அவுஸ்திரேலியாவை உலுக்கிய தந்தை, மகன் தாக்குதல்.... துப்பாக்கியை பறித்த துணிச்சல்காரர் யார்?

சிட்னியின் போண்டி கடற்கரையில் யூத விடுமுறை நிகழ்வில் நடந்த ஒரு கொடிய தாக்குதலின் போது ஆயுதமேந்திய ஒருவரை எதிர்த்துப் போராடி நிராயுதபாணியாக்கிய காட்சியை பலரும் பார்த்திருப்பர்கள். தாக்குதலாளியின் துப்பாக்கியை பறித்த துணிச்சல்காரர்  அகமது அல்-அகமது என அடையாளம் காணப்பட்டுள்ளதாக அவுஸ்திரேலிய ஊடகங்கள் தெரிவிக்கின்றன.

ஞாயிற்றுக்கிழமை நடந்த தாக்குதலில் 16 பேர் சுட்டுக் கொல்லப்பட்டனர். 40 பேர் காயமடைந்தனர். அவர்களில் சிலர் ஆபத்தான கட்டத்தில் உள்ளனர். அல்-அகமது ஒரு ஹீரோவாகப் பாராட்டப்பட்டார். அவரது செயல்கள் அதிக உயிர்களைக் காப்பாற்றியதாக பலரும் கூறினர்.

அல்-அகமது 43 வயதான சிட்னியைச் சேர்ந்த ஒரு பழக் கடை வைத்திருப்பவர் என்று அவுஸ்திரேலிய செய்தி வலைத்தளமான news.com.au தெரிவித்துள்ளது. சம்பவத்தின் போது இரண்டு குழந்தைகளின் தந்தையான அவர் இரண்டு முறை சுடப்பட்டதாக அவுஸ்திரேலிய ஊடகமான 7News இடம் ஒரு உறவினர் கூறினார்.

மற்றொரு பயங்கரவாதியால் அவரது கால் மற்றும் தோளில் சுடப்பட்டார். 

சமூக ஊடகங்களில் பரவும் காட்சிகளில், கார் நிறுத்துமிடத்தில் துப்பாக்கியுடன் கருமையான சட்டை அணிந்த ஒருவரை நோக்கி வெள்ளைச் சட்டை அணிந்த அல்-அகமது ஓடுவதைக் காட்டுகிறது. அவர் சந்தேக நபரை பின்னால் இருந்து தாக்கி, அவரது கைகளில் இருந்து ஆயுதத்தை பிடுங்கி, அதை அவரை நோக்கி சிறிது நேரம் குறிபார்ப்பதை காணலாம்.

பின்னர் வீடியோவில், ஆயுதம் ஏந்திய நபர் மற்றொரு துப்பாக்கிச் சூடு நடத்தியவர் இருந்த பாலத்தை நோக்கி பின்னோக்கி தடுமாறி விழுவதைக் காட்டுகிறது, அதே நேரத்தில் அல்-அகமது துப்பாக்கியை தரையில் வைப்பார்.

இந்தக் காட்சிகள் இணையத்தில் வேகமாகப் பரவி, அல்-அகமதுவின் துணிச்சலுக்குப் பரவலான பாராட்டுகளைப் பெற்றன.

இதேவேளை, தாக்குதலில் ஈடுபட்ட இருவரும் தந்தை மற்றும் மகன் என அடையாளம் காணப்பட்டனர்.  தாக்குதலின் போது 50 வயது தந்தை போலீசாரால் சுட்டுக் கொல்லப்பட்டார், அதே நேரத்தில் அவரது 24 வயது மகன் ஆபத்தான நிலையில் இருந்தார். தந்தையிடம் 10 வருடங்களாக பதிவு செய்யப்பட்ட துப்பாக்கி இருந்தது. அவரது இருப்பிடத்தை பொலிசார் சோதனை செய்தபோது 6 துப்பாக்கிகள் மீட்கப்பட்டன.