணவுப் பொருட்களின் விலை

அத்துடன், பொருட்களின் விலை உயர்வு பெரும்பாலும் மந்தமடைந்துள்ளதாகவும் உணவுப் பொருட்களின் விலை கடந்த ஆண்டுடன் ஒப்பிடும்போது 2.6% அதிகரித்துள்ளதாகவும் தெரிவிக்கப்படுகிறது.

இந்த நிலையில், 2021 நவம்பர் முதல் இதுவரை உணவுப் பொருட்கள் விலை 19.6 வீதமாக அதிகரித்துள்ளதாக கூறப்படுகிறது

Read More

லண்டனிலிருந்து தாயாரின் செத்தவீட்டுக்கு யாழ் வந்து குற்ற புலனாய்வுப்பிரிவினரால் கைது செய்யப்பட்டு சிறையில் அடைக்கப்பட்ட சங்கர் விடுதலையானது எப்படி?

லண்டனிலிருந்து தாயாரின் செத்தவீட்டுக்கு யாழ் வந்து குற்ற புலனாய்வுப்பிரிவினரால் கைது செய்யப்பட்டு சிறையில் அடைக்கப்பட்ட சங்கர் விடுதலையானது எப்படி?

உலகத்தமிழ் பேரவையின் பேச்சாளர் சுரேன் சுரேந்திரன் மற்றும் உலகத்தமிழர் பேரவையின் நிர்வாகிகளுடன் இணைந்து பிரித்தானிய பிரஜையான சங்கர் LTTE மீள் உருவாக்கத்திற்காக நிதி திரட்டி இலங்கைக்கு அனுப்பியதாக 2012 ஆம் ஆண்டு குற்றப்புலனாய்வு பிரிவினரால் நீதிமன்றில் அறிக்கை தாக்கல் செய்யப்பட்டதுடன் அவருக்கெதிராக பயணத்தடையும் விதிக்கப்பட்டிருந்தது.

பிரித்தானிய பிரஜையான விஜயசுந்தரம் சங்கர் தனது தாயாரின் இறுதிச்சடங்கில் கலந்து கொள்வதற்காக கடந்த நவம்பர் மாதம் 30 ஆம் திகதி இலங்கை வருகை தந்தபோது கட்டுநாயக்க விமான நிலையத்தில் குற்ற புலனாய்வுப்பிரிவினரால் கைது செய்யப்பட்டார்.

இந்த வழக்கு இன்று கொழும்பு நீதவான் மன்றில் எடுத்தும் கொள்ளப்பட்டபோது, சந்தேக நபர் சங்கர் சார்பில் ஆஜராகிய ஜனாதிபதி சட்டத்தரணி கே.வி. தவராசா தனது வாதத்தில், இந்த சந்தேகநபரை கைது செய்தமை சட்டரீதியற்ற கைது என்றும்,

2009 ஆண்டு யுத்தம் மௌனிக்கபட்ட பின்னர் பல நூற்றுக்கணக்கான அப்பாவிகள் கைது செய்யப்பட்ட பொழுது இந்த சந்தேகநபரும் புலனாய்வுப் பிரிவினரால் கைது செய்யப்பட்டு இவர் மீது எந்தக் குற்றச்சாட்டும் சுமந்த முடியாத நிலையில் விடுதலை செய்யப்பட்டார்.

அதன் பின்னர் 2010 ஆம் ஆண்டு பிரித்தானியாவுக்கு பயணமாகிய பின்னர் பிரித்தானிய பிரஜாவுரிமையும் பெற்றுக்கொண்டார்.

பொலீசார் 2012 இல் சந்தேக நபர் சங்கருக்கு எதிராக, நிதி சேகரித்ததாக நீதி மன்றில் அறிக்கையை தாக்கல் செய்து விசாரணை செய்த போதிலும், 2024 ஆம் ஆண்டு கைது செயப்படும்வரை இவருக்கெதிராக பொலிஸ் விசாரணையில் நீதிமன்றில் எவ்வித சான்றுகளும் முன்வைக்கப்படவில்லை என்பதோடு, சந்தேக நபர் எந்த குற்றதை புரிந்தார் என்பதை நீதிமன்றில் தாக்கல் செய்த அறிக்கைகளில் பொலிசார் தெளிவாக குறிப்பிடப்படவில்லை .

2010 ஆம் ஆண்டிலிருந்து 2024ஆம் ஆண்டு கைது செய்யப்படும் வரை சந்தேக நபர் இலங்கைக்கு எந்த விஜயமும் மேட்கொண்டிருக்கவில்லை என்பதை நீதிமன்றின் கவனத்துக்கு கொண்டு வந்ததுடன்,

இவ்வாறான சட்டரீதியற்ற கைதுகளினால் புலப்பெயர் தமிழர்களின் வெளிநாட்டு முதலீடுகள் குறைவடைவதுடன் சுற்றுலாத்துறையிலும் பாரிய பாதிப்புகள் ஏட்படுவதுடன் இது இலங்கை பொருளாதாரத்தில் வீழ்ச்சியையும் ஏட்படுத்தும், என்பதனையும் நீதிமன்றின் கவனத்துக்கு கொண்டு வந்தார்

கடந்த 06 ஆம் திகதி குற்றப்புலனாய்வு பொலிஸாரினால் தாக்கல் செய்யப்பட்ட அறிக்கையில் நிதி அனுப்பட்டதாக கைது செய்யப்பட்டார், ஆனால் விசாரணையில் தனது பெற்றோருக்கே நிதி அனுப்பியதாக விசாரணையில் தெரிய வந்துள்ளது. பெற்றோருக்கு நிதி அனுப்புவது குற்றமா? என்ற வாதத்தையும் ஜனாதிபதி சட்டத்தரணி கே.வ.தவராசா நீதிமன்றில் முன்வைத்ததை அடுத்து கொழும்பு நீதவான் நீதிமன்ற நீதிபதி சந்தேக நபரை விடுதலை செய்தார்.

இந்த வழக்கில் சந்தேக நபர் சார்பில் சட்டத்தரணி தர்மஜா தர்மராஜா அனுசரணையில் ஜனாதிபதி சட்டத்தரணி கே.வி.தவராசா மற்றும் சட்டத்தரணி மொஹமட் மிஸ்பா சட்டத்தரணி ஓஷதி கனீஷா ஹப்புஆராச்சி ஆஜராகியிருந்தனர்.

Read More

யாழைச் சேர்ந்த யுவதி கிளிநொச்சியில் வைத்து கடத்தப்பட்டது ஏன்?

யாழைச் சேர்ந்த யுவதி கிளிநொச்சியில் வைத்து கடத்தப்பட்டது ஏன்?

யாழ்ப்பாணத்தைச்(jaffna) சேர்ந்த யுவதி ஒருவர் கிளிநொச்சியில்(kilinochchi) வைத்து கடத்தப்பட்ட சம்பவம் பரபரப்பை ஏற்படுத்தியுள்ளது.

யாழ்ப்பாணம் புன்னாலைகட்டுவன் பகுதியைச் சேர்ந்த 26 வயதுடைய யுவதியே வான் ஒன்றில் வந்தவர்களால் கடத்தி செல்லப்பட்டுள்ளார்.

இந்த சம்பவம் கிளிநொச்சி இரணைமடுச்சந்தி கனகாம்பிகைக்குளம் வீதியில் நேற்று (16) மாலை 6 மணியளவில் இடம்பெற்றுள்ளது. சம்பவம் தொடர்பில் மேலும் தெரியவருவதாவது,

யாழ்ப்பாணம் புன்னாலைக்கட்டுவன் பகுதியைச் சேர்ந்த குறித்த யுவதி அழகுக்கலை நிலையம் ஒன்றில் பயிற்சி பெற்று வரும் நிலையில் கனகாம்பிகைக்குளம் பகுதியில் உள்ள வீடு ஒன்றில் வாடகைக்கு இருந்துள்ளார்.

இந்த நிலையில் வழமை போன்று குறித்த யுவதி தங்கும் இடத்துக்கு திரும்புகையில் வான் ஒன்றில் சென்ற குழுவினர் அவரை வலுக்கட்டாயமாக ஏற்றி சென்றுள்ளதாக ஆரம்பகட்ட விசாரணையில் தெரியவந்துள்ளது.

குறித்த யுவதியின் கைப்பை மற்றும் தொலைபேசி ஆகியன கண்டு பிடிக்கப்பட்டுள்ள நிலையில் காவல்துறைக்கு தகவல் வழங்கப்பட்டுள்ளது.

இதனைத் தொடர்ந்து சம்பவ இடத்துக்கு சென்ற தலைமை காவல் நிலைய பொறுப்பதிகாரி சரத் சமரவிக்ரம தலைமையிலான காவல்துறையினர் விசாரணைகளை ஆரம்பித்துள்ளனர்.

Read More

பறிபோகப்போகும் அர்ச்சுனாவின் MP பதவி.

பறிபோகப்போகும் அர்ச்சுனாவின்  MP பதவி.

எம்.பி பதவியை வகிக்கத் தகுதியற்றவர் எனக் கூறி , அர்ச்சுனா எம்.பிக்கெதிராக மேன்முறையீட்டு நீதிமன்றத்தில் மனு .

யாழ்.மாவட்ட பாராளுமன்ற உறுப்பினர் அர்ச்சுனா இராமநாதனை பாராளுமன்ற உறுப்பினர் பதவியில் இருந்து தகுதி நீக்கம் செய்யக்கோரி அவருக்கு எதிராக உயர் நீதிமன்றத்தில் மனு தாக்கல் செய்யப்பட்டுள்ளது.

  மருத்துவ அதிகாரி பதவியை ராஜினாமா செய்யாததால், எம்.பி.யாக இருக்க தகுதியற்றவர் என கூறி, பொதுநல வழக்குரைஞரான ஓஷல ஹேரத் இந்த மனுவை தாக்கல் செய்துள்ளார்.

 அதன்படி, இந்த விவகாரம் இன்று (17) மேன்முறையீட்டு நீதிமன்றத்தில் (CA) எடுத்துக்கொள்ளப்பட்டது, மேலும் 2025 ஜனவரி 15 அன்று  வழக்கு விசாரணைக்கு வருகின்றது.

Read More

ஆஸ்பத்திரிக்குள் புகுந்து சத்தியமூர்த்தியை வெருட்டிய அர்ச்சுனாவுக்கு நீதிமன்றில் நடந்த கதி!!

ஆஸ்பத்திரிக்குள் புகுந்து சத்தியமூர்த்தியை வெருட்டிய அர்ச்சுனாவுக்கு நீதிமன்றில் நடந்த கதி!!

யாழ்ப்பாணம் போதனா வைத்தியசாலையில் அதிகாரிகளின் பணிக்கு இடையூறு விளைவித்த குற்றச்சாட்டில் நீதிமன்றில் சரணடைந்த, சுயேட்சை நாடாளுமன்ற உறுப்பினர் இராமநாதன் அர்ச்சுனாவுக்கு யாழ்ப்பாணம் நீதவான் நீதிமன்றம் பிணை வழங்கியுள்ளது.

யாழ்ப்பாண போதனா வைத்தியசாலைக்கு சென்ற அருச்சுனா எம்பி, அங்கு வைத்தியசாலை பணிப்பாளர் வைத்தியர் சத்தியமூர்த்தியுடன் தர்க்கத்தில் ஈடுபட்டமை தொடர்பாக, பொலிஸில் முறைப்பாடு செய்யப்பட்டிருந்தது.

இதுதொடர்பாக இன்று(16) யாழ்ப்பாணம் நீதவான் நீதிமன்றில் சட்டத்தரணியுடன் நாடாளுமன்ற உறுப்பினர் சரணடைந்தார். இதன்போது எம்பி இராமநாதன் அர்ச்சுனா , கடும் எச்சரிக்கையுடன் பிணையில் விடுவிக்கப்பட்டதாக தெரிவிக்கப்படுகின்றது.

Read More

மன்னார் சிறமியை வல் லுறவுக்குள்ளாக்கி கொலை செய்து சிறைக்கு சென்று தப்பியோடியவன் பிடிபட்டது எப்படி?

மன்னார் சிறமியை வல் லுறவுக்குள்ளாக்கி கொலை செய்து சிறைக்கு சென்று தப்பியோடியவன் பிடிபட்டது எப்படி?

தலைமன்னாரில் 10 வயது சிறுமி பாலி யல் துஷ்பி ரயோகத்திற்கு உள்ளாக்கி கொலை-தடுப்பிலிருந்து தப்பிச் சென்ற நபர் 6 மாதங்களின் பின் கைது எதிர்வரும் 26 ஆம் திகதி வரை விளக்கமறியலில் வைக்க மன்னார் நீதவான் உத்தரவு.

தலைமன்னார் ஊர்மனை கிராமத்தில் கடந்த பெப்பிரவரி மாதம் 10 வயது சிறுமி ஒருவர் பாலி யல் துஷ்பி ரயோகத்திற்கு உள்ளாக்கி கொலை செய்யப்பட்ட சம்பவம் தொடர்பாக கைது செய்யப்பட்ட 55 வயதுடைய நபர் தப்பிச் சென்ற நிலையில் குறித்த நபர் கைது செய்யப்பட்டு இன்றைய தினம் திங்கட்கிழமை(16) மன்னார் நீதிமன்றத்தில் ஆஜர்படுத்திய போது நபரை எதிர்வரும் 26 ஆம் திகதி வரை விளக்கமறியலில் வைக்க மன்னார் நீதவான் உத்தரவிட்டார்.

தலைமன்னார் ஊர்மனை கிராமத்தில் 10 வயதுடைய சிறுமி ஒருவரை பாலி யல் துஷ்பி ரயோகத்திற்கு உள்ளாக்கி கொலை செய்த குற்றச்சாட்டில், கைது செய்யப்பட்டு விளக்கமறியலில் வைக்கப்பட்டிருந்த நிலையில்,தப்பிச் சென்ற குறித்த நபர் நேற்றைய தினம் ஞாயிற்றுக்கிழமை (15) திருகோணமலை குச்சவெளி பிரதேசத்தில் வைத்து பொலிஸாரினால் கைது செய்யப்பட்டு,தலைமன்னார் போலீசாரிடம் ஒப்படைத்தனர்.

தலைமன்னார் போலீசார் தடுத்து வைத்து விசாரணைகளின் பின்னர் இன்றைய தினம் திங்கட்கிழமை (16) காலை மன்னார் மாவட்ட பொது வைத்தியசாலையின் சட்ட வைத்திய அதிகாரியின் பரிசோதனைக்கு உட்படுத்தி பின்னர் இன்றைய தினம் திங்கட்கிழமை (16) காலை மன்னார் நீதிமன்றத்தில் ஆஜர் படுத்தினர்.

இதன் போது விசாரணைகளை மேற்கொண்ட மன்னார் நீதவான் குறித்த சந்தேக நபரை எதிர்வரும் 26 ஆம் திகதி (26/12/2024) வரை விளக்கமறியலில் வைக்க உத்தரவிட்டார்.

தப்பிச் சென்ற குறித்த நபர் தொடர்பில் பொலிஸாருக்கு கிடைக்கப்பெற்ற இரகசிய தகவலின் அடிப்படையில் போலீசார் மேற்கொண்ட தேடுதல் நடவடிக்கையின் போது குறித்த நபர் நேற்றைய தினம் (15) ஞாயிற்றுக்கிழமை திருகோணமலை குச்சவெளி பிரதேசத்தில் உள்ள காட்டுப் பகுதியில் பதுங்கி இருந்த நிலையில் குறித்த நபர் கைது செய்யப்பட்டார்.

தலைமன்னார் ஊர்மனை கிராமத்தில் கடந்த பெப்பிரவரி மாதம் 15 ஆம் திகதி மாலை காணாமல் போன அக்கிராமத்தைச் சேர்ந்த 10 வயது சிறுமி தனது அம்மம்மாவின் வீட்டில் இருந்து சுமார் 300 மீட்டர் தூரத்தில் உள்ள தென்னந் தோப்பில் இருந்து மாறு நாள் 16 ஆம் திகதி காலை சடலமாக மீட்கப்பட்டார்.

சடலம் மீது மேற்கொள்ளப்பட்ட சடலம் பரிசோதனையின் போது குறித்த சிறுமி பாலி யல் துஷ்பி ரயோகத்திற்கு உள்ளாக்கி கழுத்து நெரிக்கப்பட்டு கொலை செய்யப்பட்டமை தெரிய வந்தது.

குறித்த கொலை தொடர்பாக வெளி மாவட்டத்தில் இருந்து வருகை தந்து குறித்த தோட்டத்தில் வேலை செய்து வந்த 55 வயதுடைய சந்தேக நபர் கைது செய்யப்பட்டு நீதிமன்றத்தில் ஆஜர்படுத்தப்பட்டு விளக்கமறியலில் வைக்கப்பட்டிருந்த நிலையில், கடந்த மே மாதம் வவுனியா வைத்தியசாலையில் சிகிச்சைக்காக அனுமதிக்கப்பட்டு இருந்த நிலையில்,வைத்தியசாலையில் இருந்து தப்பிச் சென்றார்.

இந்த நிலையில் கடந்த 6 மாதங்களாக குறித்த நபர் தலைமறைவாக வாழ்ந்து வந்த நிலையில் நேற்றைய தினம் ஞாயிற்றுக்கிழமை (15) திருகோணமலை குச்சவெளி பிரதேசத்தில் உள்ள காட்டு பகுதியில் வைத்து பொலிஸாரினால் கைது செய்யப்பட்டமை குறிப்பிடத்தக்கது

Read More