கட்டுநாயக்காவில் நடுவீதியில் வெட்டிக் கொல்லப்பட்ட மதுவந்தி!!

கட்டுநாயக்காவில் நடுவீதியில் வெட்டிக் கொல்லப்பட்ட மதுவந்தி!!

கட்டுநாயக்க சுதந்திர வர்த்தக வலயத்தின் ஊழியர் ஒருவர் நேற்று (28) அதிகாலை லியனகேமுல்ல பிரதேசத்தில் படுகொலை செய்யப்பட்டுள்ளார். இரவு விடுதியொன்றில் ஏற்பட்ட பிரச்சினை தொடர்பில் ஏற்பட்ட வாக்குவாதம் மிகையாக சென்றதையடுத்து இந்த படுகொலை இடம்பெற்றுள்ளது.

காலி மேற்கு படுவத்த நெலுவ பிரதேசத்தில் வசிக்கும் திசர மதுவந்தி என்ற 36 வயதுடைய ஒரு பிள்ளையின் தாயே இவ்வாறு கொல்லப்பட்டுள்ளார்.

சுமார் 6 வருடங்களுக்கு முன்னர் கட்டுநாயக்க சுதந்திர வர்த்தக வலயத்தில் பணிபுரிந்து வந்த இவர், பின்னர் சீதுவை, லியனகேமுல்ல, ஜூட் மாவத்தை பிரதேசத்தில் உள்ள விடுதி ஒன்றில் தற்காலிகமாக சீதுவையில் உள்ள சுற்றுலா விடுதி ஒன்றில் பணிபுரியும் நபருடன் தங்கியுள்ளார்.

இரவு விடுதியொன்றில் இடம்பெற்ற சம்பவத்தை அடிப்படையாக வைத்து இவருடன் அவர் வாக்குவாதத்தில் ஈடுபட்டுள்ளதுடன், கடந்த 28ஆம் திகதி அதிகாலை 2.00 மணிக்கும் 3.00 மணிக்கும் இடைப்பட்ட காலத்தில் இவரும் அந்த நபரும் புனித செபஸ்தியார் தேவாலயத்திற்கு முன்பாக நடந்து செல்லும் பாதுகாப்பு கமெரா காட்சிகள் பொலிஸாரால் கண்டுபிடிக்கப்பட்டுள்ளன. .

அதன்படி, இந்த தேவாலயத்திற்கு எதிரே உள்ள சாலையின் அருகே பலத்த வெட்டுக்காயங்களுடன் அந்த பெண் கொல்லப்பட்டார்.

 நீர்கொழும்பு பதில் நீதவான் திரு.இந்திக்க சில்வா இந்த இடத்திற்கு வந்து ஸ்தல பரிசோதனையை மேற்கொண்டதுடன் அவரது சடலம் சட்ட வைத்திய பரிசோதனைக்காக  நீர்கொழும்பு பொது வைத்தியசாலைக்கு அனுப்பி வைக்கப்பட்டுள்ளது.